Kli Smalkanka 29:19 - DAWAN BÎLA AISKA

¹⁹ “Bara naha swer taki aisin bîla na walan ba ningkara, man nani tilamra lukisa witin ba uba yamni sa, bara lukbia: ‘Diara sut yang ra pain takbia, yang dîa brin ai dauki ba kat luki daukamna ba.’ Bara diara saura taki aisawbia ba, baha uplika ba tâka kabia.

Kli Smalkanka 29:19 ပူးပေါင်းရင်းမြစ်များ

Blasi Sturka 2:17

sakuna diara yamni bara saura tânka kaikaia dusa mâ ba wina lika man pipara. Man baha dusa mâ wina pipara, kan pima kaka, rait pali man pruma.”

2 King Nani 24:4

baku sin tala pâtkas Jerusalem ra laikan kan ba tâwan. Baha mita Dawan bui naha pâtka kau ban swih tikras kata.

Lawana Nani 10:11

Watawikira ba lukisa, Gâd ba âuya tiwisa, ai mawan pura prakisa bara sip diara kaikras sa.

Lawana Nani 36:2

Witin lukisa ai mayunra tara briaia ba aitani sa. Ai watawika lâka ba misbara kaikaia ba sip kaikras sa.

Lawana Nani 49:18

Witin raya iwi bara lilia âmyapah iwi kabia kra, bara upla sin mayuni kabia yuya brisma ba mita.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Smasmalkra 11:9

Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Jirimaya 18:12

Bara witin nani man ra mai wibia: ‘¡Man taimkam bahki tikpara! Yang nani nahki iwaia brin ai dauki ba baku iwaia brin ai daukisa, laila karna kupi lukanka saura ra luki tniwi kaia.’ ”

Jirimaya 3:17

Baha yua ra Jerusalem ba Dawan iwaika tawanka mâkan kabia; nisan nani sut ba bahara aidrubi kabia yang ra tara ai kulkaia, witin nani kau ban ai lukanka kat ai brinka karna nani ba kat luki tniwi kabia apia.

Jirimaya 36:29

Wis naku ulbaia: ‘Dawan naku aisisa: Wauhkataya ulban ba man brih angkram, bara Jirimaya ra sin lawi daukram baha ulban ba tâwan, witin ulban Babilon kingka ba balbia, bara kuntrika na sauhkbia upla kum sin âpu, daiwan kumi sin âpu kabia.

Jirimaya 44:27

Kan yang aihwaki kaiki kamna pât nani ba man nani ra blikaia, diara yamni nani lika apia. Juda uplika nani sut Idsip ra iwi ba titikbi âpu daukaisna war ra, apia kaka sanglang ni.

Jirimaya 7:24

Sakuna witin nani bîli wali daukras, uni sin kahban daukras witin nani ba kiama karna takan, kupia lukanka ai saura brinka ra baman tniwan, bara baha mita brih wan. Yang ra kli tawi balaia watlika ra tawi ai kaikras mahka wan.

Isikiel 13:16

Israel prapitka nani Jerusalem dukiara kunin smalki nani ba, bara diara tânka kaiki nani ba kupia kumi lâka ra aisi kan, sakuna kasak pali ba lika baku apia kan.’ Yang, Dawan, kasak aisisna.

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Isikiel 14:7

Israel uplika kum, apia kaka upla tringsar kum Israel ra iwi ba, yang laima wina taki wan bara ailal nani bri bara aiska pali tâwan ai pura suni ba, witin ra munan saura dauki bâra kaiki ba, bara baha wina kli prapit kum ra wih ai pura suni ba yang ra ai pura sunaia wisi, yang mita witin ra aisamna.

Isikiel 14:8

Yang maiwan baha uplika wal prawamna, bara klala kum yabamni upla sut kaikaia, diara kum upla sut aisabia, uplika ba sin upliki nani tila wina sakamna. Bara man nani damra walma yang sika Dawan sna ba.

Kulki Kaikanka 15:30

“Ban sakuna, upla kum pain ai dara wali saura daukan sa kaka, Israel luhpia nani sapa, kiamka sât wala nani sapa, baha yang kupi sauhkisa. Bamna baha uplika ba upliki nani tila wina sakan kabia,

Kulki Kaikanka 15:39

Bara baku man nani prâmka mahta ra pîska praki sipi banhwisma ba ra kupiam krauki kama, baha lâka nani sut maikri ba dukiara, bara man nani baha lâka nani ba kat sin dauki kama. Bara baku mika man nani kupiam brinka ba mita mai raski mai brih wabia apia, kan man nani ba yang maipara kasak kaia katma lâka ba swiram sa.

Roman 1:21

Bamna baku Gâd ra kakaira sa, sakuna Gâd ra mayunras bara tingki sin wiras. Kau ni diara bahki nani ra baman ai lukanka mangkan, bara witin nani ai kupia tanis ba tihmia ra bamna, ba kat takaskan sa.

2 Korint 10:5

Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

Kli Smalkanka 17:2

“Tawan nani Dawan Gâdkam maikaia ba tila wina, tawan kum ra waitna kum kra, mairin kra sturka walma, Gâd yamni kaikras ba dukia daukisa, lâka nani ba krikisa,

Kli Smalkanka 28:15

“Sakuna Dawan Gâdkam bîla wali, ai lâka nani yang naiwa man ra maikisna trai kaikras kama kaka, naha klalka nani puramra balbia:

Kli Smalkanka 29:12

Man nani wal naiwa pramis dauki swer takaia sma, Dawan Gâdkam nani wal lâ daukan ba dukiara.

Kli Smalkanka 29:18

Man nani tilamra waitna, mairin, utla bîla uplika, masrakam kra, apia kaka kiamka kra, Dawan wan Gâdka ra lulki swibia apia, baha nisanka gâdka ra mayunaia dukiara. Man nani tilam wina kumi sin dus kum wakia tahplira ba, puisinkira ba baku takpara.

Kli Smalkanka 29:20

Dawan baha pâtka ban swi tikaia wilin apia kabia, sakuna witin ai lawanka tara, ai kupia baiwanka baha uplika purara lahtuban kabia, bara witin purara saurka aiska naha wauhkataya ra ulban ba kauhbia. Bara Dawan mita tasba mawan wina, witin kiamka ba diki sâkbia.