Kli Smalkanka 27:24 - DAWAN BÎLA AISKA

²⁴ ‘Upla ai uplika ikaia luki, yukuwan ra latwan saura yabi ba, lahtuban kabia.’ Bara upla sut wibia: ‘Baku kabia.’

Kli Smalkanka 27:24 ပူးပေါင်းရင်းမြစ်များ

2 Samuil 13:28

bara ai albika nani ra adar yan kan: “Amnón ba aman pali kaiki bas, wain ba di lilia pali takbia ba ra yang bui man nani ra mai wimna, bara man nani bui witin ba iks. Man nani baha daukaia si bripara, baha yang adarki nani sa, bahamna man nani kupiam wilinkira bara karna bris.”

2 Samuil 3:27

Abner ba Hebrón ra wan ba ra, Joab bui tawan getka ba wina tnaya ra brih wan, witin wal baman sturi aisaia, bamna bahara ai plauya kat sord ni sabi ikan, ai muihni Asael ra ikan ba tâwan pana ikan.

1 King Nani 2:5

“Man lika pain kaikaia sma Joab Seruiá luhpia dîa ai munan ba, wibia kaka, Israel war wihtka tara wâl ra daukan ba: Abner, Ner luhpia ra, bara Amasá, Jéter luhpia wal ra ikan. War piua ra ikan ba mana, kupia kumi bri na piua ra pana tâlia laikan. Baha war ra ikata ba, baha yang purira kahbisa.

Impakan Sturka 20:13

“Man lâ luha upla ikpara.

Libait Lâka 24:17

“Bara ya upla kum ikbia kaka, witin ba ikan kabia.

Kulki Kaikanka 35:30

“Upla ailal witnis aisi mita upla âikra kum pruaia pâtka ra lakaia sip sa. Sakuna witnis kumi mita lika sip apia upla kum ikaia.

Kulki Kaikanka 35:31

“Upla âikra kum pruaia pâtka ra lakan ba, sip apia sa lalah nani aibapi pri sakaia; baha uplika ba pruan kaia sa.