Kli Smalkanka 28:62 - DAWAN BÎLA AISKA

⁶² Bara Israel, man, kasbrika purara slilma nani ailal ba baku, man nani ailal kapram, sakuna nanara wiria mai daukamni, kan Dawan Gâdkam bîla walras kapram ba mita.

Kli Smalkanka 28:62 ပူးပေါင်းရင်းမြစ်များ

2 King Nani 13:7

Bara Joacaz aiklaklabrika nani waitna 50 baman takaskan kata, baku sin aiklabaia waginka nani matawalsip bara waitna nani 10,000 ai mina wapi aiklabi, kan Siria kingka ba bui aiska sut iki tikan bara yamhpus baman daukan kata.

2 King Nani 24:14

Bara Jerusalem uplika nani ba sut alki, alba lâka ra brih wan, wihta nani wina aiklaklabrika kau pain nani ba sin sut pali alkan, alsut ba ra 10,000 silak ra alki brih wan, ai mihta warkka dadaukra nani bara ayan warkka dadaukra nani sin sut. Kuntri ra upla kumi sin takaskras, sakuna upla kau umpira nani ba lika brih waras kan.

Nihimaya 7:4

Kan tawan ba bîla tara kan, sakuna upla lika wiria pali bilara kan, utla nani ba kau kli mâkras kan ba mita.

Nihimaya 9:23

Yaram ai luhpia nani sin ailal, kasbrika ra slilma nani ba baku sahwan, baku sin yaia wiram ba tasbaya ra brih waram, bahara ai tasbaya bribia, ai aisika nani ra yaia wiram tasbaya ba.

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Aiseya 24:6

Baha tâka sika, lahtubanka kum mita tasba na âpu daukan, iwanka watla nani ba sut bîla man swin, baha tâka mita, upla nani bahara iwi kan ba sin sut âpu daukan. Upla nani ba maura man swin.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Jirimaya 42:2

prapit Jirimaya lamara wan bara witin ra win: —Diara kum man ra makabi walaia yang nani balri; apia ai wipara: Yang nani kau wiria lupia baman nâra sna na tâiwan Dawan Gâdkam ra puram suns. Blasi yang nani upla ailal katna, sakuna man kaikisma yang nani wiria lupia baman sna.

Libait Lâka 26:22

Daiwan wail nani man nani tilamra blikamni, luhpiam nani âpu daukbia, daiwram nani ba pibia, upla maura mai daukbia, yabal nani ba bîla baman kabia.

Emus 5:3

Israel luhpia nani ra Dawan naku aisisa: “Tawan kum wina upla 1,000 war aiklabaia wabia kaka, 100 baman kli ai watla ra balbia; bara upla 100 kum taki wabia kaka, upla matawalsip baman kli ai watla ra tawi balbia.”

Mark 13:20

Bara Dawan mita baha piua ba kunhku daukras kaka, upla kumi sin swaki sakan kabia apia; sakuna ai uplika nani pliki sakan ba latwanka ra kunhku daukan sa.

Kli Smalkanka 1:10

Dawan Gâdkam, luhpa nani ailal pali maikan, nanara man nani upla ailal pali sma, slilma ailalka nani baku.

Kli Smalkanka 1:11

Damikam nani Dawanka, Gâd mita man nani ra aima tausin ailal ai yamnika nani kau maikbia, bara kau ailal sahwi kama, witin bui man nani ra mai win ba baku.

Kli Smalkanka 10:22

Damikam nani Idsip ra wan piua ra 70 upla baman wan, sakuna nanara lika Dawan bui ailal daukan, kasbrika ra slilma nani ba baku.

Kli Smalkanka 4:27

Dawan mita kiamka wala nani tilara mai yakabia, bara man tilam wina kulki baman raya kabia.