Kli Smalkanka 28:30 - DAWAN BÎLA AISKA

³⁰ Mayam briaia aisama sakuna waitna wala wal ai maya takbia. Utla paskma sakuna dimma apia, wain nasla mangkma kuna man wainkam mâ wina dih lilia takma apia.

Kli Smalkanka 28:30 ပူးပေါင်းရင်းမြစ်များ

2 Samuil 12:11

Yang Dawan, param aisisni: Yang daukamna man pali wamtla bîla wina, saura ba man mampara takbia, man pali mamwanra mairkam nani ba brimna bara tamya kumika ra yabamna witinka wal yapbia, yu lapta ingnika param pali ba kat.

Job 20:18

Dîa dîa yamnika brin ba sut lika kli laki yaban kabia, yuyaka bri ba wina tâ baikanka, apia kaka liliaka kum sin bribia apia.

Job 3:18

Silak ra mangkan uplika nani ba, bahara kupia kumi lâka ba wal prawisa; bara wark pura kakaira nani winanka ba bahara kli walras sa.

Job 31:10

yang mayi ba upla wala nani albika takbia, bara yarka upla sât wala nani witin wal yapbia.

Aiseya 62:8

Dawan ba swer takan ai klahkla aihkika karnika ba buki: “Kli swirka man plawarkam ba wina waihlam nani pibia apia, tringsar nani ba sin man wark takram wainka ba wina dibia apia;

Jirimaya 12:13

Witin nani plawar mâ mangkan sakuna kiaya dâkan; wark nani daukan ba sut bahki takan. Pata mâ nani ba sut aisawi luan yang lawanki ba tâka mita.”

Jirimaya 6:12

Watla nani ba, nasla nani ba, maya mairin nani ba upla wala nani bribia. Kan yang mihti bukamna baha kuntri ra iwi nani ba klala yabaia. Yang, Dawan, kasak aisisna.

Jirimaya 8:10

Baha tâwan mairkam nani ba waitna wala nani ra yabaisna, tasbayam nani ba sin upla wala nani baha dawanka aimakbia. Kan upla almuk nani ba, tuktan nani bara upla sut, saura dauki wina baman lalah briaia lukisa; prapit nani ba, prîs nani ba sin sut upla ra taibi lalahka dakbaia warkka daukisa.

Inanka Nani 5:11

Saion bara Juda tawanka nani ra mairin bara tuktan mairin nani ba, bahki kulkan kan.

Inanka Nani 5:2

Duki nani sut upla sât wala nani mihta ra tawan sa, waitla nani sut ba tasba wala uplika nani baman bal brin sa.

Oseas 4:2

Sakuna kunin aisi swer taki aisaia lâka lika banhwan, upla ikaia, implikaia, upla maya yapaia, lâ nani ba krikaia lâka lika, pura luisa. Upla iki ba takaskras ban sa.

Emus 5:11

Man nani mita upla umpira nani ba bahki kulki lawaska kikisma, bara lal mana tara kulkisma, plawar ni mai aibapaia dukiara, man nani ban iwi kama apia, baha wamtla nani walpa ni mâki brisma ba ra; wain nasla nani dauki mangkram pain pâwisa, sakuna baha wainka laya wina sin dima apia.

Miqueas 6:15

Saumuk mangki kama, sakuna mâ krikma apia; oliv mâ nani sin taibi kama, sakuna baha batanka laya ba, man nani dukiam kabia apia; wain mâ ba sin taibi kama, sakuna laya ba man nani dima apia.

Abakuk 3:17

Kwah damni dusa ba ai mâ sakras kabia kra, wain dusa nani ba, oliv dusa nani ba sin ai mâ sakras kabia kra, insla nani ba sin mâ sakras kabia kra, sîp daknika nani ba sin sut âpu takbia kra, sîp watla nani ra sîp âpu kra kabia sin,

Sofonías 1:13

Baha mita sika, ai dukia kukanka nani ba wal brih wabia, ai watla nani ba sin slingban kabia. Ai watla nani lika mâkbia, sakuna bahara iwbia apia; wain nasla nani sin daukbia apia, bara sin dibia apia.”

Kli Smalkanka 28:31

Mamwan kat bîpkam bul nani nana dakbi kabia, kuna man nani pima apia; mihtam wina birikukam saki bri wabia, kuna kli bri bal maikbia apia; sîpkam nani waihlam nani mihta ra kauhbia, bara upla âpu kabia dakbi maikaia.