Kli Smalkanka 28:32 - DAWAN BÎLA AISKA

³² Mamwan wina luhpiam nani alki upla tringsar ra yabia, bara awar bani ra wih kaiki kan mai daukbia, kuna yabal âpu kama.

Kli Smalkanka 28:32 ပူးပေါင်းရင်းမြစ်များ

2 Kronikas 29:9

Baha mita wan aisika nani war ra prui banhwan, bara wan luhpia waitna bara mairin nani, wan maya nani sin silak ra brih wan.

Job 11:20

Sakuna watawikira nani ba lika baku kabia apia; bahki lâka ra hilp plikbia, yukuwaia pliska kumi sin sâkbia apia, prura ba lika ai bîla kaikanka tnata kumi baman kabia.

Job 17:5

Baha nani luhpia nani ba plun wauhbia, witin nani mana kum briaia dukiara ai uplika nani ra pât ra dingki ba.

Job 31:8

Dîa yang mangkri ba wina upla wala pibia, bara dîa mangkri ba wakia wal daikan kabia.

Lawana Nani 119:123

Man bal, swaki ai sakaia bîlam kaikan man sa, naikra nani sut swapan sa pri ai sâkma bîla kaiki, man pramiskam daukram ba kat.

Lawana Nani 119:82

Man bîlam ba dukiara, naikra nani ba sip apia takisa, bara wisni: “¿Ahkia balma maisa nihkra aikaia?”

Lawana Nani 69:3

Yang pat kâirma prawan winan baman, bara kâirma ba latwan sa; ¡baha mita naikra nani ba sin swapan sa Gâd ra bîla kaikan man!

Aiseya 38:14

Suki tara baku, plipli baku sin yang brukwi katni; butku baku maimna lulki kapri. Naikra nani kasbrika purara kaiki swapan. ¡Dawan, yang na ai taiban sa, man bui yang dukira pana aisas!

Inanka Nani 1:18

Dawan ba kasak ba daukan, yang mita sika witin ai bîla mapara buri bamna. ¡Upla nani sut, yang ra ai wals; pât wahwisna ba sin kaiks! ¡Wahmiki nani bara tiariki nani sut ba alki priski silak ra brih wan sa!

Inanka Nani 2:11

Inan mita naikra nani ba swapni takisa, bara laima dusa bîla sut baiwaisa; kupi ba sari mita pura lui laiwisa, yang upliki nani tawanka tara sauhki tikan ba kaikisna ba ra, tuktan nani sirpi tiala di nani sin, tawan yabalka nani ra plun bla kauhi pruisa.

Inanka Nani 4:17

Wan nakra nani swapisa, kau tâ baikanka sip balbia apia ya bîla kaiki ba wina; yawan aihwaki ban bîla kaikisa, nisan kum swaki sakaia sip apia ba aula dukiara.

Inanka Nani 5:17

Naha tâka mita, yang nani kupi ba sikniskira sa, naha nani sut tâka mita sin, yang nani naikra nani ba pukni takan sa.

Isikiel 24:25

‘Bara Israel uplika nani ra karnika ba dakbi sakamna, baha sika tempelka ba, prana tara ba dukiara upla ailal ai liliaka brisa kaikaia lihki ba, bara latwan kaiki ba. Baku sin luhpia waitna bara mairin ba mihta dakbamna.

Joel 3:6

Juda wina bara Jerusalem uplika nani ba, man nani mita Grik uplika nani ra atkram, witin nani ba ai tasbaya wina laih pali ra blikaia dukiara.

Emus 5:27

Baha tâwan, yang daukamna man nani mai priski mai alki, Damaskus kainara kau laihura mai brih wabia alba mai briaia.” Baku aisisa karnika sut pali bri ba Dawanka, baha sika witin ai nina ba.

Miqueas 2:1

¡Nahki saura kabia baha nani, tihmia aiska ai krikrika ra prawi, nahki saura daukaia ba dukiara baman luki kaiki ba, bara titan yu baiwan wal saurka ba mahka daukuya, witin nani karnika ai mihta ra bri bamna!

Miqueas 4:10

Saion tawanka, latwan saura brih ini bas, mairin luhpa baikaia latwanka brih ini baku, kan nanara man nani tawankam wina mai kangbi mai sakuya, bara twi tasbaya ra iwi kama, ban Babilon kat mai brih wabia. Sakuna baha kat pri takma, kan bahara sika Dawan bal waihlam nani mihta wina mai dakbi mai sâkbia.

Kulki Kaikanka 21:29

¡Moab, mampara alai pali kabia! ¡Tanis tiwram sa, Quemós ra gâdkam brisma uplika nani! Gâdkam ba mita munan waitna nani ba sut plapi yukuwan, bara mairkam nani ba lika king Sihón albika takbia.

Kli Smalkanka 28:18

Luhpiam nani ra, patam mâ nani dâkma ba ra saura pali kabia, bîpkam luhpia nani ra, sîpkam nani ra bara daiwram nani sut ra sin.

Kli Smalkanka 28:31

Mamwan kat bîpkam bul nani nana dakbi kabia, kuna man nani pima apia; mihtam wina birikukam saki bri wabia, kuna kli bri bal maikbia apia; sîpkam nani waihlam nani mihta ra kauhbia, bara upla âpu kabia dakbi maikaia.

Kli Smalkanka 28:41

Luhpa nani lika bri kama, sakuna man wal kabia apia, kan kuntri wala ra alba lâka ra brih wan kabia mita.

Kli Smalkanka 28:65

Bara baha nisanka nani tilara man nani iwi kama piua ra, âmyapah ris bri kama apia, kan Dawan mita sirang mai iki kabia ba mita, kupiam wirha sarkam brima bara namkra laya wal kama.