Kli Smalkanka 30:19 - DAWAN BÎLA AISKA

¹⁹ Naiwa yua ra, kasbrika pura ba bara tasba ba wal man nani mamwanra witniskam bris. Raya kaia bara prura ba wal, mamwanra swisatna ani ba brima dukiara, yamnika bara lahtubanka sin. Bamna bris rayaka ba man nani raya kaia dukiara bara kiamkam nani sin.

Kli Smalkanka 30:19 ပူးပေါင်းရင်းမြစ်များ

Blasi Sturka 2:17

sakuna diara yamni bara saura tânka kaikaia dusa mâ ba wina lika man pipara. Man baha dusa mâ wina pipara, kan pima kaka, rait pali man pruma.”

Lawana Nani 119:111

Yang prapatiki ban kaia ra ba lika man lâmka, kan man bîlam nani ba bui lilia ai daukisa.

Lawana Nani 119:173

Man mihtam ba mahka hilp ai munbia, man wan smalkram lâka nani bâk sakri bamna.

Lawana Nani 119:30

Kasakka tânka yabalka ba bâk saki briri, bara brin ai daukisa lâ nani aisi daukram lâka ba sin.

Sins Lâka 1:29

Kan saura kulkisa sins lâka ra bara Dawan ra kulkanka yabaia want apia.

Sins Lâka 12:28

Kasakka lâka yabalka ra ba, rayaka bâra ba kat brih wîsa, taniskira yabalka ba lika, prura ra wan brih auya.

Sins Lâka 8:36

Sakuna yang wina sait ra takaia ba lika rayakam ba pât ra mangkisma; ¡misbara ai kaikma kaka, prura ra latwan kaikisma!”

Sins Lâka 9:11

Tingki manis sins lâka ra, yuam nani kau ailal maikbia, bara rayakam manka nani sin kau pura praki maikbia.

Aiseya 1:2

Kasbrika pura bara tasba, man nani aman wali bas, Dawan aisi ba: “Luhpa nani pakri, witin nani sut tara sakri, bara witin nani ba yang maipara buan.

Aiseya 56:4

Kan Dawan ba aisisa: “Yunok nani ba riski yua nani kulkisa kaka, yang kupi lâka ba daukisa kaka bara yang lâika ba sin ai lama bîla kat witin nani alki bribia kaka,

Jirimaya 21:8

‘Naha bîla na sin man upla nani ra wis, yang Dawan sna ba, naku wisni: Bâk saki briaia yabalka nani yang bui man nani ra maikisna, raya kaia yabalka ba pruaia yabalka ba wal.

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Jirimaya 42:21

Dawan Gâdkam man nani ra mai wiaia ai win ba yang mai wîri, sakuna man nani bîla wali daukaia brin mai daukras sa.

Isikiel 20:11

bahara lâika nani bara dîa daukaia lâka ba yabri; ya baha daukuya ba, rayaka yabi ba.

Luk 10:42

Sakuna diara kumi baman bâra sa briaia aitani. Meri sika diara kau yamni ba bâk saki brin sa, bara baha upla kumi bui sin mihta dakbia apia.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Kli Smalkanka 11:26

“Yang naha yua man nani ra maikisna: yamni ba bara saura ba wal, man nani kaikma ani ba briaia.

Kli Smalkanka 30:1

“Bara yang sturi aisari ba sut man nani puramra balbia, yamnika bara lahtubanka wal maikri ba, ani ba brima. Dawan Gâdkam mita nisan nani tilara mai lulkan kabia, baha dukiara luki kaikma.

Kli Smalkanka 30:15

“Bara kaiks naiwa man nani mamwanra rayaka bara yamnika ba swisna, prura bara saurka ba, bara ani ba brima.

Kli Smalkanka 30:16

Naiwa adar maikisna na bîla walma kaka, bara Dawan Gâdkam ra latwan kaiki bara ai yabalka nina bliki, bara ai lâka bîla nani ba kat daukma sa kaka, raya kama, luhpa sin ailal brima, bara Dawan Gâdkam bui yamni mai munbia kuntrika pliskam briaisma ba ra.

Kli Smalkanka 31:17

Sakuna yang kupi baiwanka witin nani purara klauhan kabia, bara yang bui witin nani ra lulki swimni. Witin nani dukiara sin lukamna apia, bara saura sari lâka nani baman balbia ai purara, bara wibia: ‘¿Yawan naha pâtka bri na, wan Gâdka yawan nani wal apia ba mita apia ki?’

Kli Smalkanka 31:28

Almuk nani ba bara kiamkam wihtka nani sin nâra bri bal; bara yang bui witin nani ra aisamni baha dukiara, bara kasbrika purara ba, tasba sin witin nani ai mapara witnis baku swimni.

Kli Smalkanka 32:1

“Kasbrika purara, wals yang aisuna na; tasba, yang aisinki na wals.

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 4:25

“Man nani luhpiam bara mulam nani brima piua ra, bara naha kuntrika ra almuk kama ba ra, lilka bahki nani paski dauki baha ra ai pura sunbia kaka baku saura dauki, Dawan Gâdkam kupia sauhki kama.

Kli Smalkanka 4:26

Yang naiwa kasbrika purara bara tasba ra sin witniski brisni, Jordan baila wala kuntrika ra dimma ba ra man nani pat pali pruma. Baha tasbaya ra piua wihka raya kama apia, sakuna âpu pali mai daukbia.

Kli Smalkanka 4:6

Trai kaiki bara dauks, baku lika man nani tilamra sinskira bara diara tânka brabrira nani bâra ba, upla mai kaikbia. Baku mai kaiki bara mai wibia: ‘Naha nisanka na sinskira sa bara diara tânka sin brisa mai wibia.’

Kli Smalkanka 6:2

Baku natka ra Dawan Gâdkam ra mayunma, baku lâ bîla man nani ra maikuna ba rayakam aiska ra dauki waia, luhpiam bara mulam nani ra sut ba mani ailal raya kabia.

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.