Kli Smalkanka 28:27 - DAWAN BÎLA AISKA

²⁷ “Dawan bui maikbia sukwan sikniska, yukri, sus bara bulpis, Idsip uplika nani ra daukan kata baku pât wauhma, bara naha sikniska nani wina sip rawma apia.

Kli Smalkanka 28:27 ပူးပေါင်းရင်းမြစ်များ

Lawana Nani 78:66

bara ai waihla nani sauhki tikan bara yan sut plapan, mawan ba swira lâka ni bri si swin ban kaia ra.

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Impakan Sturka 9:10

Moses bara Eran wal kubus wina yamhpus brin, bara king fero kaikaia wan. Bahara Moses mita king fero kaiki kan yamhpus ba pâsa ra yakaban, bamna upla bara daiwan nani sut taya ra yukri nani taki sukwi kan.

Impakan Sturka 9:11

Nanara sukia nani kata ba sip Moses bara Eran wal mapara buras kan, witin nani sin Idsip uplika wala nani wal baku yukri nani mita ai taya sukwi kan bamna.

Impakan Sturka 9:9

Bara yamhpus ba tasba puknika taki tasba aiska ra pâlbia; baha wina Idsip uplika nani sut daiwra nani sut taya ra yukri baman takbia.

Aiseya 3:17

baha ba mita, Dawan bui Saion mairka lal tâwa nani ba kusbi sâkbia, ai swira lâka nani ba param ra sâkbia.”

Libait Lâka 21:20

pahpaya prumhni, prahni luhpia, nakra sikniska bri kaka, âikama puskan kaka.

Emus 4:10

“Idsip uplika nani purara siknis saura nani blikri kan ba baku, man nani puramra sin blikri; wahma nani ba war aiklabi prui tiwaia ba yang daukri, swiri aras nani ba waihla nani dawanka takan; kiamp nani ra yang mita yâri upla pruan bisbaika ba kiawalaia. Baha sut daukri, sakuna man nani lika yang ra kli tawi balras.” Dawan baku kasak aisisa.

Kli Smalkanka 28:28

Lamla sin saura lakbia, namkra blain mai daukbia bara aihka baman kama,

Kli Smalkanka 28:35

Dawan bui sukwan siknis saura maikbia lulam ra, kuhmam dusa ra bara wînam aiska ra sukbia, bara rawaia sin sip apia kama.

Kli Smalkanka 7:15

Dawan bui siknis nani man nani tilam wina laihura sâkbia, siknis yula sibrinkira man nani kaikram Idsip purara blikan ba, baha ni waihlam nani ra klala yabia.

1 Samuil 5:12

Tawan inanka ba kasbrika purara ba kat uli wan, kan upla nani kau pruras raya kan ba sut yukri alkan wîna aiska ra.

1 Samuil 5:6

Baha takan ba ningkara, Dawan bui Asdod uplika nani sut ba ai tasbaya aiska ra sin klala saura yan, sibrin tara dingkan bara yukri sikniska ni sin wipan.

1 Samuil 5:9

Bahara brih wan ba ra, Dawan bui upla sut ra sibrin tara dingkan, tuktan sirpi wina tara ba sut yukri sikniska ni wipan.