Kli Smalkanka 30:1 - DAWAN BÎLA AISKA

¹ “Bara yang sturi aisari ba sut man nani puramra balbia, yamnika bara lahtubanka wal maikri ba, ani ba brima. Dawan Gâdkam mita nisan nani tilara mai lulkan kabia, baha dukiara luki kaikma.

Kli Smalkanka 30:1 ပူးပေါင်းရင်းမြစ်များ

Blasi Sturka 4:14

Kaiks nâra man naiwa tasba wina saki ai lulkram sa, bamna man lama wina sin. Yang yukuwamna, bara tasba ra tringsar ban yukuwi laihura baman watauki kamna, bara ya yang ra ai sâkbia ba ai ikbia.

1 King Nani 8:34

kasbrika pura ba wina witin nani ra wali kama, bara ai saurka nani ba ban swih tikma, bara kli yarka ai damika nani ra yaram tasbaya ra tawi balbia.

2 Kronikas 30:9

Man nani ba Dawan ra tawma kaka, waihlam nani nanara kat muihkam nani ra taibi bri ba, baku sin luhpiam nani ra taibi bri ba, umpira kaikbia bara swika kli ai tasbaya ra balbia. Kan Dawan man nani Gâdkam ba, kupia latwankira sa, bara upla ra kupia pihni lâka brisa, bamna man nani ra mai swibia apia, man nani kli witin ra tawma kaka.”

Nihimaya 1:9

sakuna yang nani kli man ra tawi balamna bara lâmka bîla nani ba brimna, bara baha warkka daukamna kaka, ban ai yakabi ai swiram sa, sakuna tasba aiska kir ba wina, yang nani na kli asla ai daukma, bara man ninam bâra kaia pliska bâk sakram ba, bahara kli wan brih wama.

Aiseya 46:8

“Naha kupiam krauki bas, saura dadaukra nani, yaprisauhkan ra kaiki baku takpara, pain luki kaiks;

Jirimaya 29:14

Âu, yang aisisna, man nani ai pliki ai sâkma, tasbayam ba yang kli maikamna: kuntri bani ra bara plis bani ra nisan nani tilara mai yakabri ba wina asla mai bri balamna, man nani tasbayam ra kli waia daukamna. Yang, Dawan, kasak aisisna.’

Jirimaya 3:13

Man watawi daukram ba daukri, wis, Dawan Gâdkam mapara babura takram ba; tringsar nani latwan kaiki plapi pliki waram ba, dus tara nani sut distiki ra waram, yang bîli walras adarki nani wîri ba daukras. Yang, Dawan, kasak aisisni.’ ”

Jirimaya 8:3

Naha uplika saura nani kau pruras raya kabia ba, yang mita munrika ani anira tauki kabia ba tilara, witin nani raya kaia apia mahka pruaia ba kau yamni kulkbia. Yang, Dawan, karnika sut brisna, kasak aisisna.

Isikiel 18:28

Ai nakra kwâkbia kaka, bara ai saurka daukan nani sut ba wina tnaya ra takbia kaka, witin raya kabia, prubia apia.

Isikiel 6:9

Baha nisanka nani tilara pruras swak takbia nani ba, yang ra ai kupia kraukbia; yang nahki witin nani ba yabri pât wahwaia ba ai kupia kraukbia, witin nani ba yang wal wapni apia bara tnaya ra tawan, aidul nani ra mayunan bamna. Watawika lâka nani daukan ba lukbia bara aikaban daukbia, diara saura nani kaikan wan daukras kan daukan bamna.

Sakaraya 10:9

Yang bui witin nani ba nisan nani tilara yakabrira daukri, ban sakuna, laihura ba wina yang ra luki kabia, bara yu kum ai luhpia nani wal kli tawi balbia.

Luk 15:17

Bâra mika witin ai kupia wal aisin: ‘¡Papiki watla ra wark uplika nani ba plun manis brisa, kuna yang lika nahara plun bla pruisna!

Kli Smalkanka 28:28

Lamla sin saura lakbia, namkra blain mai daukbia bara aihka baman kama,

Kli Smalkanka 28:64

Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.

Kli Smalkanka 29:27

Baha mita Dawan ai kupia baiwanka ba naha tasbaya ra blikan, ba ra lahtubanka sâtka sut naha wauhkataya ra ulban ba witin purara batakan.

Kli Smalkanka 29:28

Bara ai kupia baiwanka ni ai kuntrika wina saki lulkan, ai lawanka tara ni sin kuntri wala ra lulkan, naiwa yua ra taki ba baku.’

Kli Smalkanka 30:15

“Bara kaiks naiwa man nani mamwanra rayaka bara yamnika ba swisna, prura bara saurka ba, bara ani ba brima.

Kli Smalkanka 30:19

Naiwa yua ra, kasbrika pura ba bara tasba ba wal man nani mamwanra witniskam bris. Raya kaia bara prura ba wal, mamwanra swisatna ani ba brima dukiara, yamnika bara lahtubanka sin. Bamna bris rayaka ba man nani raya kaia dukiara bara kiamkam nani sin.

Kli Smalkanka 32:36

“Dawan lika ai uplika tâwan aisabia, kaikka tâ baikaia kau want kabia kaka; Dawan ai albika nani ra umpira lukbia, kaikka swapni sin âpu, karnakira sin âpu kaka.