Kli Smalkanka 32:39 - DAWAN BÎLA AISKA

³⁹ Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Kli Smalkanka 32:39 ပူးပေါင်းရင်းမြစ်များ

2 King Nani 20:5

“Yang upliki nani wihtka Ezequías ra tawi wih wis: ‘Dawan, man damikam Debit Gâdka ba naku wisa: Yang lika man puram sunra ba walri bara man namkra laya nani ba sin kaikri. Yang mai rakaisna, bara lapta yumhpa dimbia yua ra Dawan tempelka ra uli was.

2 King Nani 5:7

Bara Israel kingka ba naha wauhkataya aisi kaikan ba ra, ai prâka ba kalkan, bara win: —¿Yang na Gâd ki, upla rayaka yabi ba bara saki ba, bara naha na yang ra blikaia ai liparka ba wina rakaia? ¡Nanara aman kaiks, nahki yang maipara mini prukaia taukisa sapa!

Nihimaya 9:6

Bara Esdras aisin: “Man lika Dawan sma, bara kau wala âpu. Man kasbrika pura ba daukram, bara kasbrika nani kau purkara ba sin, slilma nani ba, tasba ba, baha bilara dîa dîa bâra ba sin man daukram, bara kabu nani ba, kabu bilara dîa dîa bri ba sin man daukram. Baha mita sika, slilma nani ba kasbrika pura wina mamyuni ba.

Job 10:13

Sakuna nanara kaikisna, lukanka kum man kupiam bilara yukuwan ra bri katma ba:

Job 10:7

Man kasak kaikisma yang na pâtkas sna, bara upla âpu sa man karnikam mununhta ba wina ai dakbi ai sakaia.

Job 5:18

Witin bui mai insauhkbia kaka, witin mita kwala ni wilkbia; ai mihta ni latwan maikbia kaka, witin wina daskaika ba maikbia.

Lawana Nani 102:27

Sakuna man lika ban sma; rayakam ba danh takras, tnata âpu kabia.

Lawana Nani 102:28

Nampakan nani kiamka ba ban kan suni kama, witin nani kiamka sin, man mamwanra ban bapan kabia.

Lawana Nani 18:31

¿Gâd ba dîa sa, Dawan wina tnaya ra tawbia bara Gâd wala bâra sa ni, wan kan kahbaia sip ba?

Lawana Nani 50:22

“Man nani naha tânka na pain bris, man nani Gâdkam ra âmya tikisma ba, yang wînam ba yuya baman mai daukras sna ba ra, baha mai daukamna bara upla kumi sin mai dakbi mai sakaia âpu kabia.

Lawana Nani 51:8

Âuyapah bara lilia lâka wal ai banhs; kli lilia lâka ra kupi ba raya dauks, kan kupi ba krikram sa.

Lawana Nani 68:20

Wan Gâdka ba sika Gâd swaki wan saki ba, bara prura wina sin dakbi wan saki ba.

Lawana Nani 86:10

Man baman sika Gâd; man baman tara sma bara diara tara nani daukisma.

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Impakan Sturka 4:7

Bara Dawan kli witin ra win: —Mihtam ba kli lamam bilara dingks. Moses kli baku daukan, bara kli sakan ra kaikan, ai mihta ba sut yamni takan kan ai wîna tara aiska ba sim baku.

Smasmalkra 3:3

Ikaia piua bâra sa, rakaia piua sin bâra sa. Sauhki tikaia piua bâra sa, bara paskaia piua sin bâra sa.

Aiseya 19:22

Dawan Idsip uplika nani ra klala yabia; klala yabia bara kli rakbia, witin nani Dawan ra ai kupia lakbia, bara witin nani ra ai kupia pihni ba marikbia.

Aiseya 30:26

Dawan ba ai uplika klauhanka nani raki, bara klauhanka nani ba kwala ni wilkan kabia. Baku bamna kati ba lapta baku ingni kabia, bara lapta ingnika ba kau aima 7 kau ingni kabia, lapta asla 7 kumi ra ingwi ba ingnika baku kabia.

Aiseya 41:4

¿Ya mita naha warkka daukan sa? ¿Ya, blasi wina adar yaban kiamka nani sturka aisi aula? Yang sika Dawan, Gâd kumi baman ba, tâura bara natka ra ba sin.

Aiseya 43:10

Dawan aisisa: “Man nani ba yang witniski nani sma, bara yang duki dadaukra, yang mita bâk sakri ba, man nani ai kaikma bara yang ra kasak lukaia bara man nani tânka brima yang ban sna ba; Gâd kumi wala yang kainira âpu sa, bara yang ningkira sin âpu sa.

Aiseya 43:12

Dawan aisisa: “Sturi ba yang maisa pakri bara yang bîli blikri; yang mita swaki sakri, gâd tringsar nani baha daukras, man nani sika yang witniski nani sma ba.

Aiseya 43:13

Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”

Aiseya 45:18

Kasbrika pura Papaskra ba, witin sika Gâd bara Dawan ba, tasba ba dauki bara paskan ba, witin watlika ra bapi mangkan ba, witin baha paskan ba, bilara diara âpu kaia dukiara paskras kan, sakuna upla nani bâra iwi kaia, witin aisisa: “Yang sika Dawan, bara wala âpu.

Aiseya 45:22

Man nani, yang ra bal bara swaki mai sakamna, tawan tasba wala wina. Kan yang na Gâd sna, bara wala âpu sa.

Aiseya 45:5

Yang sika Dawan, bara kau wala âpu sa, yang tnaiya ra Gâd wala âpu sa. Yang ridi mai daukri aiklabaia dukiara, man kau ai kakaira apia sma sakuna,

Aiseya 46:4

almuk pali kamna ba ra, yang dîa pas katna baku kamna, tâiwa pihwan kabia kat sin yang ban tâm baiki kamni; yang bui man nani mai daukri bara kau ban watauki kamna man nani aikuki; yang tâm baiki kamna bara swaki mai sakamna.

Aiseya 48:12

“Israel, man nani bui yang ra wals, Jekob uplika nani, man nani ra yang mai paiwri ba; yang sika Gâd kumi, wala âpu, sut tâura ba yang lâs ra sin yang baman.

Isikiel 37:12

Bamna aitani, yang nini bri smalks bara wis: ‘Dawan ba naku wisa: Yang upliki, man nani raitikam kwâkamna; baha wina mai sakamna Israel tasbaya ra kli tawi waia.

Isikiel 37:3

Bara ai win: “¿Man lukisma naha dusa nani kli rayaka bribia?” Yang wîri: “Dawan, man yakan baha ba kaikisma.”

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Oseas 6:1

Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Jan 8:24

Baha mita sika mai wîri man nani saurkam nani wal ban pruma; man nani kasak luki banhras sma “Yang sika Yang sna” ba, bamna saurkam wal ban pruma.

Kli Smalkanka 32:12

“Dawan bui man nani tâm brin, upla wala apia; ¡gâd tringsar wala nani kumi sin hilp mai munras!

Kli Smalkanka 4:35

Baku marikan tânka briaia, Dawan Gâd ba aihwakira sa, witin wina wala âpu.

Kli Smalkanka 7:9

Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,

Hibru Nani 1:12

¡prâk kum baku man mita witin nani ba karbi blakma, bara baha nani ba kwala baku aihka lakan kabia! Sakuna man lika piua bani sim sât ban sma, bara rayakam ba ban kaia ra âpu takbia apia.”

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”

Param Marikanka 2:8

“Esmirna sertska insalka ra sin ulbi wis: ‘Tâ ba bara tnata ba sin, witinka pruan bara kli raya ba mita, naku wisa:

1 Samuil 2:6

Dawan bui upla rayaka saki bara yabisa; witin raiti bîla kat wan blikisa, bara baha wina kli wan buki sunisa.