Kli Smalkanka 33:10 - DAWAN BÎLA AISKA

¹⁰ Jekob ra bara Israel ra man lâmka bara adarkam nani ni smalks; man altarkam ra bara Dawan lamara, witin kaiki ba ra sîka mâka kîa yamni, daiwan angkan sin sakripaiska daukisa.

Kli Smalkanka 33:10 ပူးပေါင်းရင်းမြစ်များ

2 Kronikas 26:18

bara king mapara bûi naku wi banhwan: “King Ozías, Dawan ra sîka mâka kîa pain ni sakripais daukaia ba, man mihtam ra apia sa; baha ba prîs nani Eran kiamka nani ba mihta ra sa. Man taki was naha Dawan wal aisaia watla wina, kan man Dawan mapara saura daukram, ba mita Dawan kulkanka maikbia apia.”

2 Kronikas 30:22

Ezequías bui Libait nani sut ra yamni win ai kupia wilinkira Dawan warkka ra hilp munan bamna. Bara baha pata tara yua 7 sin luan ba ningkara, kli ai uplika takaia dukiara daukan bara Dawan ra mayunan ba, ai damika nani Dawanka ra.

Esdras 7:10

Esdras ba ai kupia aiska kira pali Dawan lâka ba laki kaiki, lâka tânka nani ba briaia plikan, Dawan lâka ba yaka upla sut daukaia, bara Israel luhpia nani ra sin ai lâka nani ba smalkaia, baku sin lâ wala ulban nani ba.

Nihimaya 8:18

Bamna witin nani yu 7 baha yua liliaka ba dauki kan; bara yua pas ba wina Esdras yu bani Gâd lâka ulban ba wina wiria aisi kaiki kan, bara yu 8 aimakan ba ra upla asla takan, baha liliaka tara ba daukaia dukiara lâ ra ulban ba kat daukaia.

Lawana Nani 51:19

Bâra mika sakripais maiki ba brima, daiwan nani, prisant nani aiska angki maiki ba sut sin brima. Bâra mika altarkam purara bîp wainhka nani yaban kabia.

Isikiel 43:27

Baku daukbia yu 7, bara yu 8 wina ai kanra, wîna aiska angki nani ba wal kupia kumi takaia sakripais nani ba daukbia. Baku mika yang bui man nani mai brimna âiyapah kira. Yang, Dawan, baku mai wisni.”

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Libait Lâka 1:13

Baha ningkara ai sakripaiska dauki waitnika ba, kli baha wîna nani ba, kuhma nani, biara nani ba sut sikbia, bara prîs bui baha nani ba brih altar purara angki, kîa pain dauki Dawan pain kiawali ba, prisantka dauki yabia.

Libait Lâka 1:17

Baha ningkara daiwra wîna ba, pîs wâl ra daukbia, tnawa kum ba wâl ra klahbia, sakuna tnawa wala ba lika kalkras kabia, bara baha ningkara wîna ba aiska altar purara angkbia, Dawan ra prisantka kum, kîa witin pain kiawali kaiki ba kat dauki yabia.

Libait Lâka 1:9

Witin wîna ba kau angkras ba ra, tâura biara bara kuhma nani ba sut sikbaia sa. Baha ningkara lika prîs ba baha brih, altar ba purara suni angki, kîa pain dauki, Dawan pain kiawali ba dauki yabia.

Libait Lâka 10:11

Bara man nani tawi, Israel luhpia nani sut ra naha lâka smalkma, Gâd bui Moses ra lâ nani yan ba lâka tilara naha brima.”

Libait Lâka 16:12

Ningkara kîa pain angkaia pata aswan auhbaia watlika, Dawan kaiki ba pliska ra bâra ba bribia, kîa pain angkaia dukia nani akban ba sin ai mihta wâl bribia, bara kwala paman ba ninara brih wabia;

Libait Lâka 16:13

kîa pain angkaia ba bri si, pauta ra kahbia angkaia, Dawan kaiki ba lamara. Bara kiasmika ba, lâ auhbaika watla pura bikaika purara kabia. Baku kabia bara Eran prubia apia.

Hageo 2:11

adar yan, karnika sut alki Dawanka ba nina ra, prîs nani ra lâ yan ba tânka kat makabi walanka nani walaia:

Hageo 2:12

“Naku wibia kaka, wîna sakripais dauki pat yamni munan ba, upla kum ai prâka ra yukuki brih auya kaka, bara prâka mahta ba brit ra, wain ra, batana laya bara plun wala nani sut ra kangbia ba ra, ¿baha mita pata nani ba yamni munan sa ki?” Bara prîs nani ba bîla apia win.

Kulki Kaikanka 16:40

Baha takan ba Israel luhpia nani mapara smalkanka tara kata, bara marikisa sip apia sa kiamka wala kum Eran kiamka wina apia ba, kîa pain angkaia watlika ba lamara waia bara Dawan ra kîa pain angki yaia. Baha uplika ra sip sa, Coré bara ai uplika nani ra dîa takan ba baku takaia. Bara Dawan bui Moses ra dîa daukaia win ba baku, Eleazar mita daukan.

Kulki Kaikanka 16:46

Bara Moses mita Eran ra win: —Kîa pain angkaika brisma ba wih bri bal, bara altar ba wina masku nani saki mangks, bara kîa pain nani sin mangks; baha ningkara upla nani bâra ba kat plapi was, Gâd ra makas, naha uplika nani pâtka ban swih tikbia. Kan Dawan lawanka ba pat aula sa; kaiks, pât tara ba pat tâ krikan sa.

Kli Smalkanka 24:8

“Lipar sikniska tânka dukiara, Libait nani mita nahki mai smalkbia ba baku dauks. Yang bui witin nani ra nahki smalkri ba baku daukbia.

Kli Smalkanka 27:14

Libait nani lika Israel luhpia nani tâ bribia, ai bîla wini kira naku wibia:

Kli Smalkanka 33:11

Dawan ai warkka ai karnika ra yamni muns, bara warkka ba, pain kaiki brima. Waihlam nani nina baikanka ba kalks, man misbara kaiki nani kli tawi balbia apia.”

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

Hibru Nani 9:24

Kan Kraist ba Dawan wal prawaia upla paskan kumi ra dimi waras, baha Dawan wal prawaia watla kasak ba lilka kum baman ba. Witin kasbrika pura pali ra dimi wan, bara nanara Gâd mawanra bahara latan takisa, yawan wan hilpka dukiara.

1 Samuil 2:28

Man nani bâk mai sakri Israel kiamka sut ba tila wina yang prîski nani kaia, altarki purara sakripais brih balaia, kîa yamni angkaia, prîs prâka pîska ba sin dimaia yang maiwanra. Baha purkara damikam nani ra yâri prisantka nani sut Israel luhpia nani angki ba Dawan ra pain kulkan lâka ba yaia.