Kli Smalkanka 28:7 - DAWAN BÎLA AISKA

⁷ “Waihlam nani aiklabaia man nani ra balbia, kuna Dawan bui mihtam ra mangkbia. Wapni kat aipaswi, mampara bal dimbia, sakuna man nani wina aiska slingwi tiwi plapbia.

Kli Smalkanka 28:7 ပူးပေါင်းရင်းမြစ်များ

2 King Nani 7:5

Baku bamna, yu dimuya kan witin nani Siria uplika nani kiampka ra wan. Bara pat Siria uplika nani kiampka ra auya kan ba ra, ai dahra walan bahara upla kumi sin âpu kan.

2 Kronikas 19:4

Josafat Jerusalem ra iwi kan, sakuna ai tawanka ba wapi kaikaia lâka bri kata, Beerseba wina Efraín ilka nani kat, upla nani ai damika nani Dawan Gâdka ra kli lakaia dukiara.

Lawana Nani 18:38

Witin nani ba yuya lupia ra daukri. Witin nani sip kli buras sa. ¡Witin nani ba mini mununhtara kauhan!

Lawana Nani 89:23

Ai waihla nani ba âpu daukamni; ¡ai nakra wina sin sakamni! ¡Misbara kaiki nani ba wina sin dakbi sakatna!

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.

Kli Smalkanka 28:6

bara man dîa sut daukisma ba ra yamni kama.

Kli Smalkanka 28:8

“Dawan patam auhbaika watla ra ai yamnika blîkbia, diara wala nani dauki kama ba ra sin, bara kuntrika maikaia ba ra lilia iwi kaia mai daukbia.

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.

Jasua 23:10

Man nani tilam wina upla kumi bui 1,000 nani sip kan yaka plapaia, kan Dawan Gad man nani tâmwan aiklaban, witin dîa pramis mai munan baku.

Jasua 8:22

Bara baha nani dimi tawan dakbi brin nani ba, tawan wina taki balan, bara Ai uplika nani ba ai waihla daknika wâl ba lila kat aimakan, bara Israel luhpia nani ba mita witin nani ra iki âpu daukan.