Kli Smalkanka 31:23 - DAWAN BÎLA AISKA

²³ Jasua, Nun luhpia ra lika, naha adarka yaban: “Kupiam karna bri bapi bûi bas. Kan man sika Israel luhpia nani tâ brih waia sma kuntrika yabaia wîri ba ra, yang lika man tnamya ra kamna.”

Kli Smalkanka 31:23 ပူးပေါင်းရင်းမြစ်များ

1 King Nani 2:2

“Yang mahka impakaia yabalka ra auna, upla sut wan yabalka ra. Bamna kupiam karna bri bas, bara sin waitna bas.

Impakan Sturka 3:12

Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Hageo 2:4

¡Zorobabel, waitna bas! ¡Jasua prîs nani wihtka sma ba, waitna bas! Juda uplika man nani sut sin lukankam karna bris. ¡Wark taks, kan yang lika man nani wal sna! Karnika sut brisna Dawanka, yang aisisni.

Kulki Kaikanka 13:20

tasbaya ba ra diara pain pâwisa sapa, tasba mahsis sa sapa sin, tasbaya ba ra dus nani bâra sapa, dus nani âpu sapa. Man nani si bripara; tasbaya dusa mâ nani wirâ brih bal. Kan baha piua ba lika wain disang mâ dâkaia piua kata.

Kulki Kaikanka 23:21

Israel luhpia nani tilara kunin aisi watawi dauki uplika ba âpu sa, Jekob uplika nani ba. Ai Dawanka ai Gâdka ba witin nani wal sa, bara witin nani bui witin ra winisa ai kingka ra baku.

Kulki Kaikanka 27:23

Witin Jasua lal ra ai mihta nani kahban, witin dîa pali daukaia kan ba sin win, Dawan mita bâk dîa lâ win ba lâka kat.

Apastil Nani Sturka 7:45

Baha ningkara, wan damika nani baha tintka watla ba prapati baku brin ai aisika nani wina, Jasua wal balan uplika nani ba sin baha bri balan, witin nani tasba wala nani uplika pura luan piua. Baha nani Gâd mita witin nani mawan wina kangbi sakan ba, bara ban wan Debit yua nani kat.

Kli Smalkanka 3:28

Jasua ra smalki, tâ baiks ai karnika bribia, kan witin sika upla nani kainara wabia, witin mita sika upla nani ra baha kuntrika ba yabia, man baha pliska kaikisma ba.’

Kli Smalkanka 31:14

Baha ningkara Dawan bui Moses ra win: “Kaiks, man prurikam ba pat baila sa; bara man Jasua ra wis man wal Dawan tintka watla ra balbia, bara yang bui witin purara warkka kahbaisna.” Bamna Moses lika Jasua wal Dawan wal aisaia watla ra wan.

Kli Smalkanka 31:24

Moses naha lâka wauhkataya kum ra ulban ba ra,

Kli Smalkanka 31:3

Sakuna Dawan Gâdkam man nani kainamra wapbia, minam taibanka ra naha nisanka nani ra sauhki âpu daukma, ai tasbaika nani briaia dukiara. Jasua man nani tâm bri baku kainamra wabia, Dawan win ba baku.

Kli Smalkanka 31:6

Kupiam karna bri ban bapi bûi bas. Si bripara, sirang sin iwpara witin nani aikuki prawma taim, kan Dawan Gâdkam ba man nani wal kabia bara mai swibia apia, lulki sin mai swibia apia.”