Kli Smalkanka 28:64 - DAWAN BÎLA AISKA

⁶⁴ Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.

Kli Smalkanka 28:64 ပူးပေါင်းရင်းမြစ်များ

Blasi Sturka 4:14

Kaiks nâra man naiwa tasba wina saki ai lulkram sa, bamna man lama wina sin. Yang yukuwamna, bara tasba ra tringsar ban yukuwi laihura baman watauki kamna, bara ya yang ra ai sâkbia ba ai ikbia.

2 King Nani 17:6

Bara Oseas ba king aimakan ba wina pat 9 mani diman ra, Asiria kingka ba mita Sameria tasbaya aiska ba dakban, bara Israel luhpia nani ba alba lâka ra sut alki brih wan, bara Halah ra swin, Habor tasbaya ra, Gozán awalka lama pali kat, Media uplika nani tawanka ra.

Nihimaya 1:8

Nanara man kupiam krauks, baha bîla nani albikam Moses ra yabram kan ba, man wiram yang nani saurka daukamna kaka, tasba aiska ra yakabi ai swima;

Lawana Nani 44:11

Sîp nani baku, sîp âikra nani mihta ra wan mangkram; idan nani tilara sin wan yakabram.

Aiseya 6:12

Dawan mita upla nani ba sut laihura yakabia, kuntrika ba wina upla sut pali taki wabia, bîla baman kabia ba kat.

Jirimaya 15:14

Waihlam nani albika takaia mai daukamna man kakaira apia sma ba tasbaya kum ra, kum kupi baiwanka ba mukan pauta klauhan kum mai angki âpu mai daukbia ba baku.”

Jirimaya 16:13

Baha tâwan, naha kuntrika wina man nani mai saki kuntri wala ra mai lulkaisna, man nani damikam nani sin kakaira apia kan ba tasbaya ra, bahara Gâd wala nani warkka dauki kama, yang bui man nani ra kupi swapni brimna apia.’

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 9:16

Witin nani kakaira apia, aisika nani sin kakaira apia nisanka nani tilara yakabi swimna; yang daukamna baha nani sord ai mihta ra bri naha nani nina bliki kaia, witin nani sut pali âpu takbia ba kat.”

Inanka Nani 1:3

Pât nani wahwi wark karna taki taibi ba purkara, Juda ba priski brih wan nanara bahara pât wahwisa. Kainara tawan tilara king aimaki kata ba, nanara ai riska pliska sakras sa. Ai nina bliki nani kan ba mita, aiska prak alki brin sa, bara taiban lâka ra mangkan sa.

Isikiel 20:23

Upla iwras tasbaya ra yang swer takri, witin nani ba nisan nani tilara tasbaya aiska ra yakabi lakaia.

Isikiel 36:19

bara klala yabamni ai daukanka saura nani ba tâwan bara kuntri wala nani yakabrira daukamna nisan wala nani tilara.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Emus 9:9

Yang bui daukamna, Israel luhpia nani ba singbi kaikaia, plawar mâ singbaika ra auhbi singbi ba baku, mâ kumi sin tasba ra batakan kabia apia ba.

Sakaraya 2:10

Dawan kasak aisisa: “¡Liliakira aiwans, Jerusalem uplika nani, kan yang lika man nani tilamra iwaia aulna!”

Sakaraya 7:14

Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Kli Smalkanka 13:8

brinka nani ra dimi, aiblakwi bîla walpara; witin ra umpira kaiki, latwan luki ai dahra sin yukukpara;

Kli Smalkanka 28:36

“Dawan mita man bara kingkam ba sin nisan wala ra yaka brih wabia, man nani bara man nani damikam nani sin kaikras kan ba, bahara gâd wala nani walpa dus ni daukan ba warkka dauki kabia.

Kli Smalkanka 29:26

Bara witin nani gâd kum kaikras kan yaba, diara sin yabras kan ba mawanra bawi mayunan.

Kli Smalkanka 30:1

“Bara yang sturi aisari ba sut man nani puramra balbia, yamnika bara lahtubanka wal maikri ba, ani ba brima. Dawan Gâdkam mita nisan nani tilara mai lulkan kabia, baha dukiara luki kaikma.

Kli Smalkanka 32:17

lasa nani ra sakripais dauki yaram, gâd bahki nani man nani kainara kaikras kapram ba ra; gâd raya balan, wihka apia ba, papikam nani ai rayaka aiska ra mayunra dauki yabras kan.

Kli Smalkanka 32:26

“Yang luki kaikri kan laihura yakabi swiaia, bara naha tasba lukanka wina sin diki sakaia.

Kli Smalkanka 4:32

“Blasi piua nani ra man nani pliki kaiks, Gâd upla ba tasba ra paskan. Tasba aiska ra makabi wals aima kum ra tânka brin bara naku diara tara kum takan.