Kli Smalkanka 27:18 - DAWAN BÎLA AISKA

¹⁸ ‘Ya bui blain kum ai yabalka wina tnaya ra lakbia kaka, lahtuban kabia.’ Bara upla sut wibia: ‘Baku kabia.’

Kli Smalkanka 27:18 ပူးပေါင်းရင်းမြစ်များ

Blasi Sturka 27:12

Bara ban kra aisiki ai alki ai kaikbia kaka, bara upla kuninkira ai lawaska kikisna ai kulkbia, bara yang purira lahtuban lâka ni bri balamna, yamnika ba briaia wisi.

Job 29:15

Yang na upla nakras nani nakra kapri, bara skahwa nani mina kapri.

Sins Lâka 28:10

Ya upla wapnikira nani ra yabal saura brih auya, witin mita unta pakni salhkan ba ra kauhbia, sakuna aihwa man dauki uplika nani ba ai dukia diara yamni tara bribia.

Aiseya 56:10

Upliki nani aihwaki kaiki nani ba sut, blain man sa, witin nani sut diara tânka briras sa. Witin nani sut ba, yul bîlas wakras nani baku sa, ai rayaka aiska ba bawi bara yaprisauhkan kaiki luisa; yapan ra latwan kaikisa.

Libait Lâka 19:14

“Kiama prawan nani ra saura wipara. “Blain yabalka ra mina prukaika kumi sin mangkpara. Yamnikam ba Dawankam ra mariks. Yang sika Dawan.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Kli Smalkanka 27:19

‘Tringsar nani mapara, piarka nani ra, rau nani ra lâka watawi daukbia kaka, lahtuban kabia.’ Bara upla sut wibia: ‘Baku kabia.’

Param Marikanka 2:14

Sakuna man mampara diara nani brisna: Pergamum ra Balaam smalkanka nina bliki ba tila nani bâra sa; Balaam mita sika Balac ra smalki win, Israel luhpia nani ra yaka saura daukbia, aidul nani ra sakripais daukan nani ba pih, bara rug lâka sin daukaia.