Kli Smalkanka 30:6 - DAWAN BÎLA AISKA

⁶ Man nani kupiam ra lâ aisi daukan sainka ba mangkbia bara kiamkam nani ra sin, bara kupiam wina bara sulkam aiska ni latwan kaikma raya kaia dukiara.

Kli Smalkanka 30:6 ပူးပေါင်းရင်းမြစ်များ

Impakan Sturka 20:6

Sakuna baha nani latwan ai kaiki, lâika bîla nani kat dauki nani ba, kiamka tausin nani ra latwan kaikisna.

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Jirimaya 9:26

Idsip uplika nani, Juda, Edom, Amón, Moab uplika nani sin, bara upla iwras tasbaya nani ra iwi ba sin, witin nani ai tâwa irbisa. Sakuna baha uplika nani sut Israel luhpia nani ba sin, kupia lukanka nani ba lika idan baman sa.”

Libait Lâka 18:5

“Lâ nani maikri lâka nani ba alki dauki bas, ani uplika lâika nani alki daukbia ba, raya kabia. Yang sika Dawan.

Matiu 22:37

Jisas bila: —‘Dawan Gâdkam ra latwan kaikma kupiam aiska kira, sulkam aiska kira bara sinskam aiska kira ni sin.’

Roman 11:26

Ani piua baku takbia, bâra lika Ju nani ba sut swaki sâkbia, kan Ulbanka ba baku wisa: “Pri sasakra ba Saion wina balbia, bara witin mita Jekob wina saurka ba sâkbia.

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

1 Korint 8:3

Sakuna ani uplika Gâd ra latwan kaiki ba, Gâd mita witin ra kaikisa.

2 Korint 5:17

Baku bamna, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa.

Kli Smalkanka 10:16

“Wal lâ daukan lâka ba man nani kupiam ra bris, bara lamla karna kapara,

Kli Smalkanka 11:1

“Man nani bui Dawan Gâdkam ra latwan kaiks, bara ai lâka nani ba kat dauks piu bani ra, ai lâka nani maikan ba ban bri bas.

Kli Smalkanka 6:5

“Dawan Gâdkam ra latwan kaikma kupiam aiska kira, sulkam aiska kira bara karnikam aiska kira sin.

Kolosi 2:11

Bamna Kraist wal asla takram ba mita, pat Aisa sainka mai daukan sa; wan wîna pali ra Aisa sainka dauki ba sâtka lika apia, sakuna wan wîna saurka nani wina swaki wan sakan ba. Naha sika Aisa sainka lâka Kraist wina aula ba.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

1 Jan 4:7

Muihki laitwankira nani, yawan lika pana pana wan walka ra latwan kaikaia sa, kan latwan lâka ba Gâd wina sa. Latwan lâka bri uplika bani ba lika Gâd luhpia bara Gâd ra kakaira sa.