Kli Smalkanka 32:25 - DAWAN BÎLA AISKA

²⁵ Luhpiam nani yabal bîla nani ra sord ni aiklabi prui kabia, utla nani ra lika sirang ikaia lâka king aimaki kabia; wahma nani bara tiara nani prui kabia, almuk bara tuktan yapti tialka di nani ba sin.

Kli Smalkanka 32:25 ပူးပေါင်းရင်းမြစ်များ

2 King Nani 7:5

Baku bamna, yu dimuya kan witin nani Siria uplika nani kiampka ra wan. Bara pat Siria uplika nani kiampka ra auya kan ba ra, ai dahra walan bahara upla kumi sin âpu kan.

2 Kronikas 36:17

Bara Dawan ba witin nani mapara Caldea kingka ba blikan, bara wahma nani sut skiru wal ikan tempel bîla kat. Wahma nani ra umpira kaikras, mairin nani ra sin, almuk nani, skahwa nani ra sin kulkras kan, baha nani sut ba Dawan bui ai mihta ra mangkan kan.

Aiseya 30:16

panaura man nani wiram: “Apia, kanra yamni yang nani aras ra uli plapamna.” Baha ba mita man nani baku plapma. “Aras plaplapra waginka ra yang nani uli plapamna” wiram. Baha ba mita man nani ninam bliki nani ba sin plaplapra kabia.

Jirimaya 44:7

‘Baku bamna, Yang, Dawan karnika sut brisna, Israel Gâdka, aisisna: ¿Dîa muni man nani klauna baha mai sauhki tikaia pâtka tara ba puramra bri balaia daukisma? ¿Dîa muni man nani mita Juda uplika nani, waitna, mairin, tuktan nani, bisi baikan lupia nani ba sut pruaia daukisma, upla sut âpu takaia?

Jirimaya 44:8

¿Dîa muni man nani daukankam nani ni swiri daukisma, Idsip ra gâd wala nani ra kîa pain nani angki yabisma, baha tasbaya ra man nani takaski iwaia balram apia? Baha daukanka ba ni munisma man nani ra mai sauhki tikaia lâka ba, nisan nani tilara tasba aiska ra man nani ba lahtuban swiram takan uplika nani kama.

Jirimaya 9:21

“Wan watla nani ra prura bal diman, utla tara nani paskan ba bilara sin; yabal ra tuktan nani ba ikisa, pulaia pliska nani ra wahma nani ba ikisa.

Inanka Nani 1:20

¡Dawan, kaiks yang kupi wirhika na! ¡Laima dusa na baiwaia baku daihra walisni! Kupi ra latwan pali ai taibisa, kiamapara bara mapara babura kapri ba dukiara. Latara lika aiklabaia sordka ba mita yang luhpi nani ra ikisa, bara naha bilara sin prura nâra sa.

Inanka Nani 4:4

Tiala di tuktika nani twisa ba ai darkaya kat alkisa, lî diran dauki ba mita; tuktan nani plun makabisa, kuna upla kumi sin witin nani ra yaras sa.

Isikiel 7:15

Latara war bâra sa, bara bilara siknis bara plun wahwan. Ya twi langni ra ba, war ra prubia, bara ya tawan bilara ba plun wahwan bara siknis mita ikbia.

Oseas 11:6

Tawanka tara nani ba purara sord ba kauhbia, bara ai kan kahbaika pliska nani mâkan ba âpu daukbia, witin nani baku daukaia luki daukan ba mita, kli slingwi tiwbia.

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.

Oseas 9:16

Efraín ba insauhkan sa; dus kum wakia nani lâwan ba baku mâ nani kau sakras takaskan. Witin nani ban luhpa baikbia kaka, luhpia nani ba, yang bui ikamna.”

Libait Lâka 26:25

Man nani puramra war bri balamna pana mai munaia lâka ba, yawan wal lâ daukan lâka ba krikisma bamna. Man nani plapi banhma yukuwaia pliska ra tawankam nani ra, sakuna yang siknis nani blikuna bara man nani waihlam mihta ra kauhma.

Miqueas 6:14

Plun pi kama, sakuna aitani âmyapah taki kama apia, plun mai dauki ba ban kabia; patam wahbi kama sakuna ban alki bri kama apia. Bara ban kra wiria pan apahki swima kaka, baha sin war aiklabi ba mita sauhki tikan kabia.

2 Korint 7:5

Macedonia ra yang nani wari ba wina piua kumi sin ris briras pali, sakuna plis bani wina trabil wan alkan; upla aikuki unsabri bara kupi ra sin sibrin nani lukri.