Kli Smalkanka 30:3 - DAWAN BÎLA AISKA

³ Baku bamna, Dawan mita man nani ra umpira mai kaiki alba ra kapram ba wina kli mai bri balbia. Dawan mita upla nani tilara lulki mai swin kan ba,

Kli Smalkanka 30:3 ပူးပေါင်းရင်းမြစ်များ

Blasi Sturka 28:15

Bara yang lika man wal kamni; man ani anira wama ba yang main mai kaiki mai bri kamna, naha tasbaya ra sin kli mai bri balamna. Yang mai lulki mai swimna apia, man ra dîa aisari ba daukamna ba kat.”

Blasi Sturka 48:21

Baha ningkara witin Josep ra tawi win: —Nanara man kaikisma, yang pruaia pat baila sna; sakuna Dawan lika man nani wal ban kabia, tâm baikbia, damikam nani tasbaya ra kli mai bri wabia.

1 Kronikas 16:35

Witin ra wi banhs: ¡Dawan swaki wan sasakra sma ba, swaki wan sâks! ¡Kiamka wala tila ba wina wahbi wan sâks, baku mika ninam sunukira ra mayuni banhwamna, liliakira sin mamyuni banhwamna!

Nihimaya 1:9

sakuna yang nani kli man ra tawi balamna bara lâmka bîla nani ba brimna, bara baha warkka daukamna kaka, ban ai yakabi ai swiram sa, sakuna tasba aiska kir ba wina, yang nani na kli asla ai daukma, bara man ninam bâra kaia pliska bâk sakram ba, bahara kli wan brih wama.

Job 42:10

Job ai pânika nani dukiara ai pura sunan ba ningkara, Gâd mita ai dukia nani kan ba kli yan kainara kata ba baku, kainara bri kan ba wal kau aima wâl prais.

Lawana Nani 107:3

Witin nani ba asla daukan yahbra, waupasa, lalma, bara muna tani kuntrika nani ba wina.

Aiseya 27:12

Baha yua ra Dawan ai warkka daukbia Éufrates wina Idsip awala kat plawar mâ kriki baku; sakuna man nani, Israel luhpia nani, asla mai kukan kabia kumi mai wahbi.

Aiseya 43:5

Si bripara, kan yang lika man wal sna; man kiamkam ba lalma wina bri balamni, bara muna wina asla mai kukamna.

Aiseya 54:7

“Piua wiria lupia baman yang mai lulki mai swiri; sakuna umpira kaikan lâka tara ba wal, laimara kli asla mai daukamni.

Aiseya 56:8

Yang yabrika kli tawi balbia bara asla takbia, baha nani kau upla wala tasbaya ra bâra nani ba.” Dawan, baha kasak aisisa. Israel yarka kli tawi bal asla takbia baiwi takan ba.

Jirimaya 12:14

Dawan naku aisisa, baha uplika watawikira nani Israel lamara iwi nani ba dukiara, witin mita ai tasbaya ba Israel luhpia nani ra yan ba baha uplika nani mita sauhkan: “Bamna yang bui witin nani ba wakia wal daikamna, witin nani ai tila wina Juda sakamna.

Jirimaya 23:3

Sîpki nani munri plapan nani ba kuntri wala nani ra kau swin ba yang mita kli bri balamna, baha asla daukamna bara kli tawi bal ai pata piaia daukamna, bara ai luhpia nani manis baikbia.

Jirimaya 29:14

Âu, yang aisisna, man nani ai pliki ai sâkma, tasbayam ba yang kli maikamna: kuntri bani ra bara plis bani ra nisan nani tilara mai yakabri ba wina asla mai bri balamna, man nani tasbayam ra kli waia daukamna. Yang, Dawan, kasak aisisna.’

Jirimaya 31:10

“Nisan nani, Dawan bîla ba wals maisa paks laih kabu un ra iwi nani ra: ‘Dawan ba Israel ra yakabi aihka sakan, sakuna asla daukan kabia bara main kaikan kabia, sepad ai sîpka main kaiki baku.’

Inanka Nani 3:22

Dawan latwanka ba ban kaia ra bâra sa, ai kupia yamnika nani ba sip danh takras.

Inanka Nani 3:32

Âu, witin mita upla ra pât saura blikisa, sakuna umpira sin kaikisa, kan witin latwanka lâka ba tara pali bamna.

Isikiel 11:17

Baku sin wis: ‘Dawan ba naku wisa: Yang mita yabrika kli tawi balbia, baha kuntrika bara nisanka nani anira yakabi kir lakri ba wina, bara asla daukamni bara Israel kuntrika ba maikamni.

Isikiel 36:24

Yang mai sakamna baha kuntrika bara nisanka tila ba wina; asla daukamna bara yabrika ai tasbaya ra kli balbia.

Isikiel 39:28

Yang mita blikri alki bri waia nisan tringsar nani tilara, bara yang kli asla daukamna aima wala ra ai tasbaya ra. Kumi sin ai tasbaya wina alki bri wabia apia. Baku mika ai dara walbia, yang sika ai Dawan Gâdka sna ba.

Miqueas 7:19

Man bui yang nani ra kli umpira ai kaiki kama, saurki nani daukri ba, tasba ra minam ni taibi bikma, bara yang nani watawi daukri ba sut, man mita kabu tihuka ra rungki tikma.

Sakaraya 10:9

Yang bui witin nani ba nisan nani tilara yakabrira daukri, ban sakuna, laihura ba wina yang ra luki kabia, bara yu kum ai luhpia nani wal kli tawi balbia.

Roman 11:23

Sakuna Ju nani ba kli kasak lukbia kaka, kli watlika ra mangkan kabia; kan Gâd ba karnika brisa baha nani kli watlika ra mangkaia.

Roman 11:26

Ani piua baku takbia, bâra lika Ju nani ba sut swaki sâkbia, kan Ulbanka ba baku wisa: “Pri sasakra ba Saion wina balbia, bara witin mita Jekob wina saurka ba sâkbia.

Roman 11:31

Baha sim natka ra Ju nani ba nanara Gâd bîla wali daukras sa, sakuna baha lika man nani ra baku Gâd mita Ju nani ra ai kupia yamnika yabia baman sa.

Kli Smalkanka 13:17

“Sauhki tikan dukia nani wina kumi sin man wal takaskpara, bara Dawan lika man nani ra ai kupia sauhkbia apia. Damikam nani ra yabaia win ba baku, man nani ra maikka ailal sauhma,

Kli Smalkanka 4:27

Dawan mita kiamka wala nani tilara mai yakabia, bara man tilam wina kulki baman raya kabia.