Kli Smalkanka 3:9 - DAWAN BÎLA AISKA

⁹ (Baha ilka nina ba Sidón uplika nani bui Sirión mâki kan, amorreo nani bui lika Senir mâki kan.)

Kli Smalkanka 3:9 ပူးပေါင်းရင်းမြစ်များ

1 Kronikas 5:23

Bara Manasés kiamka bakriki ba Basán tasbaya ra iwi banhwi kan ba, baha lika Baal-hermón kat wi yaba, Senir bara Hermón ilka ba, kan baha nani ba ailal pali kan ba mita.

Lawana Nani 133:3

Hermón ilka diwaska laya ba baku sa, Saion ilka nani purara kauhisa. Bahara sika, Dawan ai yamnika blikisa ai yamnika raya kaia lâka ban kaia ra ba.

Lawana Nani 29:6

Líbano bara Sirión ilka nani ba yaban tatatwisa; ¡baha nani ba yaban bîp wainhka nani bara bîp lupia nani srutwi ba baku srutwisa!

Lawana Nani 42:6

Kupi lukanka na kriwan pali sa; bahamna yang lika Jordan awala tasbaya wina, Hermón bara Misar ilka nani wina, man ra baman lukisna.

Lawana Nani 89:12

Man yahbra bara muna wal ba paskram; Tabor bara Hermón ilka nani ba, lilia aiwani ninam mayunisa.

Yamni Kulki Lawana 4:8

Kaisa, yawan wal Líbano wina mahka iwi waia, wal kut taki mairka lupia; yang wal Líbano wina mahka iwi wap. Amaná ilka bahna ba wina kaiks twi bîla nahki ba, Senir bara Hermón wal bahna wina sin. Layan nani bawaika pliska wina sin, limi bulni nani ilka wina sin.

Isikiel 27:5

Tat nani brima ba sut Senir ilka wina awas dusa nani ba brih balan baha ni, kwala bapaika dusa ba paskan, Líbano yalamka wal daukan sa;

Jasua 11:17

Halac ilka wina, Seír tani ra bûi ba, ban Baal-gad kat, Líbano langni ba, Hermón ilka playa ra ba sut brin bara ikan, kingka nani bâra kan ba,