Kli Smalkanka 33:17 - DAWAN BÎLA AISKA

¹⁷ Pranakira sa bîp wainhka kum tawahkia baku, karna pali buplu kum baku, upla sut ra ai aringka ni mangkbia tasba tâ kum wina tâ wala kat. Efraín kwârika tara nani ba baku sa; Manasés tausinka nani ba baku sa.”

Kli Smalkanka 33:17 ပူးပေါင်းရင်းမြစ်များ

Blasi Sturka 48:19

Sakuna ai aisika ba baku daukaia brin daukras kan, bara pana witin ra win: —Luhpi, yang pat kaikisni, almukka ba yang kaikisna. Manasés sin tara kulkan kabia bara nisan tara takbia. Ban sakuna, Efraín kau ai ningka ba kau tara pali kabia, witin ai kiamka ba wina nisan nani kau ailal takbia.

1 King Nani 22:11

Bara Sedequías, Quenaaná luhpia ba, ayan ni bîp aringka nani daukan bri kan, bara naku winan: “¡Dawan naku wisa: ‘Naha aringka nani wal Siria uplika nani sut ba mangki âpu pali daukamna!’ ”

1 Kronikas 12:31

Manasés kiamka wina bakriki prais, 18,000 ridi daukan kata, wih Debit ba king mangkaia.

1 Kronikas 12:32

Isacar kiamka wina, upla daknika kum diara tânka kakaira nani, Israel uplika dîa daukbia ba nu kaia dukiara, 200 lalka nani, ai kiamka waitnika nani aiska witin wal kan ba.

1 Kronikas 5:1

Israel luhpia tawahkia, Ruben luhpia nani ba naha nani kata: Hanoc, Falú, Hesrón bara Carmí. Kasak pali Ruben ba tawahkia pali kata, ban sakuna tawahkia yamnika ba tikan witin ai aisika maya ra alki saura munan bamna, bara baha yamnika ba Josep luhpia nani ra ni yan, Israel luhpia wala kan ba. Ban sakuna, Juda ba ai muihni nani sut wal kau karnikira pali takan, bara witin wina wihta kum takan; sakuna tawahkia yamnika ba Josep dukia ni takan.

1 Kronikas 5:23

Bara Manasés kiamka bakriki ba Basán tasbaya ra iwi banhwi kan ba, baha lika Baal-hermón kat wi yaba, Senir bara Hermón ilka ba, kan baha nani ba ailal pali kan ba mita.

2 Kronikas 18:10

Bara Sedequías, Quenaaná luhpia ba, ayan ni bîp aringka nani daukan bri kan, bara naku winan: “Dawan naku wisa: ‘¡Naha aringka nani wal Siria uplika nani sut ba mangki âpu pali daukma!’ ”

Lawana Nani 22:21

Layanka nani ba bîla wina sin ai dakbi ai sâks; ¡bîp wainhka nani aringka ba wina, man bui yang kaini kahs!

Lawana Nani 29:6

Líbano bara Sirión ilka nani ba yaban tatatwisa; ¡baha nani ba yaban bîp wainhka nani bara bîp lupia nani srutwi ba baku srutwisa!

Lawana Nani 44:5

man karnikam ni, waihli nani pura lui taibri; ¡man ninam brih mapara aiklabi nani kan ba, mini ra taibri!

Lawana Nani 60:7

Galaad bara Manasés ba yang duki, Efraín lika laila pura prakaika sa, Juda ba lika yang wapaiki dusa.

Lawana Nani 92:10

Man kau karniki ba aikisma, bîp wainhka karna ba baku, bara yang laila ra batana laikisma.

Aiseya 34:7

Witin nani bîp wail nani ikan baku kabia, bîp wainhka tara nani bara bîp wainhka sirpi nani pruan baku; bara witin nani ai tasbaya ba tala man buswan kabia, bara tasba yuyaka ba bîp batanka man takbia.

Isikiel 34:21

Swapnikira nani ra man nani platukbi laihura sakram, kiapkam ni mangki sakram bara yabram plapan.

Daniel 8:4

Kaikri sîp wainhka ba ai aringka ni muna tani ra pruki kan, yahbra tani ra bara muna tani ra sin, daiwan kumi sin witin mawanra buaia ba âpu kata, ai karnika ba wina upla kumi sin sip swak takras kan. Ai kupia lâka kat dauki kan, bara piua bani kau karna taki kata.

Oseas 5:3

Efraín ba yang kakaira sna; Israel ba kau kakairiki pali sa, Efraín urkira takan; Israel lika tâski takan.”

Oseas 6:4

Dawan aisisa: “Efraín, ¿man wal yang dîa daukamna? Juda, ¿man wal yang dîa daukamna? Man nani bui yang ra latwan ai kaikisma lâmka ba, titan mukuska baku sa, lalma kahbi kan diwaska laya baku, tisku kan pat lap tiwisa.

Oseas 7:1

upliki nani sikniska ba sîka yuki rakaia lukuna ba ra, Efraín bara Sameria ra, witin nani saura dauki watawika nani ba, baiwi param takisa. Kan witin nani sut kunin aisaia lan takisa; âimplikra nani baku, utla nani ra dimisa, yabalka kat upla nani ra implikisa.

Kulki Kaikanka 23:22

Witin nani Idsip wina sakan Gâdka ba witin nani wal sa, tâwan aiklabisa bara bîp bul tara aringka ba baku sa.

Kulki Kaikanka 24:8

Witin nani ra Gâd mita Idsip wina sakan, witin ai karnika tara brisa, bîp bul tara aringka nani ba baku. Israel luhpia nani mita kiamka wala ai waihla nani ra sut âpu daukbia; dusa nani ba sut krikbia, bara pantamangka bri ba ni sabia.

Kulki Kaikanka 26:34

Manasés kiamka nani sut kulkan 52,700 waitna nani kan.

Kulki Kaikanka 26:37

Efraín kiamka nani sut kulkan ba lika waitna nani 32,500 kan. Naha nani sika Josep kiamka nani daknika kulkan ba.

Jasua 17:14

Josep kiamka nani ba Jasua ra win: —¿Dîa muni lat lulki ban tasba sirpi wankram, kan yang nani na upla ailal sna bara Dawan yamni ai munan ba?

Jasua 17:18

sakuna baha il dus ailal bri ba sin brima, bara baha wina diara ailal sâkma. Kenan uplika nani dukiara lika, man nani bahara iwi ba wina sâkma, witin nani ba karna bara ayan waginka nani brisa kuna.

1 Samuil 2:1

Ana naku ai pura sunan: “Dawan, yang kupi ra man ra lilia tara brisni, kan man karniki raya aikisma. Waihli nani mapara aisaia sip sna, kan man tâi baikram bamna. ¡Âu, yang lilia sni!