Kli Smalkanka 32:15 - DAWAN BÎLA AISKA

¹⁵ “Sakuna Jesurún batanwan, bara ai mina wauhan (batanwan mita lipi kan), bara Gâd, witin ra papaskra ba, lulki swin; ai kaina kakahbra bara ai sasakra ba bahki kulkan.

Kli Smalkanka 32:15 ပူးပေါင်းရင်းမြစ်များ

2 Samuil 22:47

“¡Dawan raya ban kabia! ¡Yang kaini kakahbra ba yamni pali sa! ¡Gâd nina ba purara ban kabia, swaki ai saki kaini kahbi ba!

1 Kronikas 5:25

Sakuna ai damika nani Dawanka mapara bûi banhwan, saura sin daukan, baha uplika nani gâd bahki nani bâra kan ra mayunra yaban ba, Dawan bui sauhki tikan kan ba tawan aiska mawanra.

2 Kronikas 12:1

Roboam kingka lâka karna takan, bara witin ai dahra walan witin ba karna sa, bamna Gâd lâka wina tnaya ra tawan, Israel luhpia nani sut sin witin daukan baku daukan.

2 Kronikas 26:16

Sakuna ai karnika ba brin ba ra kli praut takan, baha tâka witin ra sauhki tikan. Witin Dawan ai Gâdka ra kulkras daukata, kan witin Dawan tempelka ra dimi mahka kîa yamni dukia nani ba angkan altar ra.

Nihimaya 9:25

Bara tawan karna nani paskan kan ba wina, tasba disang nani kan ba wina, utla bilara diara kau pain nani kukan ba wina, liwanhta nani pat bâra kan ba, wain nasla nani bâra kan ba wina, oliv dusa nani, bara dus wala ailal mâ bri ba wina, witin nani pin ai âuyapah takan ba kat, batanwi banhwan bara yamnika tara pali liliaka brin.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Job 15:27

Ai mawan bara ai tnaya mina nani ba sut lika batana ni yukan sa.

Lawana Nani 100:3

Kakaira taks man nani, Dawan ba sika Gâd; witin sika wan paskan bara yang nani witin dukia sna. Yang nani, witin ai uplika sna bara sîp daknika nani sin.

Lawana Nani 119:70

Witin nani ai sinska ba sriman, sakuna yang lika lâmka smalkanka ba wal lilia takisna.

Lawana Nani 17:10

Witin nani batanwan ba mita tanis lâka praut aisisa.

Lawana Nani 18:46

¡Dawan raya sa! ¡Yamni pali wiaia sa, yang kaini kakahbra tara ba! ¡Gâdki swaki ai saki ba, laih purara tara kulkan kabia!

Lawana Nani 73:7

Witin nani nakra nani ba sulhwi ulisa ai kupia lukra saura ba, pura lui brin dauki bamna.

Lawana Nani 81:11

“Sakuna upliki ba walan daukras kan; ¡Israel ba bîli walan daukras sa!

Lawana Nani 89:26

Bara witin ai wibia: ‘Man ba yang Aisiki sma, yang Dawanki, swaki ai sakisma bara kaini kahbisma sin.’

Lawana Nani 89:27

Bara yang luhpi almuk raitka ba maikamni, tasba kingka nani sut purara.

Lawana Nani 95:1

Man nani sut bal, liliakira Dawan ra aiwanpi; aiwanpi wan kan kakahbra, bara wan Swaki Sasakra ra.

Aiseya 1:4

¡Alai, upla saura dadaukra nani, watawi lâka man twilki banhwisa ba, saura dadaukra kiamka nani, watawi lâka luhpia nani! Dawan wina laihura takan nani, Israel Gâdka Holikira ba wina sin laihura takan, Gâd ba lulki swin.

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 44:2

Yang sika Dawan, man mai Papaskra, kau aisubi takras kapram piua ra pat mai paskan kan, bara hilp mai muni ba. Si bripara, Jesurún, Jekob uplika nani, upla dukia dadaukra sakri ba,

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Jirimaya 2:31

(Man nani sin, naiwa uplika nani, Dawan aisin bîla na wals.) Israel, ¿yang na man nani ra upla iwras tasbaya kum takri sa ki?, ¿tasba kum ingni âpu? Upliki nani, ¿dîa muni naku aisisma: ‘Yang nani pri sna; yang nani sip kli man ra tawi wamna apia’?

Jirimaya 2:32

¿Mairin kum ba ai prana dauki aiskahki dukia nani ba, marit takan prâka skahkan ba âuya tiwbia ki? Ban sakuna, yang upliki nani lika piua wihka pat ai âuya ai tikan sa.

Jirimaya 2:5

Dawan aisisa: “¿Almukkam nani ba dîa saura daukri ai kaikan, baha tâwan yang wina laihura taki wan ba? Gâd apia diara bahki nani ba ninara witin nani wan, bara witin nani sin baku diara bahki takan.

Jirimaya 5:28

witin nani plun pain pîsa ba mita batana sa. Ba mita watawika lâka nani dauki ba takaskras: rau nani ra raitka yaras, umpira nani ra sin raitka yaras.

Jirimaya 5:7

Dawan naku aisisa: “¿Naha pâtka nani sut na nahki ban swih tikamna? Man luhpiam nani ba lulki ai swin, bara gâd apia nani ba mayunisa. Yang bui witin nani ra plun ailal pali yabri, sakuna witin nani lika yang wal wapni apia kan, witin nani sut aiska ba ur tatakra takan.

Isikiel 14:5

“Israel luhpia nani sut kupia alkamna, witin nani ba yang wina dakwi taki banhwan ba ai aidulka nani dukiara.

Oseas 13:6

“Sakuna man nani plun puram lui briram ba ra, kupiam lukra ba aibanhwan uba tara takan bara âmya ai tikram.

Oseas 4:7

“Prîs nani kau ailal takan ba ra, saurka lâka sin kau ailal maipara daukan; baha mita witin nani ra yamni kulkaia lâka ba, swira daukaia lâka ra lakamna.

Apastil Nani Sturka 28:27

kan naha uplika nani kupia na karna pali takan, walaia mapa ra sip pain walras, ai nakra nani ba praki brisa diara kaikbiara sîa, ai kiama ni kra walbiara, ai kupia tânka latan bribiara sîa, bara witin nani ba yang ra balbia kaka rakamnara sîa.’

Apastil Nani Sturka 9:5

Bara Saulo pana makabi walan: “¿Man ba ya sma ki, Dawan?” Bara bîla baikra ba naku win: “Yang sika Jisas, man bui yang ra sika rau ai sauhkisma ba.

Kli Smalkanka 31:16

Bara Dawan mita Moses ra win: “Man pat pruaisma, bara naha uplika nani na tringsar nani kuntrika ra dimbia ba ra aidulka nani wal aiblakwi, yang ra lulki ai swibia, bara witin nani wal lâ daukri ba slingwi tiwbia.

Kli Smalkanka 31:20

Yang mita baha tasbaya tialka laya bara nasma wal lî aubi baku ai damika nani ra yabaia wîri ba ra yarka dimbia piua ra, witin nani plun pih aibanhbia, bara batanbia, bara gâd wala nani ninara wih mayunbia, bara yang ra bahki ai kulkbia, bara yang lâika ba wina dakwi takbia.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

Kli Smalkanka 33:26

“Jesurún Gâdka ba wala wal prakaia âpu sa, ai prana ba wal kasbrika purara kasbrika nani ba ra ulisa, man hilpkam ra balaia dukiara.

Kli Smalkanka 33:5

tawan wihtka nani asla taki kan piua ra, bara Israel kiamka nani asla taki piua ra Jesurún ra king bâra kan.”

Wihta Nani 10:6

Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.

1 Samuil 2:29

¿Dîa muni baha sakripaiska nani prisantka daukaia yang lâ mangkri ba bahki kulkisma? ¿Dîa muni man luhpiam nani ba kau tara kulkisma bara yang ra lika baku apia, Israel luhpia nani yang upliki nani ba prisantka wina kau pain ba pih batanwisma?’