Kli Smalkanka 28:8 - DAWAN BÎLA AISKA

⁸ “Dawan patam auhbaika watla ra ai yamnika blîkbia, diara wala nani dauki kama ba ra sin, bara kuntrika maikaia ba ra lilia iwi kaia mai daukbia.

Kli Smalkanka 28:8 ပူးပေါင်းရင်းမြစ်များ

2 King Nani 6:27

King ba pana win: —Dawan ba man ra hilp mai munras kaka, ¿yang lika nahki man ra hilp mai munamna? ¿Dîa yang sip sna ki, plawar mâ bara wain ba wal maikaia?

Lawana Nani 1:3

Bara baha uplika ba dus kum baku sa, awala lamara mangkan ba, ai piua kat ai mâ saki ba, ai wahia nani ba sin srawras sa. ¡Bara diara sut witin dauki ba, yamni baman takisa!

Lawana Nani 128:2

Man mihtam warkka ba wina mâ pi kama, lilia kama bara man ra sin yamni man kabia.

Lawana Nani 133:3

Hermón ilka diwaska laya ba baku sa, Saion ilka nani purara kauhisa. Bahara sika, Dawan ai yamnika blikisa ai yamnika raya kaia lâka ban kaia ra ba.

Lawana Nani 144:13

Wan pata watla nani ba banhki sa; banhki sa plun sâtka nani wal. Wan daiwra daknika nani ba tausin nani sahwisa wan nasla nani ba tausin bara tausin brisa.

Lawana Nani 42:8

Kakna ra Dawan ai latwanka ba purira blikisa, bara yang tihmia ra takaskras ban aiwanisna, rayaki Dawanka ra sin puri suni ban sna.

Lawana Nani 44:4

¡Yang kingki! ¡Yang Gâdki! Man uplikam nani ra yaram pura luaia;

Libait Lâka 25:21

Mani 6 aimakbia ba piua ra, yang yamniki man nani ra blikamni, bara namsla wina mani yumhpa pi kaia maikamna;

Libait Lâka 26:10

Plawar auhbi brisma ba wina pi kama, mani nani lubia ba plawar almuk ba sut sakan kabia, bara kli mangki saki auhbi brima ba kat.

Hageo 2:19

Aitani, sakuna naiwa yua wina man nani kaiki bas, plun mâ auhbaika ra kli plun âpu kabia apia. Wain kiwka ba kau ai mâ sakras sa sakuna, kwah damni dusa sin apia; drap tara sin apia, oliv dusa sin kau pawras sa; sakuna naiwa yua wina yamniki man nani wal ban kabia.’ ”

Matiu 13:30

Swis wâlsut pâwbia dâkaia piua kat; bara baha piua ra, wark uplika nani blikrika inma saura ba pas daiki, karban nani dauki, angkbia, bara baha ningkara, plawar mâ ba lika pati watla ra sunbia.’ ”

Matiu 6:26

Daiwan tnawira nani purara pâli ba ra kaiks: witin nani plun mâ mangkras bara dâkras, pata mâ ba sin plun auhbaika watla ra sunras; sakuna man nani kasbrika purara ba mita plun dakakisa. ¿Man nani ba daiwan tnawira nani ba wal kau tara apia?

Luk 12:18

Bamna naku lukan: ‘Yang pat kaikisna dîa daukamna ba. Pati mâ nani auhbaia watla nani ba slingbamna bara watla nani kau tara daukamna, bara bahara pati mâ nani bara dîa dîa brisna ba sut auhbamna.

Kli Smalkanka 14:29

Bara Libait nani tasba briras kan ba balbia, apia kaka tringsar nani, rau nani, piarka nani sin, sip kabia ai âuyapah piaia. Baku Dawan Gâdkam bui dîa sut daukma ba yamni munbia.

Kli Smalkanka 15:10

Wirha mai taibras kira ban hilp muni bas, kan baha daukisma mita diara sut daukma ba ra Dawan Gâdkam yamni mai muni kabia.

Kli Smalkanka 15:4

Baku lika man tilamra umpira nani âpu kabia, kan Dawan Gâdkam witin bui yamni mai munbia, baha kuntrika maikaia ba ra,

Kli Smalkanka 28:20

“Dawan lamhtubanka mai blîkbia, sinskam warbi laki bara diara sut daukma ba tilara inan baman kama, piu wiria ra aiska sauhki mai tikbia, man nani daukankam saura ba mita lulki swiram bamna.

Kli Smalkanka 28:7

“Waihlam nani aiklabaia man nani ra balbia, kuna Dawan bui mihtam ra mangkbia. Wapni kat aipaswi, mampara bal dimbia, sakuna man nani wina aiska slingwi tiwi plapbia.