Kli Smalkanka 3:14 - DAWAN BÎLA AISKA

¹⁴ (Jaír, Manasés kiamka wina ba, Argob tasbaya aiska ban Guesur tasbaya piarkika ba kat, baha wina Maacá tasbaya ba sin brin, bara tasbaya nina Basán mâkan ba watlika ra witin ai nina ni Havot-jaír mâkan. Naiwa kat baha nina ban baku mâkisa.)

Kli Smalkanka 3:14 ပူးပေါင်းရင်းမြစ်များ

2 Samuil 10:6

Amón uplika nani ai dara walan, witin nani bui waihla lâka Debit mapara bukuya ba, bara Siria tasbaya Bet-rehob wina, Sobá wina sin suldiar nani 20,000 mana aibapi brin, king Maacá wina sin 1,000 kum suldiar nani brin, wala 12,000 suldiar nani Is-tob wina.

2 Samuil 13:37

Absalón, witin lika, Guesur kingka Amihud luhpia Talmai wal plapan, bahara mani yumhpa takaskan. Bara Debit yu bani ini kan ai luhpia Amnón pura mata,

2 Samuil 14:23

Baha wina Joab buan bara Guesur ra wan, Absalón ba Jerusalem ra ba bri balaia.

2 Samuil 20:26

Irá, Jaír tawanka wina ba sin, Debit prîska kan.

2 Samuil 23:34

Elifélet, Ahasbai luhpia, Maacá wina ba luhpia; Eliam, Ahitófel luhpia, Guiló wina;

2 Samuil 3:3

ningkara ba Quilab, Abigail Carmel wina, Nabal piarkika luhpia waitna; yumhpika ba Absalón, yaptika Maacá, king Talmai Guesur wina ba luhpia mairin;

Lawana Nani 49:11

Ai nina ba ni ai tasbaya nani nina ba mâkan sakuna, raiti ba ai watla bâra ban kabia; bahara ban kaia ra bâra kabia.

Jirimaya 40:8

bara witin nani ai uplika nani aikuki Mispá ra wan Guedalías kaikaia. Witin nani ai tilara bâra kan: Ismael Netanías luhpia waitna ba; Johanán, Janatan Caréah luhpia waitna nani; Seraías Tanhúmet luhpia waitna ba; Efai Netofá wina luhpia waitna nani ba; Jezanías Maacat wina waitnika luhpia ba bara waitna wala nani sin witin nani aikuki kan ba.

Kulki Kaikanka 32:41

Manasés kiamka Jaír sin, aiklabi amorreo nani ba pura lui, tawan ba dakbi brin bara nina Havot-jaír mâkan.

Kli Smalkanka 3:13

Galaad tasbaya tâka kau swin ba wina, Basán tasbaya aiska, king Og tasbaya kan ba, bara Argob tasbaya aiska, refaíta nani tasbaya kulki kan ba sut, Manasés kiamka bakriki ra yabri.

Kli Smalkanka 3:4

Ba purkara 60 tawan tara nani pura lui dakbi briri. Tawanka nani kumi sin yang nani mihti wina swakras, Argob tasbaya aiska, king Og tasbaya aiska sin.

Jasua 12:5

Ai kingka lâka bri kan ba Hermón ilka wina, bara Salcá wina, bara Basán tasbaya langnika aiska wina, Guesur bara Maacá wal tasbaya piarkika kat, bara Galaad bakriki wala kat, baha ba Sihón dukia kata, baha lika Hesbón kingka ba.

Jasua 13:13

Guesur bara Maacá uplika nani lika tawanka wina kangbi sakras Israel luhpia nani mita, sakuna Israel luhpia nani ai tilara ban yan iwisa naiwa kat.