Kli Smalkanka 32:27 - DAWAN BÎLA AISKA

²⁷ Sakuna waihla nani lawaska kiki ba yang want apia kapri; want apia kapri waihli ba aimayunbia bara wibia: Naha na Dawan daukras; yang nani karniki ni daukri.’

Kli Smalkanka 32:27 ပူးပေါင်းရင်းမြစ်များ

1 King Nani 20:28

Bara naha piua ra prapit kum Israel kingka ra balan, bara win: —Dawan ba naku wisa: ‘Siria uplika nani aisin, yang ba il nani gâdka kum sna, sakuna il bîla nani gâdka apia sni; bamna yang naha ailalka tara na sut mihtam ra mangkamna, bara man kaikma yang sika Dawan sna ba.’

Lawana Nani 140:8

Dawan, upla watawikira brin dauki ba yapara; witin diara saura munaia luki ba hilpka daukpara,

Lawana Nani 140:9

Kaini kir kutbi ai bri ba ai lal buki banhwisa; ¡lahtuban bîla lulki ba, yas kli witin nani purara kauhbia!

Impakan Sturka 32:12

¿Nahki ban swirka Idsip uplika nani ba aisi wibia: ‘Lukan saura wal Dawan baha uplika nani ba sakan, baha nani ba sut il ra bri si iki tikaia, naha tasba mawan wina diki âpu daukaia?’ Bara kupiam baiwanka ba swis, uplikam nani ra saura munaisma ba takasks.

Aiseya 37:10

“Ezequías, Juda kingka ra naku wis: Man Gâdkam witin ra man kasak lukisma ba, ¿man ra tâm baikbia lukisma ki bara Jerusalem ba, yang karniki mununhtara kauhbia apia lukisma? Baha dukiara upla yarka kunin mai munbiara.

Aiseya 37:35

Kan yang mita sika naha tawanka na kaina kahbamna swaki sakaia mata, yang laitwanka ra bara naipakan Debit latwanka ra sin.’ ”

Aiseya 47:7

Man wiram: ‘Yang na kwin ba ban kamna’; sauhki tikras kapram baha dukiara, bara sin lukras kapram nahki tnata alkaia kan ba.

Aiseya 48:11

Yang laitwanka lâka ba mata baku daukri, kan yang nini ba tâski dauki bahki kulkan kaia sip apia, praina ba yang bui upla wala ra yamna apia.

Jirimaya 19:4

Kan Israel luhpia nani ai lulki ai swin bara tasbaya na upla tringsar tasbaya daukan; nahara gâd wala nani ra diara kîa pain nani angki yabi kan, baha gâdka nani ba witin nani sin apia ai damika nani Juda kingka nani sin kakaira apia ba, upla pâtkas nani sin nâra iki tâlia laikan.

Inanka Nani 1:9

Witin ai kwalka aiska ba tâski ni banhwan sa; baha wina pâtka tara aula ba dukiara lukras kan. Sip kasak lukras nahki muni kauhan sapa; upla kumi sin âpu sa witin ra ai maisa nihkaia. ¡Dawan, kaiks, yang umpirki na, bara waihli nani prautka lâka ba sin!

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Kulki Kaikanka 15:30

“Ban sakuna, upla kum pain ai dara wali saura daukan sa kaka, Israel luhpia nani sapa, kiamka sât wala nani sapa, baha yang kupi sauhkisa. Bamna baha uplika ba upliki nani tila wina sakan kabia,

Kli Smalkanka 9:28

Kuntri wina sakram ba dukiara witin nani naku aisin apia ba mata: Dawan yawan pramis wan munan kuntri wala ra wan brih waia wisi, sakuna witin sip apia takan bara misbara wan kaikan, bara baku upla iwras tasbaya ra wan brih balan yawan nâra pruaia.

Jasua 7:9

Kenan uplika nani naha tasbaya ra iwi ba dîa takan na sturka ba sut walbia, bara witin nani sut asla taki bara wan mapara bal aiklabi rau wan sauhki âpu wan daukbia, bara upla sin wan sturka aisaia sin âpu kabia. ¿Bara baha kat man ninam kulkanka tara ba dîa kabia ki?

1 Samuil 12:22

Dawan bui ai uplika nani ba lulki swibia apia, witin ai nina tara kulki ba tâwan. Dawan brin daukisa man nani ba ai uplika nani kama.