Kli Smalkanka 28:24 - DAWAN BÎLA AISKA

²⁴ Dawan mita daukbia puramra, lî blikaia watlika ra tasba pupuhkan nani bara auhya baman blîkbia, sauhki âpu mai daukbia ba kat,

Kli Smalkanka 28:24 ပူးပေါင်းရင်းမြစ်များ

Blasi Sturka 19:24

Bara Dawan mita Sodoma bara Gomora wal purara kasbrika pura wina sulpa pauta klauhan wal yakaban;

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Emus 4:11

“Man nani ra yang bui sauhkanka saura kum ni sauhki mai tikri, sim Sodoma bara Gomora wal ra sauhki tikri ba baku; pauta klauhan kum pauta aswi ba tila wina sakan baku kan. Baha sut daukri, ¡sakuna man nani lika yang ra kli tawi balras!” Dawan baku kasak aisisa.

Hageo 1:10

Baha mita, man nani tasbayam ra lî auhras, tasba sin mâ nani maikras.

Kli Smalkanka 11:17

Kan Dawan bui man nani ra ai kupia sauhki lî blîkbia apia, bara tasba ba plun mâ nani takras kaka, man nani baha tasbaya disang Dawan maikaia ba ra prui tiwma.

Kli Smalkanka 28:12

Bara kasbrika purara diara kukanka nani bri ba durka man nani ra kwâkbia tasbayam ra lî yabaia dukiara, bara wark sut ba pâwi kabia. Nisan ailal man nani wina bri kabia, sakuna man nani lika makabras kama.

Kli Smalkanka 28:23

Kasbrika pura wina lî sin maikbia apia, tasba na sin plun mâ mangkrika mâ nani saki maikbia apia.