Kli Smalkanka 32:10 - DAWAN BÎLA AISKA

¹⁰ Upla iwras tasbaya ra prawan, tasba lâwan nani ra pâsa mita wipi bri tauki kan sakan; ai klahkla mununhtara brih smalki ai nakra yula baku mai kaikan.

Kli Smalkanka 32:10 ပူးပေါင်းရင်းမြစ်များ

Ester 6:13

Bara Amán bui ai maya Zeres ra, bara ai pânika nani ra sin sut win dîa takan ba. Bara witin ai uplika nani sinskira ba wih ai maya Zeres aikuki naku win: —Naha Mardoqueo na, Ju nani kiamka sa kaka, bara sin man kauhankam pat witin ai mawanra tâ krikram, ba mita man sip kli witin pura luma apia; sakuna kasak mai wisna, man lika witin ai mawanra kauhram sa.

Lawana Nani 107:40

Gâd ba upla tataibra nani ra saura kaikisa, baha nani ra munan upla iwras tasbaya, yabal âpu ra wih aimawahki tiwisa.

Lawana Nani 17:8

Namkra yula baku main ai kaiki ai bris; tnamwa nani distika ra ai yukuks,

Sins Lâka 7:2

Yang lâika bara bîli nani ba wali dauks, smalkanki nani ba sin; baha nani ba main kaiks namkra yula nani baku, bara raya kama.

Yamni Kulki Lawana 8:5

¿Naha na ya sa ki, upla iwras tasbaya ba wina taki aula ba, ai latwankira waitna pahpaya ra prawi? Apil dusa kum mununhtara yapram ba wina mai bukri: baha pliska ra man yaptikam aisubaia latwanka brin ba, bahara man yaptikam mai baikan.

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Jirimaya 13:11

Upla ai maisa wila ai maisa ra aubi wilki ba baku, Israel bara Juda upliki nani ba baku laima pali kat bri katna, yang upliki nani kaia, bara witin nani bui upla wala nani ra yang nini ba wiaia, yang ra pain ai kulki praina dauki uplika nani kaia. Sakuna witin nani bîli wali daukras. Yang, Dawan, kasak aisisna.

Jirimaya 2:17

Naha diara nani man nani puramra balan man nani ai lulki ai swiram ba tâka, yang sika Dawan, man nani Gâdkam yabal ra tampahki katna ba.

Jirimaya 2:6

Witin nani lika yang ai plikaia trabil taki lukras kan, Idsip wina yang bui witin nani sakri ba, upla iwras tasbaya bâk tapahki ba, tasba lâwan albangka nani bâk luan ba, lî âpu tasbaya bâk, pât nani pali man taukan ba, upla sin bahara iwras, bahara sin impakras yabalka ra taukan ba sut.

Isikiel 16:5

Upla kumi sin umpira kaikan lâka wal mai kaikras, naha dukia nani mai daukaia sin lukras kan. Aisubram yua, twi ra lulki mai swin, kan saura mai kaiki bara aikaban dauki kan.

Oseas 11:3

Witin nani baku dauki kan sakuna, Efraín kiamka nani ba, yang ban tapahki kapri. Bara yang smalkri nahki wapaia ba; sakuna witin nani tânka briras kan yang bui witin nani ra main kaiki kapri ba.

Oseas 13:5

Yang main mai kaikri lapta baman upla iwras tasbaya nani ra.

Sakaraya 2:12

Dawan sika witin bâk sakan tasbaya ra, Juda uplika nani ba kli ai uplika aihwa nani baku bribia, bara Jerusalem ba bâk sakan tawanka baku kli kulkbia.

Sakaraya 2:8

Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.

Roman 2:18

Gâd kupia lâka ba kakaira sma, bara lâ mita mamrikisa diara kau pain ba bâk saki briaia.

Roman 3:2

Baha ba uya bara aitani pali sin kulkan sa. Pas pali lika, Gâd mita ai smalkanka ba Ju nani mihta ra mangkan kata.

Kli Smalkanka 1:19

“Yawan Horeb wina takan ba wina amorreo nani ilka nani ra impakan, Dawan Gâd adar wankan ba bîla wali dauki. Baha upla iwras tasbaya tara, sibrinkira pali man nani kaikram yaba, yawan sut bâk wataukan, Cadés-barnea ra balan ba kat.

Kli Smalkanka 1:31

bara upla iwras tasbaya ra sin daukan ba. Dawan Gâd ai klahkla ra mai alki mai bri taukan yabalkam aiska ra, naha tasbaya ra balram ba kat, aisa kumi ai luhpia ai klahkla ra alki buki bri ba baku.’

Kli Smalkanka 4:36

Witin kasbrika pura wina aisin, kli wapni daukaia dukiara. Witin pauta klauhan tara marikan tasba ra, baha pata klauhan lilapas wina ai bîla baikra saki aisin.