Kli Smalkanka 30:17 - DAWAN BÎLA AISKA

¹⁷ Sakuna naha sut man nani walras swi si, gâd wala nani mawanra lulam kriki bawi mayunpara,

Kli Smalkanka 30:17 ပူးပေါင်းရင်းမြစ်များ

1 King Nani 11:2

Baha uplika nani sât dukiara sika Dawan bui Israel luhpia nani ra win kan ba, baha mairka nani wal bribia apia, kan mairka nani ba mita munka gâd bahki nani ra ai kupia ba yaka tniwbia. Sakuna baha mairka nani ra sika Salaman bui latwan kaiki aikuki wal asla takan.

Sins Lâka 1:32

Sins tânka aitani briras nani ra, diara daukaia tânka luha ba mita ikisa, bara taniskira nani ra diara lukras ba mita sauhki tikisa.

Sins Lâka 14:14

Taniskira ba ai âuyapah sa ai daukanka ra, sakuna upla yamni lika, ai yabalka ba ai âuyapah kabia.

Kulki Kaikanka 32:15

Man nani bui Dawan nina blikaia wilin apia sma kaka, witin mita Israel luhpia nani upla iwras tasbaya ra yaka kau takaskbia, bara man nani pâtkira kama witin nani sut sauhki tikbia kaka.

Kli Smalkanka 11:16

Sakuna aman kaiks, kunin mai munbiara gâd wala nani ra mayuni, witin nani mawan ra bawi Dawankam wina tnaya ra tawpara.

Kli Smalkanka 17:17

Mairin ailal sin bripara, ai kupia diara wala ra tawbia sîa; lalah, gul sin ban ailal bripara.

Kli Smalkanka 30:16

Naiwa adar maikisna na bîla walma kaka, bara Dawan Gâdkam ra latwan kaiki bara ai yabalka nina bliki, bara ai lâka bîla nani ba kat daukma sa kaka, raya kama, luhpa sin ailal brima, bara Dawan Gâdkam bui yamni mai munbia kuntrika pliskam briaisma ba ra.

Kli Smalkanka 30:18

kan yang bui man nani ra nanara mahka mai wisna, man nani pruma, baha kuntrika pura lui dukiam briaisma ba ra. Piu wihka raya kama apia, Jordan baila wala ra luma ba ningkara.

2 Timoti 4:4

Kasak tânka ba wina tnaya ra tawbia, bara sturi bahki sât sât nani bîla wali nani kabia.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

Hibru Nani 3:12

Muihki nani, aman kaiki bas, man nani wina kumi sin ai kupia saura brih, Gâd rayakira ba wina tnaya ra tawbiara, witin ra kasak lukras ba mita.

Jasua 22:15

Witin nani sut Galaad ra wan, bahara sika Ruben bara Gad bara Manasés kiamka bakriki ba bâra kata, bara witin nani ra win:

1 Samuil 12:21

Kunin gâdka nani nina blîkpara, baha nani hilp mai munras, swaki sin mai sakras, kan witin nani ba kuninkira nani sa bamna.

1 Samuil 12:25

Sakuna man nani saura ba ban takaskras daukisma kaka, man nani bara kingkam sin sauhki tikan kabia.