Kli Smalkanka 31:17 - DAWAN BÎLA AISKA

¹⁷ Sakuna yang kupi baiwanka witin nani purara klauhan kabia, bara yang bui witin nani ra lulki swimni. Witin nani dukiara sin lukamna apia, bara saura sari lâka nani baman balbia ai purara, bara wibia: ‘¿Yawan naha pâtka bri na, wan Gâdka yawan nani wal apia ba mita apia ki?’

Kli Smalkanka 31:17 ပူးပေါင်းရင်းမြစ်များ

1 King Nani 8:57

“Dawan wan Gâd ba, yawan aikuki kabia wan damika nani wal kata ba baku, bara wan lulki sin swibia apia,

2 King Nani 22:13

—Man nani was Dawan ra aisaia, bara yang maita, upla nani mata bara Juda aiska dukiara sin, naha lâka wauhkataya sakan na dukiara; kan Dawan lawanka ba tara pali sa yawan wan mapara, wan damika nani ba naha wauhkataya ra ulban bîla ba walras kan, bahara dîa ulbi wankan ba kat daukras kan.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 21:10

Sakuna Edom ba Juda wina dakwi takan, Libná sin, bara baha piua wina naiwa kat ban sa, kan Joram ba ai almukka nani Dawanka wina tnaya ra takan kan bamna.

2 Kronikas 24:20

Bara Sakaraya, prîs Joiadá luhpia ba, Gâd spiritka witin ra iwan ba ra, plis prumhni kum ra uli wan bara ningkara upla nani ra win: “Gâd ba naku wisa: ‘¿Dîa kan man nani lâika bîla walras sma? ¿Man nani bui pliki banhwisma Dawan lawanka ba? ¡Man nani bui lulki ai swiram, bamna yang sin man nani ra lulki mai swimni!’ ”

Nihimaya 9:32

“Baku bamna wan Gâdka, Gâd tara sma ba, karnakira, sibrinkira sin, wal aisi lâ daukram ba alki brisma latwankam lâka tara ba wal, man mamwanra ban lulki swipara pât saura nani ailal pali wahwan ba wan kingka nani, wihtki nani, prîski nani, damiki nani bara man uplikam sut, Asiria kingka nani yua nani ba wina naiwa yua kat.

Job 13:24

¿Dîa muni yang wina yukuwisma? ¿Dîa muni waihlam kum baku ai kulkisma ki?

Job 34:11

Witin lika upla bani ai warkka nani ba kat mana aibapisa, upla bani dîa briaia ba kat yabisa.

Lawana Nani 104:29

Man mamwan ba yukukisma bara sirang iwi banhwisa, man bui witin wingka puhbra sakisma, witin nani mahka pruisa, bara kli tasba yuya ra tawisa.

Lawana Nani 2:12

witin lawbiara sîa; man nani yabal ra pruma, kan witin ai kupia baiwanka ba isi pali sa. ¡Yamni pali sa baha nani sut witin ra ai yukuwaika briaia pliki ba!

Lawana Nani 27:9

¡Man mamwan yang wina yukukpara! ¡Kupiam baiwanka ra, mamwan wina ai saki lulkpara! ¡Man baman yang hilpki sma! Hilpkis yakan ai swipara, Dawan, man lika yang sasakriki sma.

Lawana Nani 30:7

Dawan, man kupiam yamnika ba mita, yang na, il kumi baku karna bapi bûi kaia ai daukram. Sakuna hilpkam ba yang wina sakram bara sibrin lâka ba mita sinski blaki swin.

Lawana Nani 44:10

Man wan munram, waihli nani mawanra nini tawi plapri; misbara wan kaiki nani bal wan dukia nani implikan, witin nani dîa brin dauki kan ba daukan.

Lawana Nani 89:46

Man Dawan, ¿ahkia kat ban yukuwi kama? ¿Man lawankam ba pauta klauhi ba baku ban ami kabia?

Lawana Nani 90:11

¿Ya kaikisa man lawankam karnika ba? ¿Ya kaikisa man kupiam baiwanka ba?

Aiseya 2:6

Dawan, man bui Jekob watla uplika nani ba lulki swiram; tasbaya ba sukia nani banhwan, lalma tasbaya wina balan, filisteo nani tilara bâra ba baku, kiamka wala nani aikuki pain kaia lâka ba daukisa.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Aiseya 63:17

¿Dîa muni, Dawan, man yabalkam nani wina yang nani maiwahki kaia ai daukram, kupi nani karna daukram yang nani na mai kulkaia apia? Man albikam nani ra latwan sma ba luki lukanki na kli laks, baha kiamka nani uplikam nani ba ra luki.

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Aiseya 8:17

Dawan ba Jekob uplika nani wina yukuwi kabia sin, yang lika witin ra kasak lukisna. Witin kat kaiki bîla kaikisna.

Jirimaya 23:33

“Jirimaya, naha uplika nani tila wina upla kum kra, prapit kum kra, prîs kum kra mamkabi walbia kaka: ‘¿Dawan ai bîla blikan ba dîa wisa?’, man bui witin nani ra wis: ‘Dawan kasak aisisa man nani ba witin ai mapara wirhika kum sma bara mai swika kauhma wisa.’

Jirimaya 23:39

man nani ba mai bukamna wirhika tara kum baku, man nani, tawankam kan ba, man nani ra maikri ba damika nani ra sin yabri ba, bara mai swirka laihura kauhma.

Jirimaya 36:7

Baha wali ban kra witin nani Dawan ra ai pura sunbia, bara ai daukanka saura nani ba swibia, kan Dawan ai kupia baiki, karna lawi naha uplika nani mapara bîla karna aisin sa.”

Jirimaya 40:2

Bara kamandanti ba Jirimaya ba brih wan witin wal man taki aisaia, bara witin win: “Dawan Gâdkam naha tasbaya purara pât saura blikaia aisin,

Jirimaya 8:19

Kan yang upliki nani inanka ba tasba aiska ra walisa bamna: “¿Dawan Saion ra âpu sa ki? ¿Kingkam ba bahara apia sa ki?” Bara Dawan pana naku aisisa: “¿Dîa muni witin nani mini prukan aidul nani ra mayuni, gâd wala nani witin nani kakaira apia ba?”

Isikiel 39:29

Bara yang kli witin nani ra kaikras maiwan lakamna apia, kan karniki ba Israel uplika purara mangkri bamna. Yang, Dawan, kasak aisisna.”

Oseas 10:4

Aisin, bara aisi baman sa, kunin baman pramis takisa bara wal lâ dauki nani ba, ulbi baman swisa; ai kasakka lâka ba inma puisinkira lainka ra mangkan wapni pâwi ba baku sa.”

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.

Miqueas 3:4

Yu kumi man nani bui Dawan ra winma, sakuna Dawan bui man nani ra mai walbia apia. Witin baha yua ra, man nani wina yukuwbia saurka nani daukram ba tâwan.

Kulki Kaikanka 14:42

Bamna kainamra kau wapara, kan Dawan ba man nani wal apia sa. Waihlam nani bui puram lubia.

Kli Smalkanka 29:20

Dawan baha pâtka ban swi tikaia wilin apia kabia, sakuna witin ai lawanka tara, ai kupia baiwanka baha uplika purara lahtuban kabia, bara witin purara saurka aiska naha wauhkataya ra ulban ba kauhbia. Bara Dawan mita tasba mawan wina, witin kiamka ba diki sâkbia.

Kli Smalkanka 30:18

kan yang bui man nani ra nanara mahka mai wisna, man nani pruma, baha kuntrika pura lui dukiam briaisma ba ra. Piu wihka raya kama apia, Jordan baila wala ra luma ba ningkara.

Kli Smalkanka 30:19

Naiwa yua ra, kasbrika pura ba bara tasba ba wal man nani mamwanra witniskam bris. Raya kaia bara prura ba wal, mamwanra swisatna ani ba brima dukiara, yamnika bara lahtubanka sin. Bamna bris rayaka ba man nani raya kaia dukiara bara kiamkam nani sin.

Kli Smalkanka 31:18

Sakuna baha piua balbia ba ra, yang lika witin nani lama wina kau kitwi takamna, saura nani dauki kabia ba mita bara aidul wala nani ra mayunan ba mita sin.

Kli Smalkanka 7:21

Witin nani mawanra tatatpara, kan Dawan Gâdkam, Gâd tara sibrinkira ba man nani wal sa.

Wihta Nani 10:6

Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.

Wihta Nani 6:13

Bara Gedeón pana aisin: —Mâsa, padin ai muns, sakuna Dawan ba yang nani wal sa kaka, ¿dîa muni naha diara nani naku yang nani ra takisa? ¿Anira sa Dawan daukanka karnakira nani ba, baha dukiara wan damika nani wan aisi kan ba Idsip wina wan sakan piua ra? Sakuna witin naiwa wan lulkan bara Madián uplika nani mihta karnakira ra mangki wan swin.