Kli Smalkanka 28:37 - DAWAN BÎLA AISKA

³⁷ Bara ani pliska nani sut ra Dawan mita mai brih wabia ba, upla wala nani mita mai kaikbia, saura sirang iwram baku kama, lukan bîla mampara aisi lawaska kiki kabia.

Kli Smalkanka 28:37 ပူးပေါင်းရင်းမြစ်များ

2 Kronikas 7:20

yang naha tasbaya maikri na wina mai sakamni, bara naha watla holikira daukram ba wina sin, yang maiwan wina lulki mai sakamni, bara nisan sut ba lamwaska kiki kabia.

Jirimaya 19:8

Naha tawanka tara na upla iwras tasbaya daukamna, sirang wan iki kaia bahmuna tânka baman bâra kabia. Ya sut bahak bal lui kabia ba sirang iwi tâ iwan ra baha sut sauhkan ba kaiki kabia.

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 29:18

War ni, sanglang ni, siknis ni yang bui witin nani ra blikaisna. Yang daukamna nisan nani sut ba mita witin nani ra diara saura kaikan wan daukras dukia baku daukamna, lahtuban swira daukan patrangka kum kaia daukamni, diara kum sirang wan iki sibrin wan dingki ba baku daukamni, nisan nani bani kaikbia witin nani ra yakabamna ba.

Inanka Nani 3:45

Bara yang nani ra dipasta saura baku wan munram, upla nani sut mawanra.

Isikiel 5:15

Yang kupi baiwan ra man nani mampara lâ daukamna piua ra, klala karna pali maikamna, bara upla sut saura mai aisi lamwaska kiki kabia, kainam kir ra iwi uplika nani mawanra sin klala karna brima, bara tawan kir mai bribia ba ai tânka bribia. Yang, Dawan, baha aisari.

Joel 2:17

Prîs nani, Dawan dukia dadaukra nani, ini banhs, bara tempel ra dimi waia bîla bara altar ba wal lila kat bûi, naku wis: “Dawan, uplikam nani pâtka na ban kulkpara; swirka upla wala nani mita uplikam nani ra ban lawaska kiki kabiara; swirka nisan wala nani ba mita, pura wihtka aimaki kabiara, upla idan nani ba sin aisabiara: ‘¿Man nani Dawankam ba anira sa?’ ”

Sakaraya 8:13

Juda bara Israel luhpia nani, man nani nisan nani tilara mai lahtuban uplika nani kapram, baku sin nanara, yang bui man nani sut sma ba swaki mai saki yamni mai munan uplika nani mai daukamna. ¡Sakuna man nani si bripara! ¡Man nani karna bûi bas!”

Kli Smalkanka 28:28

Lamla sin saura lakbia, namkra blain mai daukbia bara aihka baman kama,