Kli Smalkanka 30:9 - DAWAN BÎLA AISKA

⁹ Baku bamna, man nani sut daukma ba Dawan mita ailal maikbia, luhpiam nani ra, daiwram luhpia nani ra, patam mâ, Dawan Gâd bui man nani ra pain lukbia, damikam nani ra lukan ba baku.

Kli Smalkanka 30:9 ပူးပေါင်းရင်းမြစ်များ

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Aiseya 62:5

Wahma kum tiara kum wal ai maya taki ba baku, Dawan sin baku man ai maya mai bribia, bara kli mai paski bara man wal lilia kabia, maya waitna ai maya mairin wal lilia ba baku.

Aiseya 65:19

Bara yang pali sin, Jerusalem wal lilia takamni, yang upliki nani wal sin âiyapah kamni. Witin nani ai inanka bîla baikra ba kli walan kabia apia, ai winanka bîla baikra sin apia.

Jirimaya 31:27

Dawan ba kasak aisisa: “Yua kum balbia ba ra yang daukamni upla nani bara daiwan nani ailal kabia Israel ra bara Juda ra sin.

Jirimaya 31:28

Bara baku pali ridi kapri daikaia, batakaia, mâyara lahbaia, sauhkaia bara trabil munaia, baku natka ra aihwaki kaikisna paskaia bara mangkaia. Yang, Dawan, kasak aisisna.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Libait Lâka 26:4

lî nani ba, yang ai piua kat blikamni, bara tasba ba, dus nani unta ra ba, ai mâ maikbia;

Libait Lâka 26:6

Tasbayam ra yamni mai bri kamna, sibrin âpu pain yapi kama, tasbayam ba pri daukamna daiwan wail, daiwan praut bara war nani sut wina sin.

Sofonías 3:17

Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Jan 15:11

“Baku aisisna man nani ba yang wal lilia kama ba dukiara, bara lilia pali kama.

Kli Smalkanka 28:4

Yamni pali kabia luhpiam nani bara namsla wina dakbram nani ba, bîpkam luhpia nani ra, sîpkam nani ra bara daiwram nani sut ra.

Kli Smalkanka 28:63

Bara Dawan mita man ra pain mai lukan yamni mai daukaia man ba ailal sahwi kaia, nanara sin baku pain mai kaiki kabia, mai slingbi mai sauhki tikbia ba sin pain kaikbia, saura wina wakia wal mai daiki sâkbia baha kuntrika man briaisma ba wina.

Kli Smalkanka 30:8

Bara man nani lika Dawan ra kli tawi bal ai bîla walma, bara ai lâka bîla nani naiwa yang maikisna na trai kaikma.

Kli Smalkanka 7:14

Tawan wala nani ba wal man nani ra kau yamni mai munan kabia: man nani tilamra mairin luhpa sip briras ba âpu kabia, waitna kwihra yabaia sip apia ba baku kabia, bîpkam mairin bara wainhka biarapara âpu kabia.