Kli Smalkanka 29:23 - DAWAN BÎLA AISKA

²³ kuntri aiska ba kaikbia tasbayam ba sulpa, sâl, tasba baman ami tiwbia. Baha tasbaya ra diara mangkaia sip apia kabia, diara ai mâ sin sâkbia apia; twi sin pâwbia apia, Sodoma, Gomora, Adma bâra Seboím ra Dawan ai kupia baiwanka prautka ra sauhki tikan ba baku kabia.

Kli Smalkanka 29:23 ပူးပေါင်းရင်းမြစ်များ

Blasi Sturka 14:2

Naha kingka nani mita Sodoma kingka Bera, Gomora kingka Birsá, Adma kingka Sinab, Seboím kingka Seméber, Bela Sóar kingka nani sut mapara war daukan.

1 King Nani 9:8

Bara naha tempelka na sauhki tikanka tara kabia, bara upla nani bui wih kaiki tâ iwi bara lawaska kiki wibia, dîa muni Dawan naku pali naha tasbaya ra daukan bara naha watla ra sin.

1 King Nani 9:9

Bara pana aisi wibia, kan witin nani Dawan Gâd ra swih banhwan ba mita, Idsip tasbaya wina ai damika nani sakata ba, witin nani gâd bahki nani ra mayuni dukia daukan bamna; baha mita Gâd bui naha saurka nani sut na witin nani purara brih balan.”

2 King Nani 22:13

—Man nani was Dawan ra aisaia, bara yang maita, upla nani mata bara Juda aiska dukiara sin, naha lâka wauhkataya sakan na dukiara; kan Dawan lawanka ba tara pali sa yawan wan mapara, wan damika nani ba naha wauhkataya ra ulban bîla ba walras kan, bahara dîa ulbi wankan ba kat daukras kan.

Job 18:15

Ai watla ba pauta mukan sa, sulpa ni ai dukia kukan ba purara yakaban sa.

Lawana Nani 107:34

tasba pain kata ba, sâl tasbaya daukisa, bahara iwi ba uplika nani saurka tâwan;

Aiseya 1:7

Tasbayam ba sauhkan sa, upla iwras tasbaya baku swin, tawan tara nani ba angkan amisa. Man nani kaikisma waihlam nani bal man nani mangkram ba bri pîsa, upla iwras tasbaya baku sa Sodoma slingban kan ba baku.

Aiseya 13:19

Bara Babilon, king tasbaya nani pranakira ba, Caldea uplika nani tasbaya tara skahkanka pranakira ba, Sodoma bara Gomora baku takma yang mita sauhki tikatna piua ra.

Aiseya 34:9

Tingnika nani laya ba târ klaswan baku takbia, ai tasbaya yuyaka ba sulpa baku, bara ai tasbaya ba târ lapta slilwi baku kabia.

Aiseya 64:11

Yawan wan pura sunaia watla holikira ba, baha yawan wan prana kata ba, baha bilara yang nani damiki nani man ra mamyuni kata; baha sut nanara pauta ra angkan. ¡Baku sin yawan wan dukia manakira kau pali pain kaiki kata!

Jirimaya 17:6

Upla iwras tasbaya ra kiaya baku kabia, upla mita main kaikras: walpa nani tilara pâwi kabia, sâl tasbaya ra, bahara upla kumi sin iwras ba.

Jirimaya 20:16

¡Baha waitnika ba Dawan mita sauhkan tawanka nani ba baku sauhkan ba ban kabia! ¡Titan ra wali kabia latwan pali bri inanka nani ba, bara wan lal kat war winanka ba,

Jirimaya 49:18

witin nani ra sin Sodoma, Gomora wal, lamara tawanka nani kan bara sauhki tikan ba, baku takbia. Upla kli bahara iwbia apia, bahak wapi sin lui kabia apia. Yang, Dawan, aisisna.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Isikiel 47:11

Sakuna swamp bara lî kauhla âpu kabia; baha sâl laya man kabia, baha wina sâl saki kaia dukiara.

Libait Lâka 26:32

“Tawankam tara nani ba sauhkamna, man nani waihlam nani bal bahara insla irbia bara tâ iwan takbia.

Emus 4:11

“Man nani ra yang bui sauhkanka saura kum ni sauhki mai tikri, sim Sodoma bara Gomora wal ra sauhki tikri ba baku; pauta klauhan kum pauta aswi ba tila wina sakan baku kan. Baha sut daukri, ¡sakuna man nani lika yang ra kli tawi balras!” Dawan baku kasak aisisa.

Luk 17:29

sakuna Lot Sodoma tawanka wina takan ba ra, pauta sulpa wal kasbrika pura wina auhan, bara sut kat iki tikan.

Roman 9:29

Baha sim Aiseya kau kainara aisin: “Dawan, karnika sut bri ba kiamka nani swiras kan kata, nanara yawan lika Sodoma bara Gomora ba wal baku kaia kan.”

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Wihta Nani 9:45

Baha yua aiska ba, Abimélec Siquem uplika nani wal aiklabi kan, tawan aiska ba witin bui dakbi brin ba kat. Bamna tawan ba sauhkan bara baku sin upla nani ba sut ikan, baha ningkara tawan aiska ba sâl yakaban.