Kli Smalkanka 29:5 - DAWAN BÎLA AISKA

⁵ Bara upla iwras tasbaya nani bâk 40 mani ba yang tâm bri kapri, bara bahara kwalkam, sûskam dukiara aisaras kapram.

Kli Smalkanka 29:5 ပူးပေါင်းရင်းမြစ်များ

Nihimaya 9:21

Mani 40 upla iwras tasbaya ra plun dakaki kapram, diara kumi sin luha witin nani apia kan; prâka nani sin sip almuk takras kan, bara ai mina nani sin puskras kata.

Lawana Nani 78:24

Bara manâ ba batakan ai uplika nani purara, plawar mâ ba yaban kasbrika purara ba wina baha pibia dukiara.

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Impakan Sturka 7:7

Moses mani 80 bri kan, Eran sin mani 83 bri kan, witin nani king fero wal aisi kan ba piua ra.

Kulki Kaikanka 14:33

Luhpiam nani ba naha upla iwras tasbaya ra 40 mani sepad nani baku tauki kabia. Baku man nani lukraskam lâka brisma ba mana witin nani aibapbia, man nani sut naha upla iwras tasbaya ra pruma ba kat.

Matiu 10:10

sakbat yabalkam dukia sin apia. Prâk kumi bamna brih was, bara sûs bara kîn sin brih wapara; kan wark uplika ra ai pata ba yabaia sa.

Kli Smalkanka 1:3

Idsip wina takan ba wina 40 mani alkan kan, baha yua ba kati 11 yua pas ba aimakan ba ra, Sihón, amorreo nani kingka, Hesbón ra iwi kan ba, Og sin Basán kingka Astarot ra iwi kan ba Edrei tasbaya ra, witin baha nani wal aiklabi pura luan ba ningkara,

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.

Kli Smalkanka 8:3

Pât maikan plun wauhram, sakuna ningkara manâ maikan, man nani kaikras sma ba damikam nani sin kaikras kan ba. Mamrikaia want sa upla ba plun wina baman raya apia ba, sakuna bîla bani Dawan bîla wina taki ba mita raya sa.

Kli Smalkanka 8:4

Baha mani 40 bilara witin nani kwala atkras, mina nani sin puskras kata.

Jasua 9:13

Batilki nani sin taya raya kan, wain laiki banhkri kan ba, sakuna nanara sut kalwan; yang nani prâika, sandalki nani sin raya kan, kuna nanara baha sin sut kalwan, yabal wihka yang nani impakri ba mita.

Jasua 9:5

baku sin ai prâka almuk kalwan sipan nani ba diman, ai mina ra sin sandal sûska almuk kalwan sipan nani ba dingkan, yabal pata sin brit almuk lâwi karna takan puputka alkan ba brin.