Kli Smalkanka 31:28 - DAWAN BÎLA AISKA

²⁸ Almuk nani ba bara kiamkam wihtka nani sin nâra bri bal; bara yang bui witin nani ra aisamni baha dukiara, bara kasbrika purara ba, tasba sin witin nani ai mapara witnis baku swimni.

Kli Smalkanka 31:28 ပူးပေါင်းရင်းမြစ်များ

2 King Nani 23:1

Bamna king bui almuk nani Juda bara Jerusalem ra nani ba sut paiwan, witin wal asla takaia.

Job 20:27

Kasbrika ba mita saurka ba param sâkbia, bara tasba na dahra kwahkaia bubia.

Lawana Nani 50:4

Laih purara pali ba wina, Gâd ba wini aula kasbrika purara ba wina tasba ra, witin ba, ai uplika nani lâka daukaia aula:

Impakan Sturka 18:25

Israel luhpia nani tila wina waitna nani kau sip nani ba bâk kulki sakan, bara witin nani ra karnika yaban, upla daknika nani purara lâ daukaia. Kumi ra upla 1,000 nani yan, wala ra upla 100 nani, wala ra upla 50 nani yan bara wala ra upla nani matawalsip yan lâka daukaia.

Aiseya 1:2

Kasbrika pura bara tasba, man nani aman wali bas, Dawan aisi ba: “Luhpa nani pakri, witin nani sut tara sakri, bara witin nani ba yang maipara buan.

Luk 19:40

Sakuna Jisas pana win: —Yang mai wisni, naha nani ai bîla prakbia kaka, walpa nani ba ai bîla saki wini banhwi kabia.

Kli Smalkanka 29:10

“Naiwa man nani sut Dawan Gâdkam mawanra asla taki banhwisma: Israel kiamka masraka bani, almuk nani, wihta nani, Israel luhpia nani sut,

Kli Smalkanka 30:19

Naiwa yua ra, kasbrika pura ba bara tasba ba wal man nani mamwanra witniskam bris. Raya kaia bara prura ba wal, mamwanra swisatna ani ba brima dukiara, yamnika bara lahtubanka sin. Bamna bris rayaka ba man nani raya kaia dukiara bara kiamkam nani sin.

Kli Smalkanka 31:12

Upla sut asla takan kaia sa, waitna, mairin bara tuktan sin, tringsar nani tawankam ra iwi ba sin lâka na aisi kaikan kabia, bara wali muni Dawan Gâdkam ra kulkaia ba lan takbia, bara ai ulbanka bilara dîa ulban ba kat sin trai kaikbia.

Kli Smalkanka 32:1

“Kasbrika purara, wals yang aisuna na; tasba, yang aisinki na wals.

Kli Smalkanka 4:26

Yang naiwa kasbrika purara bara tasba ra sin witniski brisni, Jordan baila wala kuntrika ra dimma ba ra man nani pat pali pruma. Baha tasbaya ra piua wihka raya kama apia, sakuna âpu pali mai daukbia.