Kli Smalkanka 28:1 - DAWAN BÎLA AISKA

¹ “Man nani Dawan Gâdkam bîla wali daukma kaka, bara ai lâka nani naiwa yang maikri yaba kat trai munma kaka, Dawan mita tawan wala nani purkara mai bukan kabia.

Kli Smalkanka 28:1 ပူးပေါင်းရင်းမြစ်များ

1 Kronikas 14:2

Bara baku Debit baha tânka brin, nahki witin ba Israel kingka kaia sakan ba, kan ai kingka lâka ba uya pali pâwan kan, ai uplika nani sin.

Lawana Nani 106:3

Lilia pali sa baha nani kasakka lâka dauki ba, bara piua sut diara kasak baman dauki ba.

Lawana Nani 111:10

Sins lâka kau tara briaia ba lika, Dawan ra pain kulkaia lâka ba; witin ra kulkanka yabi nani ba, lâ wapni daukanka brisa. ¡Dawan ra mayunra ba ban kaia ra ban kabia!

Lawana Nani 119:128

Baha mita tâi briram man lâmka nani bâk, bara misbara kaikisni kunin daukanka nani ba.

Lawana Nani 119:6

Bâra mika swiri daukan kabia apia, yang bui man lâmka bîla nani kat daukisna ba ra,

Lawana Nani 148:14

Witin ai karnika ba ai uplika nani ra yaban sa. Witin ba ai uplika kasakkira nani mayunra sa, Israel luhpia nani, upla banhwi ba kum, witin ai lamara bri ba. ¡Dawan ba mayunan kabia!

Lawana Nani 91:14

“Yang bui swaki sakamna baha nani sut ba mihta wina, kan witin latwan ai kaikisa ai kakaira ba mita.

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Impakan Sturka 23:22

Sakuna man nani kasak pali witin ai bîla wali dauki kama kaka, yang mai wîri ba kat, yang lika man nani waihlam nani wailhka kamni. Bara baha nani man nani mampara bubia ba, yang mita witin nani mapara buamni.

Impakan Sturka 23:25

Dawan Gâdkam ra puram suni mayuni bas, bara witin mita patam nani ra lî nani ba pura ai yamnika yabi kabia. “Yang sin siknis nani ba, man nani wina laihura sakamni.

Aiseya 1:19

Man nani bui yang bîli wali daukaia wima kaka, plun pain nani tasba wina taki ba man nani pima;

Aiseya 3:10

Kasakkira nani ba, witin nani lilia pali kabia, ai mihta warkka mâ nani pibia bamna.

Jirimaya 11:4

Naha lâka ba sika yang damikam nani wal daukri, witin nani Idsip wina sakri ba piua ra, Idsip kuntrika ba lapta pali kan ayan angki slilki kubuska baku. Yang bui witin nani ra wîri: Man nani lika yang bîli wali daukma bara upliki nani kama, yang sin man nani Gâdkam kamna.

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Jirimaya 17:24

‘Yang, Dawan ba, kasak aisisni: Man nani bîli wali dauks kasak aisisna, ris yua ra man nani diara kwahki bal tawan ra dimpara; baha yua ba yang yui aik, bara wark wala baha yua ra daukpara.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Luk 11:28

Witin pana aisin: —¡Kau yamni pali sa baha uplika nani Gâd bîla wali, ba kat dauki nani ba!

Luk 9:48

naku win: —Ya yang nini ra luki naha tuktika na bribia kaka, yang ai brisa; bara ya yang ai bri ba, ai blikan ba ra sin brisa. Bamna ani uplika man nani tilamra kau mâyara kulkan ba, baha sika kau tara ba.

Jan 15:14

Bamna man nani sika upliki nani, yang dîa mai wisna ba sut daukma kaka.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

Galesha 3:10

Bamna ya nani Moses lâka bîla wali daukaia luki ba lika, saura pali kulkan lâka mununhtara sa. Kan Ulbanka wisa: “Lâ wauhkataya ra dîa ulban ba aiska daukras uplika nani ba lika, saura pali kulkan lâka mununhtara sa.”

Kli Smalkanka 11:13

“Kupiam aiska kira, sulkam aiska kira Dawan Gâdkam ra latwan kaiki mayuni, bara ai lâka nani mamrikan ba ban dauki kama.

Kli Smalkanka 11:27

Yamni ba brima, Dawan Gâd bîla wali ai lâka nani naiwa maikri ba kat daukma kaka.

Kli Smalkanka 15:5

naiwa naha lâka nani yang bui man nani ra maikisna na, main kaiki bara daukaia trai munma kaka.

Kli Smalkanka 26:18

Dawan mita sin naiwa param aisin sa man ba Israel, man ba witin ai dukia sma, pramis mai munan ba baku, man nani ai lâka bîla ba sut daukma.

Kli Smalkanka 26:19

Witin mita man wina nisan kum purara mai daukbia, mamyunra sin brima. Nisan wala nani purara sturkam ba tara kabia bara kulkanka sin maikbia, bara witin mai win ba baku kama, tawan kum yamni munan Dawan Gâdkam dukiara.”

Kli Smalkanka 28:13

Dawan Gâdkam ai lâka maikan ba kat, naiwa yang adarka maikisna na daukma kaka, Dawan mita man nani ba tâura mai swibia, ninara kama lika apia, ban wala nani purara kama, mâyara kama sin apia,