Kli Smalkanka 28:49 - DAWAN BÎLA AISKA

⁴⁹ Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;

Kli Smalkanka 28:49 ပူးပေါင်းရင်းမြစ်များ

Blasi Sturka 11:7

Yamni sa yawan iwi wih witin nani ai bîla aisi ba tanis turbaia, bara baku lika witin nani ai uplika nani wal pana pana dîa aisi ai tânka bri ba yabrika tânka bribia apia.”

Lawana Nani 81:5

Lâka bîla ba Josep ra sin yaban Dawan Idsip mapara aiklabaia takata. Bara bîla baikra kumi walri, baha yang walras kapri ba:

Sins Lâka 30:19

Yakal tara yabalka ba kasbrika purara sa, piuta yabalka ba walpa tara purara sa, duri tara kum yabalka ba kabu lalma ra sa, bara waitna yabalka ba mairin tiara ra sa.

Aiseya 33:19

Baha tawanka uplika nani ai uplika nani kulkras ba kli kaikma apia, uplika nani bîla aisi ba wali tânka briaia karna ba, twisa warbi aisi bîla nani upla ba tânka sip briras ba.

Aiseya 39:3

Bara prapit Aiseya ba, king Ezequías ra balan bara makabi walan: —¿Baha waitnika nani ba ani wina balan, bara dîa sin mai win? Bara Ezequías pana aisi, win: —Plis laih wina balan, Babilon tasbaya wina.

Aiseya 7:18

Baha piua ra Dawan ba mita kukas nani baku yaka balbia, baha nani Idsip awalka ra laihura iwi nani ba ra. Asiria tasbaya ra iwi nani ra lika nasma yula nani baku yaka balbia.

Jirimaya 4:13

Man nani kaiks, waihla ba kasbrika awi baku aula, aiklabaia waginka nani ba prari aula baku sa, araska nani ba yakal pali ba wal kau karna plapisa. ¡Yawan ra saura pali kabia, yawan lika pat tiwan sa!

Jirimaya 48:40

Dawan aisisa: “Moab waihla yakal tara ai tnawa nani ilingki aula ba baku mapara aula.

Jirimaya 49:22

Waihla ba Bosrá mapara yakal tara ai tnawa ilingki aula ba baku balbia, baha yua Edom aiklaklabra nani ba mairin luhpa baikaia tatatwi ba baku tatatwi kabia.”

Inanka Nani 4:19

Waihla nani wan nina bliki ba, kanra isti sa yakal tara purara pâli tauki ba wal; wan nina blikisa il nani tilara, ¡bara wan alkaia wisi wan kainara takaski wan bîla kaikisa!

Isikiel 11:9

Man nani mampara lâ daukamni: Naha wina man nani ra mai sakamni bara upla tringsar nani mihta ra mai mangkamna.

Isikiel 17:12

“Naha uplika mapara babura nani ra wals, tânka brisa sapa naha prakan bîla na. Wis: ‘Babilon kingka ba Jerusalem ra balan, bara Juda kingka bara tâ uplika wala nani sut ra silak ra brih wan Babilon ra.

Isikiel 17:3

bara wis: ‘Dawan ba naku wisa: Yakal tara kum Líbano ra balan; ai tnawa nani ba tara bara yari pali kata, tnawa ba mapla sât sât bri kan. Tnawa tara ba, yalam tnawa kum ra kangban,

Isikiel 3:6

Nisan nani bîla tihu, twisa karna aisi nani ba tilara mai blikras sna, man baha wali sip tânka briras kama ba. Ban sakuna, baha nani tilara waia mai blikri kata kaka, witin nani mai walaia kan.

Daniel 7:4

Pas ba layan baku kan, sakuna ai tnawa nani bri kan yakal baku. Kau ban kaiki kapri ba ra, ai tnawa nani ba daikan, bara ban tasba wina yan buan; mina tani ba upla baku kan, bara kupia lukra ba upla baku kata.

Daniel 9:26

Wik 62 lubia ningkara, wan wihtka yamni muni mangkan matawalsip ba ikan kabia, Jerusalem bara Gâd watla ba sauhki tikan kabia, king kum balaia uplika nani bui pat pali piua tnata ba aimakbia, lisamra tara aula ba baku, sakuna war ba lika ban aiklabi kabia, sauhki tikaia lâka ba sin, ban tnata alkbia ba kat.

Oseas 8:1

“Trumpitkam ba puhs, aihwawakra aihwaki kaiki ba baku Dawan uplika nani ba walbia. Kan witin nani wal lâika daukri lâka ba krikan, bara yang smalkanki nani ba mapara buan.

Kulki Kaikanka 24:24

Chipre wina, kabu tani wina sin duri tara nani aula, Asiria Éber wal ba sauhki swibia, Éber ba sin sauhki tikan kabia.”

Matiu 24:28

Wîna tara pruan anira kabia ba ra, yakal tara nani asla takbia.

1 Korint 14:21

Lâ wauhkataya ra naku ulban sa: “Naha nisanka ra bîla aihka nani upla tringsar nani bîla bâk sin aisamna, sakuna baku kabia sin bîli walbia apia, Dawan baku wisa.”