Kli Smalkanka 29:29 - DAWAN BÎLA AISKA

²⁹ “Diara nani bâra sa yawan tânka briras: baha nani ba Dawan Gâd dukia sa. Sakuna diara nani yawan ra marikan bara wan luhpia nani ra sin mariki ba, baha lika piu bani ra alki daukaia sa naha lâka nani na.

Kli Smalkanka 29:29 ပူးပေါင်းရင်းမြစ်များ

Blasi Sturka 41:16

Josep pana king fero ra win: —Baha tânka saki mai wiaia ba lika yang apia sika, sakuna Gâd mita baha tânka ba king ra param saki wibia, king ra yamnika kum kaia dukiara.

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Lawana Nani 25:14

Dawan bui witin ra luki mayuni uplika nani ba, ai pânika pali kulkisa; witin ai lâka daukan ba marikisa.

Sins Lâka 25:2

Dawan prana tara ba sika diara tânka nani yukuki briaia ba, bara king nani prana diara tânka nani ba pliki sakaia ba.

Sins Lâka 3:32

Dawan watawikira nani ra waihla kaikisa, kuna pain nani ra ai kupia aiska kulkisa.

Aiseya 8:20

dîa daukaia bara dîa aisaia bîla kum wan wibia ba walaia?” Âu, witin nani baku aisabia sika, sakuna tanis lâka kabia.

Jirimaya 23:18

¿Sakuna ya Dawan tânka bâra ba kaikisa? ¿Ya pat baha kaikan, apia kaka ai bîla aisin ba walata ki? ¿Ya pat witin ra aman pali walata ki?

Daniel 2:22

Diara tihu ra ba bara diara yukukan ba, witin mita param sakisa, diara tihmu ra bâra ba tânka kaikisa, kan ingni ba witin wal sa.

Daniel 4:9

‘Beltsasar, diara kakaira nani lalka sma ba, yang kaikisna Gâd holikira ba spiritka man tâm brisa, bara diara aihka nani ba tânka brisma. Bamna wals, dîa yaprisauhkan ra kaikri ba, bara tânka ba ai wis.

Emus 3:7

Dawan ba diara kumi sin daukras sa, witin ai prapitka ra param sakras sa kaka.

Matiu 13:11

Witin bila: “Man nani ra lika Gâd mita kasbrika purara ba Kingka Lâka dahra yukukan nani ba param mamrikisa; sakuna witin nani ra lika apia.

Matiu 13:35

Naha na baku prapit aisan ba bîla kat aimakbia dukiara sa: “Maprika lilka bâk aisamna; Gâd tasba na paskan piua wina diara nani yukuwan ra ba wimna.”

Jan 15:15

Nanara man nani ba albiki nani mai wiras sni, kan alba ba ai dawanka dîa dauki ba kaikras. Bamna man nani ba upliki nani mai wisna, kan Aisiki dîa dîa ai win ba sut man nani ra param mamrikri bamna.

Jan 20:31

Ban sakuna, naha nani na lika ulban sa, man nani kasak lukma Jisas ba Misaya Gâd Luhpia sa, bara naha kasak lukanka nâk raya ban kaia lâka bri kama.

Jan 21:22

Jisas pana win: —Witin na yang kli balamna kat raya kabia want sna kaka, ¿baha ba dîa sa man mampara? Sakuna man lika yang nini blîks.

Jan 5:39

Man nani naha Ulbanka nani na, aman kaiki tânka laki kaikma kaka, baha ba wina raya ban kaia ba briaia lukma; ban sakuna, Ulbanka nani na sika, yang dukira aisisa,

Apastil Nani Sturka 1:7

Bara Jisas pana baha nani ra win: —Man nani ra maikras sa ahkia, apia kaka dîa piua kabia Aisa mita diara nani daukaia luki ba tânka pliki kaikaia, kan witin baman sika baha diara nani daukaia karnika brisa.

Apastil Nani Sturka 17:11

Naha Juka nani na kau upla painkira nani kan Tesalonaika nani ba wal. Witin nani ai kupia aiska ni Dawan bîla ba brin kan, bara yu bani Ulbanka nani ba tânka pliki kaiki kan, diara nani aisi kan ba kasak sapa.

1 Korint 2:16

Bamna Ulbanka ra wi ba baku: “¿Dawan kupia lukanka ba, ya tânka kaikan ki? ¿Ani uplika mita Gâd ra smalkaia sip sa ki?” Ban sakuna, yawan lika Kraist lukanka ba brisa.

Kli Smalkanka 30:2

Bara Dawan ra kli tawi balma kupiam wina, sulkam wina. Ai kupia lâka nani ba daukma, man nani bara man nani luhpiam nani sin, naiwa yang adar maikisna baku.

Kli Smalkanka 6:7

bara luhpiam nani ra ban smalki bas, wamtla ra kama, yabal ra kama sin baha dukiara aisi bas, aitnikisma piua ra, krikrikam wina kli buisma piua ra sin.

2 Timoti 1:5

Bamna kasak lukankam lâka kunin âpu brisma ba, yang kupi krawisa. Kukikam Loida bara yaptikam Eunice pas baha kasak lukan lâka ba brin, bara yang pain pali kaikisna man sin baha ba brisma.

2 Timoti 3:16

Ulbanka aiska ba Gâd wingka puhbra mita sika, bara baha ba yamni sa upla ra smalkaia bara lawi daukaia, swakwanka nani ba wapni daukaia, bara kasakka lâka mapa ra upla ra smalkanka yabaia dukiara,