Kli Smalkanka 29:6 - DAWAN BÎLA AISKA

⁶ Brit, wain, diara laya nani sin piaia diaia maikras kan, bara Dawan ba man nani Gâdkam ba tânka bri kama dukiara.

Kli Smalkanka 29:6 ပူးပေါင်းရင်းမြစ်များ

Nihimaya 9:15

Pura wina brit sin yabram, plun dauki kan ba dakakaia dukiara, bara diranka daskaia dukiara walpa wina lî yabram. Ba ningkara sin witin nani ra wiram yabaia tasbaya ra wih tasba ba bribia.

Impakan Sturka 16:12

—Israel luhpia nani rangbi aisi kan ba yang walri. Bamna man bui witin nani ra aisi wis: ‘Tutni mani ra witin nani upan piaia bribia. Baku man nani kaikma, yang sika Dawan Gâdkam sna ba.’

Impakan Sturka 16:35

Israel luhpia nani ba upla iwras ba tasbaya ra 40 mani manâ baman pi kan, Kenan tasbaya piarkika upla iwi kan ba tasbaya lamara balan ba kat.

Kulki Kaikanka 16:14

Man mita sin kau plis kumi ra sin kau wan brih waras, anira tialka laya nasma wal lî laiwi baku ba pliska ra. Man sin kau wain nasla kumi sin wankras. ¿Bara brin mai daukisa ki, upla sut na nakras baku brih waia? Apia, yang nani lika mai kaikaia wamna apia.

Kulki Kaikanka 20:8

—Kîn ba bris, man muihkam Eran sin tâm baikbia, bara upla nani ba asla dauks. Baha ningkara, upla sut mai kaiki ba ra, walpa ba ra aisas lî baha wina takbia, bara kaikma lî ba takbia, bara upla nani ba ai daiwra nani aikuki lî di banhbia.

1 Korint 10:4

bara sut spiritka laya ba dih banhwan. Kan baha nani ba wan spiritka walpaya, witin nani wal impaki kan ba wina laya dingkan. Bara baha walpaya ba lika Kraist kan.

1 Korint 9:25

Pulanka kum ra win takaia ridi taki nani ba, dîa dîa ai wîna ra saura munaia sip dukia nani ba wina tnaya ra taukisa. Bara witin nani baku daukisa, pura luan prisantka kum pat aisawi ba briaia dukiara; sakuna yang nani lika aisawras prisantka kum briaia dukiara pât takisna.

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.

Kli Smalkanka 2:33

Sakuna Dawan wan Gâdka mita wan mihta ra mangkan bara yang nani mita pura luri, ai luhpia nani bara ai suliarka nani ra sin.

Kli Smalkanka 29:7

“Yawan naha pliska ra balan ba ra, Sihón, Hesbón kingka, bara Og, Basán kingka nani wan mapara balan aiklabaia, sakuna yawan mita pura luan.

Kli Smalkanka 3:3

“Baku Dawan wan Gâd ba daukan, king Og ai suliarka aikuki wan mihta ra kauhaia ba, bara witin nani ba sut ikri, upla raya kumi sin swiras.

Kli Smalkanka 3:6

Baha nani sut âpu daukri, Sihón, Hesbón kingka, waitna nani, mairin nani, tuktan nani sut âpu daukri baku.

Kli Smalkanka 8:3

Pât maikan plun wauhram, sakuna ningkara manâ maikan, man nani kaikras sma ba damikam nani sin kaikras kan ba. Mamrikaia want sa upla ba plun wina baman raya apia ba, sakuna bîla bani Dawan bîla wina taki ba mita raya sa.