Kli Smalkanka 32:36 - DAWAN BÎLA AISKA

³⁶ “Dawan lika ai uplika tâwan aisabia, kaikka tâ baikaia kau want kabia kaka; Dawan ai albika nani ra umpira lukbia, kaikka swapni sin âpu, karnakira sin âpu kaka.

Kli Smalkanka 32:36 ပူးပေါင်းရင်းမြစ်များ

1 King Nani 14:10

Baku bamna, kaiks Jeroboam kiamka ra lahtuban lâka brih aulna; bara Jeroboam kiamka wina waitna nani ba sut âpu daukamna, alba nani, pri nani Israel ra ba sut, bara Jeroboam watla wina kiamka nani ba sut pahbi sakamna, daiwan tâskika pahbi yakabi ba baku.

1 King Nani 21:21

Baku bamna, Dawan ba naku win sa: ‘Kaiks, yang bui man puramra pât saura brih aulna, kiamkam nani Israel ra ba sut âpu daukamna; bara Ahab watla ba sut sauhki tikamna, waitna nani Israel ra bâra ba sut sin.

2 King Nani 14:26

Kan Dawan bui Israel paniska wahwanka tara ba kaikan kata, baha wina upla kumi sin swakras kan, bara Israel ba hilp kumi sin âpu kata ba.

2 King Nani 9:8

Ahab taya nani sut ba sin sauhki tikan kabia, bara Israel ra waitna nani bani ba sin âpu daukamna, bara kumi sin raya kabia apia.

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Lawana Nani 135:14

Dawan ba ai uplika nani lâka kasakka tânka kat daukisa; ai napakanka nani dukiara sin, ai kupia swapni daukisa.

Lawana Nani 50:4

Laih purara pali ba wina, Gâd ba wini aula kasbrika purara ba wina tasba ra, witin ba, ai uplika nani lâka daukaia aula:

Lawana Nani 7:8

Dawan, man nisan nani lâka aisi daukisma: yang lâika aisi dauks, yang kasakki ba tânka ba kat; lâika aisi dauks pâtkas sna ba tânka kat.

Lawana Nani 90:13

¡Dawan, yang nani ra kli tawi bal! ¿Nahki kau piua wihka tiwaisma? ¡Naha nampakan nani ra kupiam swapni ni kaiks!

Lawana Nani 96:13

Dawan mawanra, witin aula ba! ¡Âu, witin aula tasba wihtka aimakaia bara tasba aiska uplika nani wihta aimakaia kasakka lâka bara kasak tânka ba wal!

Impakan Sturka 32:14

Bara Dawan bui ai uplika nani ra saura munaia lukan ba, ai kupia wina sakan.

Jirimaya 20:11

Sakuna Dawan, man lika yang laimara sma aiklaklabra kum baku, man puram luaia âpu sa; nini bliki nani ba kauhbia, puri luaia sip apia kabia; sip apia takbia, witin nani swira takan kabia, bahki kulkan ni pura prakan ba âuya tiwbia apia ban kaia ra.

Jirimaya 31:20

“Efraín uplika nani ba yang maipara luhpi latwankira kum sa; baha luhpika ba kau latwan sna. Lawi daukisna ba ra, sip âiya tiwras witin ai dukiara; yang kupi ba dikwisa, lukisna witin dukiara latwan pali. Yang, Dawan, kasak aisisna.

Jirimaya 42:10

‘Man nani naha tasbaya ra takaski iwaia wilin sma kaka, man nani ra diara yamni nani takaia daukamna; mai sauhkamna apia, mai mangkamna bara kli mai daikamna apia, man nani mai sauhkaia baha pâtka blikri ba kupi wirha takisa.

Daniel 12:7

Bara linin kwalka dimi waitnika ba, ai mihta nani kasbrika purara buki, Gâd rayakira ba nina mâki swer taki win: ‘Piua yumhpa pura bakriki ba kat, Gâd uplika sauhki tiki nani karnika ba dakbi sakan kabia ba kat, bâra mika naha diara nani na tnata alkan kabia.’

Joel 2:14

Ban kra witin, man nani ra kli lukbia ba ra, kau ban klala maiki kabia apia, sakuna ai yamnika ni, puramra blîkbia: plun mâ nani, wain sin blîkbia, Dawan Gâdkam ra prisant nani dauki yabaia dukiara.

Joel 2:18

Baha daukan ba kat, Dawan ai tasbaya dukiara latwan kaiki ba marikan; ai uplika nani dukiara ai kupia swapni taki ba tânka sin marikan,

Libait Lâka 26:43

Baku tasba ba pri kabia, ris bribia yua tara dukiara lilia pali kaia, kan man nani tasbaya ra iwras kama ba mita man nani saurkam mana aibapma. Yang lâika nani ra bahki kulkisma, lâ nani maikri ba want apia wisma bamna.

Emus 7:3

Bamna Dawan kli ai kupia swapni daukan bara ai win: —¡Daukaia wîri ba baku daukamna apia!

Emus 7:6

Dawan kli ai kupia swapni daukan bara ai win: —Nahki daukri ba man kaikram, sakuna baku kli daukamna apia.

Hibru Nani 10:30

Yawan kaikisa Dawan ba naku aisan: “Upla ra klala yaia ba yang mihti ra sa; yang mita sika aibapamna ba.” Bara naku sin aisisata: “Dawan ba ai uplika nani lâka daukbia.”

Wihta Nani 2:18

Dawan bui witin nani ai wihtka kum sakuya ba ra, baha wihta ra witin mita tâ baiki kan, bara wihta raya kan ba yua nani sut ra lika Israel luhpia nani ba waihla nani karnika ba wina dakbi pri saki kata, kan witin nani ba taiban lâka ra munan ba mita pât nani wahwi kan, ai mamna lulki ba witin wali kan, bara baha nani dukiara ai kupia swapni taki kan.