Kli Smalkanka 28:11 - DAWAN BÎLA AISKA

¹¹ Dawan mita luhpa nani ailal maikbia bara ai kupia pihni lâka mamrikbia. Daiwan ailal maikka sauhma, plun mâ nani sin ailal tasba wina sâkma, damikam nani ra yabia win kan ba.

Kli Smalkanka 28:11 ပူးပေါင်းရင်းမြစ်များ

Job 19:17

Mayi lamara auna ba ra, ai brinka apia sa ai lamara ai briaia, luhpi nani pali ba sin yamni ai kaikras sa,

Lawana Nani 107:38

Dawan sin witin nani ra yamni munisa, bara witin nani manis sahwisa bara ai daiwra nani ailal pâwisa.

Lawana Nani 127:3

Tukta nani aisubi taki ba, baha nani sut ba, Dawan yamnika tara sa.

Lawana Nani 132:11

Dawan bui Debit ra swer aisin ba kasak tânka kat sa, naha pramiska aisin na, ai bîla lakbia apia:

Sins Lâka 10:22

Dawan yamni wan muni ba yuyakira wan sakisa; witin wal aikuki, sari lâka prakras sa.

Libait Lâka 26:9

Yang bui man nani ra pain mai kaikamni, ailal sahwaia mai daukamna, man wal lâika ba ban alki bri kamna.

Kli Smalkanka 1:8

Yang bui tasba ba man nani mihtam ra mangkri sa; man nani was bara tasbaya ba brih iws. Kan yang bui Dawan ra swer taki yabaia aisari, man nani damikam Ebraham, Aisak, Jekob bara ai kiamka nani ra sin.’

Kli Smalkanka 28:4

Yamni pali kabia luhpiam nani bara namsla wina dakbram nani ba, bîpkam luhpia nani ra, sîpkam nani ra bara daiwram nani sut ra.

Kli Smalkanka 30:9

Baku bamna, man nani sut daukma ba Dawan mita ailal maikbia, luhpiam nani ra, daiwram luhpia nani ra, patam mâ, Dawan Gâd bui man nani ra pain lukbia, damikam nani ra lukan ba baku.

Kli Smalkanka 7:13

Man nani ra latwan mai kaikbia, yamni mai munbia bara man nani ailal sahwi kama; luhpiam nani ra, plawarkam mâ ra, wainkam ra, namsla ra mâ krikaia ra, plawarkam mâ, wainkam bara batankam laya, bîpkam bara sîpkam luhpia nani ra yamni munbia, kuntrikam almukka nani ra yabaia win ba ra sin yamni munbia.