Kli Smalkanka 28:38 - DAWAN BÎLA AISKA

³⁸ Saumuk nani ailal tasba ra mangkma, kuna wiria baman wahbi kama, kan tristrisia nani bui sut sauhki kabia bamna.

Kli Smalkanka 28:38 ပူးပေါင်းရင်းမြစ်များ

1 King Nani 8:37

“Ban kra tasbaya ba ra plun tiwbia, siknis nani balbia, plun nani ra sikniska alkbia, tuhtu nani, tristrisia nani, plun sauhkaia yula nani iwbia, witin nani iwi tasbaya ra waihla nani bui bal kutbi bribia kaka bara pât wala siknis sât wala nani balbia kaka,

Impakan Sturka 10:4

Upliki nani ba swirka waras ban maipara buisma kaka, yang yauhka pali tasbayam purara kruhkru tara nani blikamni.

Aiseya 5:10

Wain saumuk iktaria yumhpa mangkbia bara laya ba batil tara kumi baman kabia. Saumuk bîk matawalsip mangkbia bara bîk kumi baman dâkbia.”

Jirimaya 12:13

Witin nani plawar mâ mangkan sakuna kiaya dâkan; wark nani daukan ba sut bahki takan. Pata mâ nani ba sut aisawi luan yang lawanki ba tâka mita.”

Joel 1:4

Kruhkru nani ba kli bal plun mâ nani ba pih danh daukan, bara dîa kau piras swin kan ba wala nani balan baha nani mita pih âpu daukan.

Joel 2:25

“Yang bui man nani mampara kruhkru nani blikri rau mai sauhki banhwaia dukiara, kruhkru daknika tara, klala maikaia blikri ba tâka, man nani namsla bîla wina mâ nani sakras kapram ba, baha mana aiska sut yang kli mai aibapamna.

Joel 2:3

Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!

Emus 4:9

“Yang bui sika pâsa lapta wal krawi ba ni, bara siknis saura nani bliki klala maikri ba, namsla nani sut sin yabri srawan, tristrisia nani taki wainkam, kwah damni dusa olivkam nani pâwi kan sut pin ba. Baha sut daukri, sakuna man nani lika yang ra kli tawi balras kapram.” Dawan baku kasak aisisa.

Miqueas 6:15

Saumuk mangki kama, sakuna mâ krikma apia; oliv mâ nani sin taibi kama, sakuna baha batanka laya ba, man nani dukiam kabia apia; wain mâ ba sin taibi kama, sakuna laya ba man nani dima apia.

Hageo 1:6

Saumuk ailal tasba ra mangkisma, sakuna mâ wiria man dâkisma; plun pisma, sakuna aitani pisma baku damra walras sma; diara laya disma, sakuna diran mai dauki ban sma; kwala dimisma, sakuna kauhla mai dauki ba ban sma; lal mana wark taki uplika ba, ai warkka mana ba lalah watla kalwan ra auhbi baku sa.

Hageo 1:9

Man nani diara ailal briaia plikisma, sakuna wiria lupia man sakisma; dîa wamtla ra suni brisma ba, baha sin yang bal puhbanki kumi ni sakisni. ¿Dîa muni? Kan yang waitla slingban ba, paskras ban aisawan ra ba mita; man nani wamtla mâki briaia dukiara baman trabil takisma. Yang, Dawan, kasak aisisna.

Malaquía 2:3

“Karnikam maikri ba mai dakbaisna, bara daiwan nani angkaia brih aula tâskika ba ni, man nani mamwanra yakabaisna. ¡Baha tâskika pahbi sakuya ba wal, man nani sin mai pahbi mai sâkbia!

Kli Smalkanka 28:42

Tristrisia nani mita dusam nani bara tasbaya ba sauhkan kabia.