Kli Smalkanka 32:24 - DAWAN BÎLA AISKA

²⁴ Plun wahwanka bara rihka mita prui tiwma; siknis yula tahplika bui sauhki tikbia; witin nani purara daiwan wail nani blikamna, bara piuta puisinkira sin.

Kli Smalkanka 32:24 ပူးပေါင်းရင်းမြစ်များ

Blasi Sturka 3:14

Bara Dawan Gâd piuta ra win: —Man naha daukram ba mita, man ba aihka saura pali mai kulkan sa daiwan nani sut tilara. Biamra purara baman kwasi tauki kama, bara tasba yuya dabi watauki kama rayakam yua nani sut ra.

Blasi Sturka 49:15

Witin kaikan kuntrika ba kuntri pain kan; bahara iwi, wan âuyapah ris bri kaia. Bara witin ai wirhika ba kau ban twilki kaia apia lukan bamna, baha kat mahka tasba ra iwan, bara ai kupia lâka kat alba takan.

Job 20:16

Piuta saura puisinka ba utbi kan, bara baha puisinka ba mita ikbia.

Lawana Nani 120:4

¡Aiklaklabra trisbaika tatwa nani ba! ¡Pauta maskuka lapta aswi ba baku kabia!

Lawana Nani 91:6

siknis sâtka nani tihmia ra aula ba, yu lapta piua ra bal taki sauhki tiki ba sin apia.

Aiseya 65:25

Yul wail ba sîp luhpia ba wal aikuki twi pi kabia, bara layan ba bîp wainhka ba wal asla twi pi kabia; piuta ba tasba yuya ba ai pata kabia. Yang ilki holikira ba, witin nani mita sarka paskbia apia, saura sin munbia apia.” Dawan baku aisin.

Jirimaya 14:18

Yabal ra taki auna ba ra, war ra upla pruan ba kaikisna; tawan ra bal dimuna ba ra, upla nani sanglang mita pruan nani ba kaikisna. Prapit nani bara prîs nani ba sin kaikisna witin nani kakaira apia ba kuntrika ra auya.’ ”

Jirimaya 15:3

“Yang Dawan, kasak aisisni: Klala sâtka walhwal man nani ra blikaisna: war ra mai ikbia, yul nani mita mai raskan kabia, daiwan tnawira mai pibia, bara daiwan wail nani sin mai pibia.

Jirimaya 16:4

Siknis saura witin nani ra alkbia, prui banhbia bara upla kumi sin bal pura mata inbia apia, bikbia sin apia; daiwan kânka nani baku tasba ra prawi kabia. War aiklabi ba mita, sanglang mita sin witin nani ba âpu daukbia; daiwan tnawira nani bal, daiwan wail nani sin bal pruan nani ba pibia.”

Jirimaya 8:17

Dawan kasak aisisa: “Man nani mampara piuta puisinkira nani blikamni, baha nani ba mita man nani ra mai sambia; baha nani mapara sukia nani ba diara daukaia âpu kabia.”

Inanka Nani 5:10

Yang nani wîni taya nani ba, brit angkaika watla baku lapta sa, plun tiwan mita rih wan daukisa.

Isikiel 14:15

“Bara kuntri bîla bâk daiwan wail yaka lubia kaka, upla iwi nani ra âpu daukbia, bara upla iwras tasbaya takbia, upla kumi sin bâk lubia apia, daiwan wail ba sîa.

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 5:17

Âu, man nani puramra yabrika plun wahwan balbia, siknis nani, prura, daiwan wail nani, luhpa âpu mai swibia; bara mai daukamni man nani tilam wina manis war ra pruaia. Yang, Dawan ba, naku aisisna.”

Libait Lâka 26:22

Daiwan wail nani man nani tilamra blikamni, luhpiam nani âpu daukbia, daiwram nani ba pibia, upla maura mai daukbia, yabal nani ba bîla baman kabia.

Emus 9:3

Witin nani Carmelo ilka bahna ra uli yukuwi kabia kra sin, yang wih bâra ban pliki saki alkamna; kabu tihuka mununhtara dimi wabia yang kaikamna apia wisi, bara bahara yukuwi kabia sin, bahara kabu daiwra tara blikrika, witin nani ra langki pibia.

Miqueas 7:17

¡Witin nani piuta baku tasba pukpuka ra sambia; ai biara lama taya ra kwasi tauki daiwra nani wala baku! ¡Ai watla bilara dimi yukuwi ba wina, tatatwi takbia, kli man ra plapi balbia sibrin tara kira ni, Dawan wan Dawanka!

Abakuk 3:5

Siknis saura nani ba witin ai kainara blikisa, bara baha nani prura ba brih aula.

Kli Smalkanka 28:22

Pruaia sikniska nani sin blîkbia, rihka saura nani, puskan sikniska nani, lapta karna iwbia, plawarkam nani nasla ra lî auhbia apia bara siknis saura nani ba ninam bliki âpu mai daukbia.

Kli Smalkanka 28:48

Dawan bui waihlam nani man ra blîkbia ba warkka baman dauki kama. Plun wahwi kira, lî diran mai dauki, kwala luha kira kama, diara ailal âpu kama. Bara Dawan mita alba lâka karna munhtara mai swibia, sauhki mai tikbia ba kat.

Kli Smalkanka 28:53

Waihlam nani tawankam ra dimi mai aiklabi kabia piua ra, plun wahwanka tara kabia ba tâka mita, Dawan mita luhpiam waitna bara luhpiam mairin nani maikan ba pi kama.