Kli Smalkanka 32:43 - DAWAN BÎLA AISKA

⁴³ “¡Nisan nani, Gâd uplika aikuki lilia bas! ¡Witin pana muni ikbia ai albika nani tnata mana pana munaia lâka bal bribia ai waihla nani dukiara bara ai kuntrika uplika ra pâtka ban swih tikbia!”

Kli Smalkanka 32:43 ပူးပေါင်းရင်းမြစ်များ

Blasi Sturka 12:3

Yamni mai bribia uplika nani ra yamni munamni, saura mai wibia uplika nani ra saura munamni; bara upla kiamka nani sut tasba aiska ra ba man ra praki yamni pali munamni.”

1 King Nani 8:43

Man kasbrika purara ba wina walma, iwaikam ba wina. Bara tringsar nani dîa mangkbia ba kat dauki yama, baku ba ra tasba aiska ra iwi uplika nani ninam ba kakaira takbia, bara sibrinkam sin bribia, tawankam Israel luhpia nani baku baha tânka bribia. Bara tânka bribia, man ninam naha tempelka watla ra yang bui maikri ba ra mayuni ba.

2 King Nani 9:7

Ahab kiamka nani ba sut âpu daukma, man dawankam, baku yang daira aisasara nani ba tâlia mana pana yamna, baku sin Jezabel mita duki dadaukra nani iki tikan tâlia mana ba dukiara sin.

Job 13:24

¿Dîa muni yang wina yukuwisma? ¿Dîa muni waihlam kum baku ai kulkisma ki?

Lawana Nani 22:27

Nisan kiamka sât nani sut, upla nani sut tasba aiska ra iwisma ba, man nani bui Dawan ra kupiam krauki bas, man nani lika witin ra bal; ¡ai mawanra lulam kriks!

Lawana Nani 58:10

Ani uplika nani kasak ba, pana munan ba dukiara ai lilia bribia, baku sin watawikira nani ba, tâlia ra ai mina nani ba buskbia.

Lawana Nani 65:3

Wan watawanka nani ba mita, taibi wan munisa; sakuna man wan saurka nani ba ban swih tikisma.

Lawana Nani 79:10

Idan nani wan walaia apia sa: “¿Anira sa man nani Gâdkam ba?” ¡Wan mariks nampakan nani ikan ba, yas idan nani ba pain kaikbia!

Lawana Nani 79:9

Gâd, man, wan swaki Sasakra, ¡hilp wan muns, pri wan sâks bara wan saurka sin swih tiks, man ninam prana ba mita!

Lawana Nani 85:1

Dawan, man naha kuntrikam na wal pain pali kapram. Jekob liliaka kata ba kli laki yabram sa.

Lawana Nani 85:3

man lawanka kata sut lamni daukram, bara man kupiam sauhkanka ba sin.

Aiseya 1:24

Baha mita, karnika sut ba Dawanka, Dawan karnakira Israel ra bâra ba, witin aisisa: “¡Baha kat aitani! Yang waihli nani lâka ba daukamni. Yang bui witin nani ra pana munamna.

Aiseya 1:25

Mihti man nani mampara kli bukamna, dipastikam nani ba sut pali angkamna; tâskikam nani ba wina klin pali mai daukamna.

Aiseya 11:10

Baha yua ra naha wakia Jesé wina pâwi takbia ba sika, sain kum baku kabia tawan nani mapara; kuntri ra nani ba pliki wan kabia bara pliska ba pranakira kabia.

Aiseya 19:23

Baha piua ra yabal tara, param kabia Idsip wina Asiria ra waia ba kat. Bara Asiria uplika nani Idsip ra wabia, bara Idsip uplika nani sin Asiria ra balbia; baku Idsip uplika nani, Asiria uplika nani aikuki Dawan warkka daukbia.

Aiseya 19:25

Dawan, karnika sut bri ba witin nani ra ai yamnika yabia wibia: “Idsip ra wibia, yang upliki nani, Asiria ra, man ba yang mihti warkka nani daukri ba, bara Israel ra, man lika yang duki, man nani ra yamni mai munisna.”

Aiseya 44:22

Maipara buanka nani man daukram ba sut yang slingbi tikri, mukus kum awi tiwi ba baku. Kli yang ra tawi bal, kan yang atki mai sakri bamna.”

Aiseya 60:6

Kiamil daknika tara nani Madián wina Efá wina man ra aula ba kaikma; Sabá wina nani ba sin sut balbia; witin nani gul bara kîa pain angkaia dukia nani brih balbia, bara Dawan mayunra sturka nani ba dahra aisi kabia.

Aiseya 66:10

“Man nani Jerusalem wal liliam bas, liliam pali bas, man nani sut witin ra latwan kaikisma ba; ai liliaka ra asla taks, man nani sut witin sarka brih inram ba;

Jirimaya 13:14

Bla takbia bara lî watla nani kalki baku kalkamna, pana pana mapara kabia, aisika nani luhpia nani sut baku daukbia. Witin nani ra luki kupi kriwan takbia apia: pâtkas umpira wimna apia; yamni kaikras lâka ra. Yang, Dawan, kasak aisisna.’ ”

Jirimaya 51:36

Dawan aisisa: “Kasakka lâka ba yang dauki maikamni, waihlam nani ba ra pana munamna. Babilon ra awala nani bara lî kârma nani ba sut pali lâkamna.

Inanka Nani 2:5

Dawan ba waihla kum baku takan sa: witin bui Israel aiska ba sauhki tikan; ai wihtka tara watla nani sut sauhki âpu tikan, ai kan kahbaika pliska nani sut batakan, bara sarka lâka, inaia lâka ba kau ailal daukan sa Juda luhpia mairin tilara.

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Isikiel 25:14

Edom ra pana munaia lâka daukamna, tawanki Israel ba wal; witin mita kupi baiwanka bara kupi aisawanka wal mapara bubia. Baku ai dahra wali banhbia, pana munaia lâka daukisna ba. Yang, Dawan, kasak aisisna.

Luk 19:27

Bamna waihli nani yang ai kingka ai briaia apia win ba, nahara brih bal, maiwan kat sut iki banhs.’ ”

Luk 2:32

Ingni kum nisan nani ra ingni yabi ba, bara man uplikam Israel luhpia nani ra mayunra lâka yaia.”

Roman 12:19

Muihki laitwankira nani, saura mai munan ba tâwan upla ra pana saura munpara, sakuna swis Gâd mita uplika ba ra klala yabia, kan Ulbanka ba wisa: “Yang mita lika klala yaia sna; bahamna Dawan bila: Swis yang baha ba kasakka lâka ra aibapamna.”

Kli Smalkanka 32:35

yang pana munaia yua dukiara ai mana ba aibapi yamni, sauhki tikan kaia yua ba pat baila sa. ¡Awarka ba sin pat lamara sa!

Param Marikanka 15:2

Glas kabuka baku kum sin kaikri, pauta klauhan abalki daukan; bara witinka nani daiwan saura ba wina, ai lilka wina bara ai nina numbika ra sin sip muni pura luan nani ba, baha glas kabuka lamara kan, Gâd arp nani yaban kan ba brih.

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”

Param Marikanka 18:2

Bara ai bîla baikra tara ni wini kan: “¡Pat kauhan, pat kauhan Babilon tara ba! Nanara witin na dibil nani bara pirit saura nani watla takan sa; pirit saura tâski nani watla daiwan wail tâski misbarkira nani watla takan.

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.

Param Marikanka 19:2

Kan witin lâ dauki ba wapni bara kasakka lâka kat sa; rug mairin tara kata ba pât ra lakan sa, ai rugka lâka dauki tasba sauhki kata ba; Gâd bui witin ra pana munan sa, ai dukia dadaukra nani ra ikan bamna.”

Param Marikanka 6:10

Naha nani ai bîla baikra karna wini kan: “Dawan, man holikira sma ba bara kasak kat pramis daukisma ba, ¿ahkia kat man ba lâ daukma naha tasba ra iwi nani ra, bara pana ikma wan pruanka nani ra?”