Kli Smalkanka 32:29 - DAWAN BÎLA AISKA

²⁹ Sinskira kan kaka ai tânka briaia kan, ai dahra walaia kan anira buaia ba.

Kli Smalkanka 32:29 ပူးပေါင်းရင်းမြစ်များ

Lawana Nani 107:15

Man nani bui Dawan ra tingki wis ai latwanka lâka ba dukiara, ¡witin lika upla nani mata dîa dauki ba dukiara!

Lawana Nani 107:43

Ani uplika sins bri ba, naha wal ai dara wali kaia sa bara Dawan latwanka lâka ba tânka briaia.

Lawana Nani 81:13

¡Upliki ba bîli wali daukan kan kaka! ¡Israel ba yabalki nani ba nina blikan kan kaka,

Lawana Nani 90:12

Yui nani ba pain kulkaia, yang nani ra ai smalks, bara wan kupia ra sins lâka ba briaia.

Aiseya 10:3

¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Aiseya 42:23

¿Sakuna ya man nani tilam wina naha na walbia? Naika diara nani aula ba dukiara, ¿ya man nani tilam wina aihwaki kabia?

Aiseya 47:7

Man wiram: ‘Yang na kwin ba ban kamna’; sauhki tikras kapram baha dukiara, bara sin lukras kapram nahki tnata alkaia kan ba.

Jirimaya 17:11

Kasak lâka dauki wina apia yuyakira taki uplika ba, daiwan tnawira kum tnawira wala âpan ba purara bawi luhpa baiki ba baku sa. Kau ai karnika aiska ban bri bara ai yuyaka nani ba sut lulki swibia bara tisku upla sinskas kum taki bâra kabia.

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Inanka Nani 1:9

Witin ai kwalka aiska ba tâski ni banhwan sa; baha wina pâtka tara aula ba dukiara lukras kan. Sip kasak lukras nahki muni kauhan sapa; upla kumi sin âpu sa witin ra ai maisa nihkaia. ¡Dawan, kaiks, yang umpirki na, bara waihli nani prautka lâka ba sin!

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

Hageo 2:18

Naiwa yua 24, kati matlalkahbi pura yumhpa ra, tempelka watla raya ba bapram yua sika.

Luk 12:20

Sakuna Gâd mita win: ‘Waitna sinskas, naha sim tihmika pruma; ¿bara diara suni swiram ba ya dukia kabia ki?’

Kli Smalkanka 31:29

Kan kaikisni yang pruamna ningkara man nani saura yabaisma ba, yang yabal mamrikri ba wina tnaya ra tawaisma, bara baku sin nu sna naha ningkara man nani puramra pât saura nani balbia, Dawan nakra ra saura dauki kama ba mita; baha wal sin ai kupia baiwanka ba brima.”

Kli Smalkanka 5:29

Aitani kabia baku natka ra ban luki kaia, bara ai kulki lâika bîla nani sin yu bani ra ban bri kaia. Witin nani ai rayaka, ai luhpia nani rayaka sin yamni bribia.