Kli Smalkanka 30:16 - DAWAN BÎLA AISKA

¹⁶ Naiwa adar maikisna na bîla walma kaka, bara Dawan Gâdkam ra latwan kaiki bara ai yabalka nina bliki, bara ai lâka bîla nani ba kat daukma sa kaka, raya kama, luhpa sin ailal brima, bara Dawan Gâdkam bui yamni mai munbia kuntrika pliskam briaisma ba ra.

Kli Smalkanka 30:16 ပူးပေါင်းရင်းမြစ်များ

1 King Nani 3:3

Baha sut purkara Salaman Dawan ra latwan kaiki kan, Debit ai papika mita lâ nani mangki yan ba kat wapi kan. Witin sakripais daukaia ai brinka kan, kîa pain sin angki kan il nani ra.

Sins Lâka 3:1

Luhpi waitna, smalkanki nani ba âmya tiwbiara; bara kupiam ra yarka lâika bîla nani ba alki yamni bribia,

Aiseya 1:19

Man nani bui yang bîli wali daukaia wima kaka, plun pain nani tasba wina taki ba man nani pima;

Jan 14:21

Bamna ani uplika lâika nani tânka brisa bara bîli kat wali daukisa kaka, witin param marikisa yang ra latwan ai kaikisa. Latwan ai kaiki uplika ra, Aisiki latwan kaikbia, bara yang sin latwan kaikamna, ban sin witin ra latan takamna.

1 Korint 7:19

Aisa sainka bri, kaia apia kaka âpu kaia ba lika, bahki sa; Gâd lâka nani bîla wali daukaia ba sika diara tara ba.

Kli Smalkanka 30:17

Sakuna naha sut man nani walras swi si, gâd wala nani mawanra lulam kriki bawi mayunpara,

Kli Smalkanka 30:19

Naiwa yua ra, kasbrika pura ba bara tasba ba wal man nani mamwanra witniskam bris. Raya kaia bara prura ba wal, mamwanra swisatna ani ba brima dukiara, yamnika bara lahtubanka sin. Bamna bris rayaka ba man nani raya kaia dukiara bara kiamkam nani sin.

Kli Smalkanka 30:6

Man nani kupiam ra lâ aisi daukan sainka ba mangkbia bara kiamkam nani ra sin, bara kupiam wina bara sulkam aiska ni latwan kaikma raya kaia dukiara.

Kli Smalkanka 32:47

Kan naha lâka na man nani ban isti prak alkaia apia sa, naha lâka na man nani rayakam sa, baha mita baha tasbaya Jordan baila wala ra ba piua wihka iwma, baha tasbaya sika man nani briaisma ba.”

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 5:33

Dawan Gâdkam yabal mamrikan ba baha nina blîks, yamni wama dukiara, mani ailal sin raya kama tasba man dukiam maikaia win ba ra.

Kli Smalkanka 6:5

“Dawan Gâdkam ra latwan kaikma kupiam aiska kira, sulkam aiska kira bara karnikam aiska kira sin.

Jasua 23:11

Bamna man nani pali aman damra wals, bara Dawan Gâdkam ra latwan kaiks.