Kli Smalkanka 28:15 - DAWAN BÎLA AISKA

¹⁵ “Sakuna Dawan Gâdkam bîla wali, ai lâka nani yang naiwa man ra maikisna trai kaikras kama kaka, naha klalka nani puramra balbia:

Kli Smalkanka 28:15 ပူးပေါင်းရင်းမြစ်များ

Blasi Sturka 3:14

Bara Dawan Gâd piuta ra win: —Man naha daukram ba mita, man ba aihka saura pali mai kulkan sa daiwan nani sut tilara. Biamra purara baman kwasi tauki kama, bara tasba yuya dabi watauki kama rayakam yua nani sut ra.

Blasi Sturka 4:11

Baha mita, lamhtubi tasba wina mai saki mai lulkan kabia, man muihkam ikram tâlia tasba ba din bamna.

Blasi Sturka 4:12

Man tasba ra insla daukma sin, witin ai karnika kli maikbia apia. Man plis kum ra sin iwaikam âpu, ban tringsar baku tasba ra yukuwi plapi baman watauki kama.

2 Kronikas 12:5

Bara prapit Semaías ba Roboam ra wan bara baku sin Juda wihtka tara nani aikuki Jerusalem ra asla taki banhwan kan ba, Sisac dimi aula ba dukiara aisi banhwan kata: —Dawan bîla man nani bui witin ra lulki swiram ba mita, witin sin man nani mai lulki swin, bara nanara man nani Sisac mihta ra mai swisa.

2 Kronikas 34:24

yang Dawan sna ba, naku wisni: Naha pliska ra uplika sut ba âpu daukamni, nahara iwi nani ba sut ai saurka daukan ba tâwan, naha wauhkataya ra ulban aisi kaikan ba Juda king mawanra.

2 Kronikas 7:19

Sakuna man nani ba yang yabalki wina laihura taki ai kulkras, lâika kat daukras kama kaka, gâd bahki nani dukia dauki bara mayunma kaka,

Aiseya 3:11

¡Saura pali kabia watawikira ba dukiara, witin nani saura ra wabia! Ai mihta warkka nani mana ba praiska kat, Gâd bui witin nani ra aibapan kabia.

Jirimaya 11:8

Ban sakuna, witin nani lika yang aisisna ba walras, bîli wali daukras, kiama karna takan, ai lukanka saura nani ra tniwan bara baha mita raski brih wan. Witin nani daukaia adarka nani wîri ba daukras kan, bara baha wina yabri klala ba witin nani ra balbia lâ daukan piua ra aisi kata ba.’ ”

Jirimaya 26:4

Witin nani ra wis, yang Dawan sna ba, naku wisni: ‘Yang dîa wisna ba witin nani walras kabia, dîa daukaia smalkri ba baku daukras kabia kaka,

Jirimaya 32:23

Sakuna witin nani baha kuntrika ra dimi tasbaya ba brin ba ra, man bîlam walras takan, lâ nani smalkram ba daukras, wark nani daukaia wiram ba sin daukras. Baha mita man bui witin nani ba rausauhkaia blikram.

Jirimaya 36:31

man ra, man kiamkam ra, baku sin wihtkam tara nani ba sut ra sin saurkam daukram mana klala maikamna. Pât nani balaia yang aisari ba man nani puramra, Jerusalem uplika nani purara bara Juda uplika nani sut purara balaia daukamna. Man nani sut sin baha aisinka ba walras baku kapram ba.’ ”

Jirimaya 36:7

Baha wali ban kra witin nani Dawan ra ai pura sunbia, bara ai daukanka saura nani ba swibia, kan Dawan ai kupia baiki, karna lawi naha uplika nani mapara bîla karna aisin sa.”

Jirimaya 40:2

Bara kamandanti ba Jirimaya ba brih wan witin wal man taki aisaia, bara witin win: “Dawan Gâdkam naha tasbaya purara pât saura blikaia aisin,

Inanka Nani 2:17

Dawan lika witin dîa daukaia lukan ba sut daukan, ai bîla aisan ba kat daukan sa. Umpira kaikras kira sauhki tikan sa, kaina piua wina sauhki tikaia luki kan ba, witin bui yan, waihla nani ba mita lamwaska kikisa, bara waihlam nani karnika ba sin purara bukan.

Oseas 7:12

Sakuna witin nani bahara wabia ba ra, yang sin witin nani purara iliski lulkamni; piawira nani alki baku, alki pâsa wina batakamna, witin nani watawi daukan ba tâka, baku alkamna.

Malaquía 2:2

Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.

Galesha 3:10

Bamna ya nani Moses lâka bîla wali daukaia luki ba lika, saura pali kulkan lâka mununhtara sa. Kan Ulbanka wisa: “Lâ wauhkataya ra dîa ulban ba aiska daukras uplika nani ba lika, saura pali kulkan lâka mununhtara sa.”

Kli Smalkanka 11:28

Saura mai kulkbia, gâd kum man nani kakaira apia sma ba ninara wama kaka, Dawan Gâdkam lâka nani lulki swi, ai lâka nani naiwa maikisna na wina tnaya ra tawma kaka.

Kli Smalkanka 28:2

Ba purkara naha yamnika nani sut na puramra balbia man nani Dawankam bîla walram ba mita.

Kli Smalkanka 28:45

“Naha nani klalka sut na man puramra balbia, bara ninam bliki mai alki âpu mai daukbia kat, kan man Dawan Gâd bui ai lâka bîla nani maikan kan ba kat dauki banhras kapram ba mita.

Kli Smalkanka 29:19

“Bara naha swer taki aisin bîla na walan ba ningkara, man nani tilamra lukisa witin ba uba yamni sa, bara lukbia: ‘Diara sut yang ra pain takbia, yang dîa brin ai dauki ba kat luki daukamna ba.’ Bara diara saura taki aisawbia ba, baha uplika ba tâka kabia.

Kli Smalkanka 29:20

Dawan baha pâtka ban swi tikaia wilin apia kabia, sakuna witin ai lawanka tara, ai kupia baiwanka baha uplika purara lahtuban kabia, bara witin purara saurka aiska naha wauhkataya ra ulban ba kauhbia. Bara Dawan mita tasba mawan wina, witin kiamka ba diki sâkbia.

Kli Smalkanka 5:1

Moses bui Israel luhpia nani sut asla paiwi, win: “Wals, Israel uplika, lâ nani naiwa maisam pakaisna ba. Pain lan taks, bara trai kaiki dauks.

Jasua 23:15

Baku sika Dawan pramiska painkira daukan ba sut aimakan, baku sin witin bui man nani puramra trabil sâtka bani ba bri balbia, naha tasbaya painkira maikan na kumi sin man nani brima apia.

Jasua 23:16

Dawan man nani wal ai lâka daukan ba daukras sma kaka, gâd bahki wala nani ra mayunma kaka, bara baha nani sin bawma kaka, Dawan ba man nani wal ai kupia sauhkbia, bara pat pali naha tasbaya wina diki mai sâkbia, tasba pain pali maikan sa sakuna.”

Wihta Nani 2:15

Aima bani witin nani war aiklabaia taki wan ba ra, Dawan ba witin nani mapara kan, baha mita witin nani ai daukanka ba saura baman taki kan. Dawan ba Israel luhpia nani ra karna dihbi kan, ban sakuna,

1 Samuil 4:10

Bara baku filisteo nani Israel luhpia nani aikuki aiklabi pura luan, witin nani plapi ai kiampka ra wan. Baha yua ra Israel luhpia nani ra kasak ailal ikan, 30,000 waitna aiklaklabra nani kan ba ikan.