Kli Smalkanka 29:20 - DAWAN BÎLA AISKA

²⁰ Dawan baha pâtka ban swi tikaia wilin apia kabia, sakuna witin ai lawanka tara, ai kupia baiwanka baha uplika purara lahtuban kabia, bara witin purara saurka aiska naha wauhkataya ra ulban ba kauhbia. Bara Dawan mita tasba mawan wina, witin kiamka ba diki sâkbia.

Kli Smalkanka 29:20 ပူးပေါင်းရင်းမြစ်များ

Blasi Sturka 6:7

bara Dawan win: “Upla nani yang paskri ba, tasba mawan wina diki âpu daukamni; upla bara daiwan nani sut ai biara purara kwasi tauki ba wina, pâli tauki ba kat sin sut. ¡Yang kupi sari takan sa, witin nani ba paskri ba dukiara!”

2 King Nani 14:27

Bamna Dawan mita Israel nina ba kasbrika mununhta ba wina kau diki sakaia lukras kan, bahamna Jeroboam, Joás luhpia waitna mihta bâk swaki sakan.

Lawana Nani 18:8

Ai kakma nani wina sin kiasma takan, ai bîla wina sin sauhki tikaia, pauta klauhan takan; ¡masku aswi nani ai bîla wina yakabi kan!

Lawana Nani 69:28

¡Raya kaia wauhkataya ba wina diki sâks! Bara kasakkira nani nina aikuki ulbi mangkpara.

Lawana Nani 74:1

Dawan, ¿man dîa kan wan lulki wan swiram ban kaia ra? ¿Dîa kan lawankam tara wan purara blikram, sîpkam dakni nani tilara?

Lawana Nani 78:50

¡Gâd ai kupia sauhkanka aiska ba blikan! Rayaka kumi ra sin pâtka swih tikras, sakuna sut ra prura ba yaban;

Lawana Nani 78:58

Idan altarka paskan ba mita, Dawan kupia sauhkan, aidul nani ra mayuni ba tâwan ai kupia baikan.

Lawana Nani 79:5

Man Dawan, ¿ahkia kat kau lawi kama? ¿Ban kau lawi kama pauta klauhi ba baku?

Lawana Nani 80:4

Dawan karnika sut bri Gâdka ba ¿ahkia kat kau lawi kama uplikam nani pura sunra ba wal?

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Impakan Sturka 34:14

“Lilka bahki daukan kumi ra sin man nani puram suni mayunpara. Dawan ba ai nina tâwan lalawra pali sa, Gâd ai nina tâwan lalawra sa.

Sins Lâka 2:22

Sakuna upla watawikira nani bara upla âiatkra nani ba, tasba wina daikan kabia bara kangbi sin sakan kabia.

Sins Lâka 6:34

Kan waitna lalawra ba pauta klauhan baku sa, bara padin munras pana munaia piua aula ba ra.

Yamni Kulki Lawana 8:6

¡Man kupiam bilara ulbanka baku ai mangki bri bas! ¡Klamhkla kat sin ulbi mangki ai bri bas! Latwan lâka lika, karna pali sa, prura ba baku, brinka lâka ba, pruan nani tasbaya baku karna sa; latwan lâka pautika klauhan ba lika, pauta klauhanka laknika kum, Dawan wina sika.

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Jirimaya 13:14

Bla takbia bara lî watla nani kalki baku kalkamna, pana pana mapara kabia, aisika nani luhpia nani sut baku daukbia. Witin nani ra luki kupi kriwan takbia apia: pâtkas umpira wimna apia; yamni kaikras lâka ra. Yang, Dawan, kasak aisisna.’ ”

Isikiel 23:25

Yang kupi lawanka tara ra kupi baiwanka blikamni, bara witin nani mita kakmam, kiamam nani ba klakbia, bara baha nani tâka raya swin nani ba, sord malika ra ikan kabia. Luhpiam waitna bara mairin nani ba mihtam dakbi brih wabia, baku ba ra pauta lapta ra kauhbia bara âpu takbia.

Isikiel 24:14

Yang, Dawan, wîri bara naku kabia. Yang pali mita daukamna, bara daukras kira swimna apia; umpira kaikamna apia, kupi sin lakamna apia; klala maikamna daukankam saura ba tâwan. Yang, Dawan, kasak aisisna.’ ”

Isikiel 36:5

Dawan naku aisisa: Bîli aisinka nani ba pauta klauhi baku kupi baiwanka ba tawan wala nani ba mapara auya, kau pali ba Edom mampara, kan witin liliaka tara wal tasbaya iki ba brin bara misbara tara ni witin nani wal nasla nani ba impliki âpu daukan.’

Isikiel 5:11

Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.

Isikiel 7:4

Umpira kaikan lâka ni mai kaikamna apia, klala maikaisna man daukankam ba dukiara, bara maikrika man saurkam nani tâka, dîa takan nani ba mana aibapma. Bara damra walma yang sika Dawan sna.

Isikiel 7:9

Umpira kaikan lâka ni mai kaikamna apia; klala maikaisna daukankam ba kat, maikrika man diara saura pali nani daukram ba mana aibapma. Bara man nani tânka brima yang, Dawan, man nani ra klala maikisna ba.

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Isikiel 8:3

Bara baha uplika ai mihta sakban, bara tâiwa ra alkan; bara Gâd karnika ba mita pâsa purara ai bukan, Gâd mita lilka nani daukan ba natka ra, Jerusalem ra ai brih wan, bara tawan bîla getka dimaia kat ai swin, baha wina yahbra tani ra tawi ba bahara sika aidul Dawan kupia tuski kupia baiki ba bâra kan.

Isikiel 8:5

Bara ai win: “Namkra ba bukram yahbra tani ra.” Bara naikra bukri yahbra tani ra, bara dur altar lamara aidul ba kaikri Dawan kupia tuski bara kupia sauhki ba.

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Nahum 1:2

Dawan ba tâwan lalawra Gâdka sa, bara sin pana mamunra sa; ai lâka mapara nani ra, witin pana saura munisa. Bamna ai waihla nani mapara ai kupia sauhkisa.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Roman 11:21

Bamna Gâd tnawa pali nani ra saurka swih tikras kan kaka, baku man ra sin saurkam swih tikan kabia apia.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

1 Korint 10:22

¿Apia kaka, yawan mita Dawan ba kupia tuskaia want sa ki? ¿Yawan na witin purkara kau karna banhwisa ki?

Kli Smalkanka 25:19

Dawan Gâdkam bui kuntrika man nani dukiam maikbia ba ra, waihlam nani wina dakbi mai sakan bara ris brima piua ra, tasbaya ba wina Amalec uplika nani lukanka ba diki sâkma. ¡Man nani âmya tikpara!

Kli Smalkanka 29:19

“Bara naha swer taki aisin bîla na walan ba ningkara, man nani tilamra lukisa witin ba uba yamni sa, bara lukbia: ‘Diara sut yang ra pain takbia, yang dîa brin ai dauki ba kat luki daukamna ba.’ Bara diara saura taki aisawbia ba, baha uplika ba tâka kabia.

Kli Smalkanka 9:14

Yabalki wina tnaya ra taws, yang bui witin nani ba sauhki tikaisna, ai nina ba sin tasba wina diki sakaisna; sakuna man wina lika, nisan wala nani man wal kau ailal, kau karna daukaisna witin nani ba wal.’

Hibru Nani 12:29

kan wan Gâdka ba lika pauta lakni diara angki sauhki tiki ba baku sa.

Param Marikanka 3:5

Ani uplika nani sip muni pura lubia ba, kwala pihni ni dingkan kabia, bara raya kaia wauhkataya wina, yang ai nina nani ba diki sakamna apia. Aisiki mawanra bara ai insalka nani mawanra sin, yang param wimna witin nani ba yang duki kulkisna.