Kli Smalkanka 31:12 - DAWAN BÎLA AISKA

¹² Upla sut asla takan kaia sa, waitna, mairin bara tuktan sin, tringsar nani tawankam ra iwi ba sin lâka na aisi kaikan kabia, bara wali muni Dawan Gâdkam ra kulkaia ba lan takbia, bara ai ulbanka bilara dîa ulban ba kat sin trai kaikbia.

Kli Smalkanka 31:12 ပူးပေါင်းရင်းမြစ်များ

Esdras 10:1

Esdras Gâd tempelka ra dimi aisi ai pura suni ai dahra saki kan ba ra, ai lula kriki ai mawan ra kauhi ini, baha dauki kan ba ra Israel luhpia nani dakni kum taki, ai lamara wan: waitna, mairin bara tuktan nani, baha nani sin ai kupia wirha pali ini banhwi kata.

Libait Lâka 9:5

Moses lika witin nani ra dîa daukaia win ba baku, Israel luhpia nani dauki balan, tintka watla ra dimaia ba lamara, bara tawan wina sin upla sut balan, tint watla ba lamara Dawan mawanra kaiki bûi kan.

Hageo 1:12

Zorobabel, Jasua, uplika wala nani sut sin, prapit Hageo Dawan bîla dahra aisin ba walan, bara witin nani sibrin daukan, baku aisaia sika Dawan Gâd bui witin ra win ba.

Jan 5:39

Man nani naha Ulbanka nani na, aman kaiki tânka laki kaikma kaka, baha ba wina raya ban kaia ba briaia lukma; ban sakuna, Ulbanka nani na sika, yang dukira aisisa,

Kli Smalkanka 29:29

“Diara nani bâra sa yawan tânka briras: baha nani ba Dawan Gâd dukia sa. Sakuna diara nani yawan ra marikan bara wan luhpia nani ra sin mariki ba, baha lika piu bani ra alki daukaia sa naha lâka nani na.

Kli Smalkanka 29:9

Baha mita, naha lâka aisin na daukaia man nani alki bri trai kaiks, bara diara sut dauki kama piua ra yamni baman kabia dukiara.

Kli Smalkanka 31:13

Baku man nani luhpiam nani, baha tânka briras ba sip kabia walaia, bara ai rayaka aiska ra Dawan Gâdkam ra kulkaia ba lan takbia, Jordan lui ningkara kuntrika pliskam briaisma ba ra.”

Kli Smalkanka 4:10

“Man nani Horeb ilka ra, Dawan Gâd lamara kapram ba piua ra, Dawan bui ai win: ‘Upla nani ba asla dauks bara yang bîli aisari ba wali, yang ra maiyuni kaia lan takbia, ai yua nani sut ra; ai luhpia nani ra sin smalkbia baha dauki kaia ba.’

Jasua 8:33

Moses sin pat win kata, upla nani ba Dawan lamara bal bubia ai yamnika ba briaia, bamna upla nani ba sut pali Israel luhpia nani kan ba, tringsar nani Israel luhpia apia kan ba, upla almuk nani, wihta tara nani, wihta nani sut, prîs nani, Libait nani Dawan lâka auhbaia watla twilki kan ba mawanra bal buan. Israel luhpia nani ba Dawan yamnika briaia dakni ra buan, daknika kum ba Guerizim ilka tani ra buan, daknika wala ba Ebal ilka tani ra buan, baku daukaia Moses mita pat win kan, bamna witin nani baku daukan.

Jasua 8:35

Moses lâka bîla nani win ba sut pali aisi kaikan, kumi sin aisi kaikras swiras kan, Israel luhpia nani sut, mairin nani, tuktan nani, tringsar nani witin nani ai tilara iwi kan ba, sut pali wali kan witin aisi kaiki kan ba.