Kli Smalkanka 28:16 - DAWAN BÎLA AISKA

¹⁶ Man saura pali kama tawan ra bara namsla ra wark takisma ba ra sin.

Kli Smalkanka 28:16 ပူးပေါင်းရင်းမြစ်များ

Blasi Sturka 5:29

bara ai nina ba Noa mâkan, bara win: “Kan Dawan mita tasba ba lahtuban bara wan mihta warkka karna nani yawan takbia mangki sakaia dukiara; sakuna naha tuktika baha pâtka wina pri wan sâkbia.”

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 17:12

Bara piarka mairin ba pana win: —Yang swer takisna Dawan Gâdkam ai kaikisa, yang brit angkan âpu, sumi bilara plawar wiria lupia baman brisna, bara batana laya sin wiria lupia sumi ra brisna, bara nanara pauta pîs wirâ wahbi kapri baha wih piakaia dukiara, yang duki bara luhpi dukiara sin. Baha ba pih ningkara, plun bla prui banhwamna.

1 King Nani 17:5

Bara witin wan Dawan dîa win ba kat, Querit tingnika lamara takaskan, Jordan lalma tani ba kat.

Job 24:18

Upla watawikira ba lî mita raski brih wan sa, ai tasbaya ba lahtuban mununhtara sa, upla kumi sin ai wainka nasla ra wark takbia apia.

Sins Lâka 3:33

Dawan upla watawikira watla ba saura lakisa, sakuna kasakkira nani watla ba yamni munisa,

Aiseya 43:28

Man wihta nani brisma ba tempelki ba tâski daukan, baha mita yang wîri, Jekob tawanka, Israel ba, swira dauki, sauhki tikaia.

Jirimaya 14:18

Yabal ra taki auna ba ra, war ra upla pruan ba kaikisna; tawan ra bal dimuna ba ra, upla nani sanglang mita pruan nani ba kaikisna. Prapit nani bara prîs nani ba sin kaikisna witin nani kakaira apia ba kuntrika ra auya.’ ”

Jirimaya 26:6

bara naha tempelka ra sin Siló ra daukri ba baku daukamna. Naha tawanka na lahtuban ba patrangka kum daukamna nisan nani sut kaikbia tasba aiska ra.’ ”

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Inanka Nani 1:1

¡Tawan tara yakan pali takan na, blasi upla ailal pali kata ba! ¡Nanara piarka baku takan sa, witin nisan nani tilara tawan nani kiapitalka kata ba! Tawan nani tilara witin king luhpia mairin baku kan, nanara alba mairin takan sa.

Inanka Nani 5:10

Yang nani wîni taya nani ba, brit angkaika watla baku lapta sa, plun tiwan mita rih wan daukisa.

Joel 1:4

Kruhkru nani ba kli bal plun mâ nani ba pih danh daukan, bara dîa kau piras swin kan ba wala nani balan baha nani mita pih âpu daukan.

Joel 2:3

Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!

Sakaraya 5:4

Dawan, witin karnika sut alki bri ba, kasak aisisa: ‘Naha lahtubanka yang blikisni, impliki kunin aisi yang nini bri swer taki nani ba watla ra dimaia, bara lahtubanka ba bahara ban takaskbia, watla playka nani ba sukwi âpu takbia ba kat.’ ”

Malaquía 2:2

Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.

Malaquía 4:6

Witin balbia aisika nani bara ai luhpia nani wal yaka kumi lâka daukaia. Baku daukras kabia kaka, yang balamni ai kuntrika ba klala yabi, sauhki âpu tikaia.”

Kli Smalkanka 28:55

witin nani luhpia wînka wina pibia ba aikuki piaia apia dukiara. Bara tawankam ra bal mai aiklabi piua ra, diara piaia âpu kama ba ra waihlam mita saura pali maikka pât wauhma tawan aiska ra.