Kli Smalkanka 3:20 - DAWAN BÎLA AISKA

²⁰ Bara yang Dawan, muihkam nani ra yaras kapri, lamni lâka man nani ra maikri ba baku, witin nani sin ai pliska briras man nani tasbayam maikisna ba baku. Jordan awala baila wala wina, man nani sin sip kli tawi balma apia yang tasba maikri ba ra.’

Kli Smalkanka 3:20 ပူးပေါင်းရင်းမြစ်များ

Kulki Kaikanka 32:18

Yang nani kli waitla ra tawi wamna apia, Israel luhpia nani sut ai tasbaya brih iwras kaka.

Kulki Kaikanka 32:22

Tawan ba sin aiklabi pura luma, baku lika Dawan bui Israel luhpia nani dukiara lâ nani mangkan ba dauki, bara man nani pri tawi balma. Bara tasbaya na, man nani dukiam kabia, Dawan aisin ba kat.

Kli Smalkanka 12:9

Kasak sika naha piua kat man nani âmyapah kaia pliska ra kau dimras sma, Dawan Gâdkam man nani ra prapati baku maikaia win tasbaya ba.

Kli Smalkanka 3:21

“Jasua ra yang naha adarka yâri: ‘Man namkra pali ni kaikram baha kingka nani wal Dawan Gâdkam dîa daukan ba; bara man king nani tasbaya bâk lui waisma ba sut wal sin witin baku daukbia.

Jasua 1:15

Dawan mita muihkam nani ra ris briaia pliska kum yabia ba kat, man nani ra maikan ba baku, witin nani sin tasba dawanka nani takbia, Dawan bui witin nani ra yabaia kan ba. Baha ningkara man nani sip kama tasbayam nani ra kli tawi waia awala lalma tani ra, baha ba man nani tasbayam pali brima, Moses Gâd napakanka maikan ba.

Jasua 22:2

bara win: “Man nani Moses Dawan napakanka dîa win ba sut daukram, bara yang lâika bîla nani sut wali daukram.

Jasua 22:4

Nanara witin ai pramiska nani sut ba daukan bara muihkam nani kupia kumi lâka ba brisa, baku bamna kli tawi was tintkam watla nani ra, bara tasba Dawan napakanka Moses bui maikan ba ra sin, baha Jordan awala lalma tani ra.

Jasua 22:8

Bara witin nani ra win: “Man nani lika kli tasbayam ra tawi was, diara ailal brisma ba wal, bara daiwram ailal, gul, silbar, bras, ayan bara kwala nani ailal wal. Muihkam nani kira yui bris, kan naha lika waihlam nani wina dakbi briram.”

Jasua 22:9

Baku sika Ruben bara Gad kiamka nani bara Manasés kiamka bakriki ba wal Israel luhpia nani wina dakwi takan ba Siló ra, Kenan tasbaya ra, kli tawi wih Galaad ra iwaia dukiara, bahara sika ai tasbaya nani bri kan, Dawan bui Moses bâk wisata ba baku.