Kli Smalkanka 33:12 - DAWAN BÎLA AISKA

¹² Benjamín dukiara aisin: “Dawan mita latwan kaiki ba ai kupia kumi sa; Laih Purara iwi ba piu bani ra kan kahbi bri kabia. ¡Ai klahkla munhtara raya kabia!”

Kli Smalkanka 33:12 ပူးပေါင်းရင်းမြစ်များ

2 Samuil 12:24

Baha ningkara, Debit ai maya Betsabé maisa nihkaia wan. Witin ra wih kaikan wal asla takan, witin luhpa waitna kum baikan, Debit bui ai nina Salaman mâkan. Naha tuktika ra Dawan bui latwan kaikan.

2 Samuil 12:25

Bamna baku prapit Natán bâk, Dawan wina Debit ra marikan, Dawan aisin ba ra luki tukta ba nina Jedidías mâkan.

1 King Nani 12:21

Bamna Roboam Jerusalem ra balan ba ra, Juda watla uplika nani bara Benjamín kiamka nani sut asla daukan wina waitna nani 180,000 sakan bara war uplika nani baku ridi daukan, Israel watla uplika nani mapara war aiklabaia, king lâka ba kli laki yaia Salaman luhpia Roboam ra.

2 Kronikas 11:1

Roboam Jerusalem ra wan ba ra, upla nani asla paiwi 180,000 wahbi sakan suldiar nani Juda kiamka wina bara Benjamín kiamka wina sin, witin nani wal Israel mapara war aiklabi bara ai kingka lâka ba kli briaia lukan.

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

Lawana Nani 132:14

“Naha ilka ra sika, bâra kan ai dauki ba; bahara iwamna, baku brin ai dauki bamna.

Lawana Nani 60:5

¡Pana wan aisas, swaki sin wan sâks man karnikam ni! ¡Dakbi sâks baha nani man latwan kaikisma ba!

Lawana Nani 91:4

witin ai tnawa mununhtara mai yukukbia, baha tnawa mununhtara pât luha kama. ¡Ai kasakka lâka ni, man kainam kahbi kabia!

Impakan Sturka 28:12

Baha walpaya wâl ba, Eran lama prakaika pahpaya purara kabia, Israel luhpia nani nina ba. Baku Eran, Dawan mawanra baha nani nina ba brih wabia, bara Dawan baha nani ra ai kupia krauki kabia.

Aiseya 37:22

Naha bîla nani sika Dawan aisan ba, Asiria kingka ba dukiara: “Saion luhpia mairin tiara baku Senaquerib lawaska kikisa. Man ninamra, Jerusalem luhpia mairin ba, ai lal wauhisa man mahka taki auma ba ra wisi.

Aiseya 37:35

Kan yang mita sika naha tawanka na kaina kahbamna swaki sakaia mata, yang laitwanka ra bara naipakan Debit latwanka ra sin.’ ”

Aiseya 51:16

kasbrika pura bara tasba sin paskri. Twisam ra bîli nani mangkri aisaia, mihti distika ra kainam kahbri. Yang Saion ra wîri: ‘Man ba yang upliki nani sma.’ ”

Jirimaya 12:7

“Upliki nani ba yang lulki swiri, yang tasbayi kata ba briras swiri. Witin ai waihla nani mihta ra mangkri yang latwan pali kaikisna nisanka nani ba.

Kulki Kaikanka 34:21

“Benjamín kiamka wina: Elidad, Quislón luhpia ba.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Kli Smalkanka 12:10

Sakuna piua kum man nani Jordan lui, bara baha kuntrika witin maikaia win ba ra iwma, bara waihlam nani mai kutbi ba wina pri kama, bara sibrin sin mai daukbia apia,

Kli Smalkanka 32:11

Yakal ai watla bilara ai tnawa balhbi, bara ai luhpia ra pâlaia smalki ba, baku Dawan ai tnawa nani ba sakbi man nani ba mai bri pâli wan.

Kli Smalkanka 33:11

Dawan ai warkka ai karnika ra yamni muns, bara warkka ba, pain kaiki brima. Waihlam nani nina baikanka ba kalks, man misbara kaiki nani kli tawi balbia apia.”

Kli Smalkanka 4:37

Witin bui man nani damikam nani ra latwan kaiki witin nani kiamka ra bâk sakan bara Idsip wina ai karnika tara ni pri sakan.

Wihta Nani 1:21

Sakuna Jebús uplika nani pat bâra iwi kan ba lika Benjamín kiamka nani ba mita Jerusalem wina sip kangbi sakras kan. Baha mita, ban naiwa kat Jebús uplika nani ba Benjamín kiamka nani ba aikuki asla ban Jerusalem ra iwisa.

1 Samuil 10:20

Bara Samuil win Israel kiamka nani ai lamara balbia, bara Benjamín kiamka ra lat ba kauhan.