Kli Smalkanka 33:19 - DAWAN BÎLA AISKA

¹⁹ Nisan nani ra il ra waia paiwbia bara ani sakripaiska want ba dauki kabia, kabu yuyaka nani wina sin lilia bribia, bara diara manakira nani dukia auhya ra yukukan ba wina sin.”

Kli Smalkanka 33:19 ပူးပေါင်းရင်းမြစ်များ

Blasi Sturka 49:13

“Zabulón lika kabu un tasbaya nani ra iwbia, kabu dwarka tara nani un ra praki wilkaika nani ra. Sidón tasbaya piarkika ba kat witin ai tasbaya piarkika bri kabia.

Lawana Nani 107:22

Tingki lâka sakripaiska nani dauks, bara liliakira diara daukan ba aisi bas.

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Lawana Nani 4:5

man nani kunin âpu sakripais dauks, bara Dawan kat kasak luks.

Lawana Nani 4:6

Upla ailal wisa: “¿Ya yawan ra lilia lâka wan marikbia?” ¡Dawan, namkra ra yang nani ra pain ai kaiks!

Lawana Nani 51:19

Bâra mika sakripais maiki ba brima, daiwan nani, prisant nani aiska angki maiki ba sut sin brima. Bâra mika altarkam purara bîp wainhka nani yaban kabia.

Impakan Sturka 15:17

Dawanki, wan brih was man ilkam holikira ra bâra iwaia; baha ilka ba man mita bâk sakram, man bahara iwaia, iwaia watla man mihtam ni alki buki bapram ba.

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 60:16

Plun kau pain ba nisan nani wina man ra maikbia, king nani ba diara kukan manis man ra brih balbia; bara man ai kakaira takma Dawan ba, yang, yang na man mai swaki mai sasakra.

Aiseya 60:5

Man baha kaikma piua ra, bara mamwan ingbia lilia mita, man kupiam ba lilia ni banhwan kabia; man ra dukia kukan ba kabu un tawanka wina kli tawi man ra aula ba kaiki. Nisan nani yuyaka kukanka nani ba sin kli tawi man ra aula bamna.

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Kli Smalkanka 32:13

Pura lui il tasbaya kuntrika nani bâk mai brih wan. Insla pata mâ nani mai dakakan, walpa wina nasma maikan diram, walpa karna ba wina batana laya maikan;

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.